(Cwrs Byr) Gwneud Printiau Gartref

Beth fyddwch chin ei astudio

Bydd y cwrs hwn yn cyflwyno a defnyddio pedair techneg wahanol, gan gynnwys:

• Monoteip a Mono argraffu
• Argraffu serigraff (stensil)
• Ceugerfio sychbwynt
• Argraffu cerfwedd

Bydd pob techneg yn cynnwys cyflwyniad i'r broses dechnegol, archwiliad cryno o'r arferion hanesyddol a chyfoes a fideo yn cyd-fynd â thaflen dechnegol.

Bydd 1 wythnos yn cael ei threulio ar bob techneg a byddwch yn cael pecyn dechrau gydag offer sylfaenol pan ydych yn cofrestru ar y cwrs.

Gofynion mynediad a gwneud cais

Mae’r cwrs yn amodol ar isafswm o gyfranogwyr a bydd taliadau yn cael eu had-dalu'n llawn os na fydd y cwrs yn recriwtio’r isafswm yma.

Addysgu ac Asesu

Drwy gydol y cwrs, byddwch yn creu portffolio unigol o waith er mwyn arddangos eich dealltwriaeth o'r technegau yr ydych wedi eu dysgu ac yn arddangos enghreifftiau o'ch gwaith ymarferol.

Eich dewis chi yw sut i ffurfio eich portffolio, a gallwch ddefnyddio sawl ffurf wahanol er enghraifft fideos, lluniau, darluniau neu gyflwyniad PowerPoint ac mae'n rhaid i'r portffolio hefyd gynnwys tystiolaeth o'r canlynol:

• Y gallu i ddefnyddio o leiaf tair techneg argraffu gan ddefnyddio offer elfennol sydd ar gael i chi.
• Y gallu i ddarparu canlyniadau addas.
• Gwerthusiad o'ch llwyddiannau a'ch methiannau 

Ffioedd a chyllid

£45

Ydych chi'n byw yng Nghymru? Mae gennym nifer o gyfleoedd ariannu ar gael, llenwch y ffurflen er mwyn darganfod os ydych chi'n gymwys i astudio'r cwrs hwn am ddim. Gwnewch gais nawr trwy'r ffurflen hon.

Unwaith y byddwch wedi cwblhau eich cais am hepgor ffioedd bydd hyn yn mynd at ein tîm ariannu i’w brosesu, ac yna byddwn yn cysylltu â chi cyn gynted â phosibl i roi gwybod i chi a ydych yn gymwys ai peidio i gael hepgor eich ffioedd..

Os ydych yn gymwys, byddwn wedyn yn cysylltu â chi i roi gwybod i chi sut i sicrhau eich lle ar y cwrs..

* Sylwch mai dim ond i fyfyrwyr sy'n astudio 30 credyd neu lai mewn blwyddyn academaidd y mae'r hepgoriad ffi ar gael. Os byddwch yn dechrau astudio ymhellach yn ystod y flwyddyn academaidd hon, a fydd yn mynd a chi dros 30 credyd, gall hyn olygu dileu'r hepgoriad ffioedd ac efallai y codir tâl arnoch am y cwrs byr.

Dyddiadau'r cwrs

Ar hyn o bryd nid oes dyddiadau cychwyn ar gyfer y cwrs hwn.   

Os hoffech gael eich ychwanegu at restr ymholiadau fel y gellir cysylltu â chi pan fydd dyddiadau newydd yn cael eu cadarnhau cofrestrwch eich diddordeb.