Nick de Mora-Mieszkowski

Wedi iddo hyfforddi’n wreiddiol fel actor yn Academi Italia Conti, gweithiodd Nicholas de Mora-Mieszkowski’n broffesiynol ym myd y theatr cyn darganfod Therapi Iaith a Lleferydd yng nghanol ei ugeiniau.

Mae Nicholas wedi gweithio ar draws amryw o sefydliadau’r GIG yng Nghymru a Lloegr, gan ennill profiad sylweddol mewn Therapi Iaith a Lleferydd oedolion. Mae ei waith clinigol wedi cynnwys cefnogi unigolion gyda chyflyrau niwrolegol megis strôc.

Cyn ymuno gyda Phrifysgol Wrecsam, gweithiodd Nicholas fel Darlithydd Cyswllt ym Mhrifysgol Metropolitan Caerdydd. Mae’n parhau i weithio i’r GIG o fewn cronfa, gan arbenigo mewn anhwylderau llyncu cymhleth a chlinigau fideofflworosgopi (llyncu pelydr-X). Yn y rôl hon, mae’n asesu a rheoli cleifion gydag ystod o gyflyrau o blith cleifion mewnol a chleifion mewn lleoliadau cymunedol.

Ochr yn ochr â’i waith addysgu a’i waith clinigol, mae Nicholas yn astudio ar gyfer MPhil ym Mhrifysgol Bangor. Mae ei ymchwil yn archwilio ystyr cysur i bobl sy’n byw gyda dementia yng nghyd-destun yfed, hydradu, ac ymgysylltiad cymdeithasol cysylltiedig.