Daniel Knox

Dylunydd/Peiriannydd a Darlithydd mewn Dylunio Cynhyrchion gyda 15 mlynedd o brofiad yn y diwydiant a phedair blynedd o brofiad mewn addysg uwch ym Mhrifysgol Trent Nottingham (2020-21) a Phrifysgol Wrecsam (2021 hyd y presennol). Mae fy ngyrfa’n cwmpasu mwy nag un sefydliad, lle bu gennyf rôl hollbwysig o ran creu atebion perfformio a chyfarpar achub bywydau ar gyfer Awyrlu’r Unol Daleithiau, ynghyd â dyluniadau arloesol ar gyfer brandiau blaenllaw fel Dyson ac Unilever. Yn arbennig, yn Survitec (2010-13), gweithiais ar brosiect mwyaf Survitec (Ensemble Criw Awyr Integredig [IAE]), yn ystod cam ymchwil a datblygu a oedd yn werth miliynau o ddoleri, er mwyn datblygu ensemble hedfan peilotiaid ar gyfer yr F-35 Lightning II newydd. Roedd fy rôl yn cynnwys rheoli’r prosiect ar draws gwahanol ddiwylliannau a chylchfaoedd amser a gweithio ar gontract gyda Mustang Survival yng Nghanada, gyda Survitec yn Lloegr a chyda Tiax LLC yn Boston. Datblygais/dangosais sut y gallai defnyddio deunydd newydd esgor ar effeithlonrwydd, yn ogystal â lleihau amser ac ynni gweithgynhyrchu yn fawr ac arbed llawer o gostau. Yn dilyn y cam datblygu tair blynedd, ar ôl cadw at dargedau’r fanyleb a dangosyddion perfformiad allweddol, ar ôl cael cymeradwyaeth gan Lywodraeth yr Unol Daleithiau ac ar ôl pasio adolygiad dylunio (CDR), symudwyd y prosiect yn ei flaen at gamau eraill, yn cynnwys gwerthuso/profi.

Diwydiant | Yn Dyson (2015-18), bûm yn arwain timau peirianneg i gyflawni functional assembly, gan bennu a lliniaru rigiau a chan ysgogi targedau’r fanyleb. Fe wnaeth fy nghyfnod yn Hwb Technoleg Dylunio Byd-eang Unilever (2017-21) bontio bylchau rhwng ymchwil a datblygu ar y naill law a chadwyni cyflenwi a chaffael ar y llaw arall, gan ddarparu tystiolaeth a chyngor ynglŷn â datblygu/profi prosiectau. Ysgogodd hyn ddiwylliant o arloesi, dylunio ar gyfer masgynhyrchu a datblygu strategaethau a oedd yn cyd-fynd â Chynllun Byw’n Gynaliadwy Unilever, gan arwain at batent rhyngwladol ar gyfer ateb pecynnu cynaliadwy. Rwyf wedi ymrwymo i feithrin ymwybyddiaeth a chynaliadwyedd amgylcheddol, fel y dangosir trwy fy mentoriaeth gyda Chynllun Addysg Beirianneg Cymru. Yn 2023, cynorthwyais fyfyrwyr i ennill gwobr gynaliadwyedd genedlaethol am ddylunio, adeiladu a chynhyrchu ateb ar gyfer problem gynaliadwyedd gymunedol (o’r enw: Peirianneg a Grymuso Pobl). Bûm yn arwain prosiectau pecynnu pwysig, a hefyd bûm yn hwyluso i drosglwyddo technoleg ac yn gweithredu mesurau arbed costau oddi mewn i dimau Dylunio Byd-eang, gan weithio gyda nifer o bartneriaid mewnol (ymchwil, cyflwyno cynhyrchion newydd, brand, marchnata, ffurfio, profi, eiddo deallusol, caffael, diogelwch a rheoleiddio) ac allanol (cadwyni cyflenwi, cyfarpar, gweithgynhyrchwyr), gan gyflwyno dyluniadau i’r farchnad.

Ymchwil | Rwy’n un o gynghorwyr Ecological Citizen(s) Network+, a ariennir gan Gyngor Ymchwil Peirianneg a’r Gwyddorau Ffisegol UKRI (£3.4m) (EP/W020610/1), gan gydweithio gyda’r RCA a Sefydliad Amgylchedd Sweden Prifysgol Efrog i sefydlu’r Ecological Citizen(s) Network+, a chan gyfrannu at ddatblygu gwybodaeth yn y maes a llywio polisïau ac arferion. Trwy fy ngyrfa amlweddog, rwyf wedi ymrwymo i ysgogi newid cadarnhaol, hyrwyddo cynaliadwyedd a meithrin y genhedlaeth nesaf o beirianwyr a dylunwyr. Fel un o Gymrodyr yr Academi Addysg Uwch, rwyf wedi ymrwymo i ddatblygu cydweithredu rhyngddisgyblaethol, arloesedd ac arferion cynaliadwy er budd y gymdeithas a’r amgylchedd.