Dr Jo Turley

Mae Jo wedi bod ym Mhrifysgol Wrecsam ers 2009, gan ddechrau fel myfyriwr ac ennill ei gradd BSc (Anrh) mewn Seicoleg yn 2012, ac yna symud ymlaen i fod yn Gynorthwyydd Ymchwil yn yr adran Seicoleg. Ar ôl hynny, aeth Jo ati i astudio a chwblhau ei gradd PhD. Roedd ei thesis yn canolbwyntio ar yr effaith seicolegol o gyfathrebu digidol ar blant rhwng 7-11 mlwydd oed. 

Ochr yn ochr â’i hastudiaethau PhD, parhaodd Jo i weithio yn yr adran Seicoleg fel Cynorthwyydd Addysgu Graddedig ac yn ystod y cyfnod hwnnw llwyddodd i gwblhau ei Thystysgrif Addysgu Ôl-raddedig mewn Addysg Uwch. Yn sgil hyn, daeth Jo yn Gymrawd yr Academi Addysg Uwch. Yn 2016, daeth Jo yn Ddarlithydd Seicoleg llawn amser gan fynd yn ei blaen i fod yn Uwch Ddarlithydd yn 2020.

Mae Jo hefyd yn diwtor Cyswllt Academaidd Seicoleg ar gyfer dau goleg partner yng Ngroeg ac ar hyn o bryd mae’n aelod Siartredig o Gymdeithas Seicolegol Prydain, gyda’i phrif feysydd addysgu ac arbenigedd yn cynnwys seicoleg gymdeithasol, seiberseicoleg a dulliau ymchwil ansoddol.
Yn ei hamser hamdden mae Jo yn mwynhau bod yng nghwmni ei theulu, darllen, coginio, a theithio dramor.