Lisa Formby

Lisa yw’r Arweinydd Ymchwil Addysg ac mae’n helpu i gydgysylltu a monitro amrywiaeth o brosiectau a gaiff eu cynnal ar hyn o bryd o fewn yr adran. Mae hi hefyd yn aelod o sawl tîm ymchwil cydweithredol sy’n archwilio pynciau fel Addysgeg siarad, Ymwreiddio ymchwil ac ymholi mewn ysgolion, Ysgolion sy’n canolbwyntio ar y gymuned, Niwroamrywiaeth yn y gweithle a Dulliau sy’n ystyriol o drawma.

Cyn dod i weithio i Brifysgol Wrecsam, bu Lisa yn gweithio am dair blynedd ym Mhrifysgol Bangor, gan gynnal astudiaeth ymchwil dull cymysg yn ymwneud â siwrneiau diagnostig dynion a oedd newydd gael eu diagnosio â chanser y prostad yng Nghymru. Yn y byd addysg, mae Lisa wedi cyflwyno profiadau dysgu a gweithdai mewn amrywiaeth eang o sefydliadau, yn cynnwys ysgolion cynradd ac uwchradd, sefydliadau addysg bellach, clybiau ieuenctid, sefydliadau’r trydydd sector a charchardai.

Mae Lisa yn danbaid dros helpu i hwyluso newid er mwyn mynd i’r afael ag anghydraddoldebau ac anfantais ac ategu cynhwysiant a llesiant. Mae ei rolau blaenorol yn cynnwys gwaith ieuenctid, cymorth pontio i droseddwyr sy’n gadael y carchar, datblygu cymunedol mewn ardaloedd amddifad a hyfforddiant NLP, a hefyd bu’n arweinydd prosiect ar gyfer timau amlasiantaeth yn ymwneud â theuluoedd cymhleth mewn angen.