Cyfiawnder: Y Sefydliad Ymchwil Cynhwysiant Cymdeithasol

Cyfiawnder: Sefydlwyd y Sefydliad Ymchwil Cynhwysiant Cymdeithasol ym Mhrifysgol Wrecsam ar ddechrau 2022. Mae'n gymuned ymchwil o fewn y Gyfadran Gwyddorau Cymdeithasol a Bywyd sydd â'r nod o feithrin cydweithrediad rhwng academyddion, darparwyr gwasanaethau, a defnyddwyr gwasanaethau (rhyngddisgyblaethol, lleol, cenedlaethol a rhyngwladol) i fynd i'r afael ag ymchwil o safon, ymateb i gyfleoedd cyllid, a datblygu ceisiadau am grantiau er mwyn hyrwyddo cynhwysiant cymdeithasol.

Mae'r sefydliad yn croesawu cyswllt gan unigolion sy'n dymuno ymgymryd ag astudiaethau ar lefel PhD yn y meysydd cyfiawnder troseddol, gofal cymdeithasol neu bolisi cymdeithasol. Mae hefyd yn croesawu cyswllt gan asiantaethau a grwpiau sy'n dechrau ar brosiectau newydd, sy'n dymuno cwmpasu dealltwriaeth bresennol cyn cyflwyno ceisiadau am gyllid, neu sy'n dymuno gweithio mewn partneriaeth ac archwilio sut gall staff y Sefydliad helpu gyda cheisiadau am gyllid a/neu werthusiadau prosiectau.