Sgyrsiau Ymchwil Wrecsam
Croeso i Sgyrsiau Ymchwil Wrecsam
Yn dilyn llwyddiant darlithoedd cyhoeddus 'Sgyrsiau Glyndŵr' yn ystod y flwyddyn academaidd ddiwethaf, rydym yn bwriadu parhau â'r gyfres gan fabwysiadu enw newydd er mwyn adlewyrchu'r newidiadau sy'n digwydd o fewn y brifysgol. Mae Darlithoedd Cyhoeddus Sgyrsiau Wrecsam yn gyfres o ddarlithoedd fin nos am ddim a gynhelir gan y Swyddfa Ymchwil ac maent yn agored i bawb. Dewch i fwynhau ychydig o ddanteithion a lluniaeth am ddim wrth rwydweithio gyda'r siaradwyr a mynychwyr eraill, yna ymlaciwch i fwynhau sgyrsiau gan ein hymchwilwyr, wedi eu cyflwyno gan Gadeirydd, ac yn cael eu dilyn gan gwestiynau gan y gynulleidfa.
Mae Sgyrsiau Ymchwil Wrecsam yn ffenestr siop bwysig i Brifysgol Wrecsam, a bwriad y darlithoedd yw gwahodd trafodaethau a dadleuon mewn amrywiol bynciau i brocio'r meddwl. Rydym yn ymfalchïo mewn ymchwil gymhwysol, Ymchwil Sy'n Trawsnewid, ymchwil sy'n dylanwadu'r gymuned leol a'r byd ehangach, ac rydym eisiau rhannu hyn gyda chi mewn ffordd hygyrch.
Heb gynulleidfa nid oes pwrpas i Ddarlithoedd Cyhoeddus, felly edrychwn ymlaen at groesawu eich safbwyntiau newydd ar ein hymchwil. Edrychwch ar ein hamserlen ac archebwch eich lle trwy Eventbrite gan ddefnyddio'r dolenni neu'r codau QR. Os nad yw'n bosibl i chi fynychu, bydd modd i chi wylio recordiad ar-lein o'r sesiwn yn fuan wedi'r digwyddiad. Gobeithiwn eich gweld yn fuan!
Mae’r Darlithoedd am ddim i’w mynychu, ond rhaid archebu tocynnau ymlaen llaw. Cymerwch gip ar restrau’r digwyddiadau i weld y manylion llawn, gan gynnwys lleoliad, amseroedd a sut i archebu tocyn. Gallwch ddal i fyny ar sgyrsiau blaenorol trwy fynd i'n tudalen darlithoedd gorffennol.
Os ydych chi’n dymuno cyfrannu at Sgyrsiau Glyndŵr: Mynegiad o ddiddordeb.
