Digwyddiad Agored ar gyfer Ymchwil | Tachwedd 2025

Arddangosodd y Digwyddiad Agored ar 12 Tachwedd 2025 ymchwil cyffrous ar draws meysydd gofal iechyd, iaith a Deallusrwydd Artiffisial, wedi’i gadeirio gan yr Athro Alec Shepley.

Chris Bellis - Annog Ymchwil mewn Ffisiotherapi

Cyflwynodd Chris Bellis, Darlithydd mewn Ffisiotherapi, boster yn manylu ar y prosiect ymchwil ar raddfa fach, sy’n cael ei ariannu drwy gymrodoriaeth RCBC Cymru. Y prosiect hwn oedd cam cyntaf Chris ar yr ysgol ymchwil, a’i gynnig cyntaf ar ymchwil ansoddol.

Nod yr astudiaeth oedd archwilio sut oedd ffisiotherapyddion oedd newydd raddio yn pontio i waith ymarfer. Dechreuodd Chris gydag adolygiad cwmpasu a chanfu fod prinder llenyddiaeth yn y DU, gydag un arolwg blaenorol yn unig i adeiladu arno. Roedd y prosiect yn cynnwys cyfweliadau â thri ffisiotherapydd profiadol, a rannodd eu profiadau o weithio gyda graddedigion newydd.

Themâu allweddol:

• Parodrwydd i ymarfer - pa mor barod oedd graddedigion ar gyfer gwaith yn y byd go iawn
• Pontio’r bwlch - y newid o hyfforddiant academaidd i ymarfer proffesiynol
• Croeso i'r byd go iawn - yr heriau sy’n wynebu graddedigion newydd

Cyflwynwyd y poster mewn cynhadledd ffisiotherapi yng Nghasnewydd hefyd, gan dynnu sylw at heriau recriwtio staff i’r GIG a rhannu mewnwelediadau i gefnogi ffisiotherapyddion ar ddechrau eu gyrfa.

Dmitrii Iarovoi – Tuedd Hanesyddol a Deallusrwydd Artiffisial (AI)

Archwiliodd Dmitrii Iarovoi, Ymchwilydd PhD mewn Cyfrifiadura dueddiadau hanesyddol mewn AI, gan gyflwyno ei ymchwil mewn cynhadledd yng Nghasnewydd ym mis Awst. Gofynnodd i fynychwyr ddychmygu ymweld â chastell, gan ddefnyddiol ChatGPT i ateb cwestiynau hanesyddol. Pwysleisiodd gwaith Dmitrii y gallai Deallusrwydd Artiffisial rith-weld neu ddangos tuedd, gydag atebion yn aml yn anghyson a hunaniaeth ranbarthol yn dylanwadu arnynt.

Nododd Dmitrii bod gan fodelau iaith mawr (LLMs) botensial dyblyg: gallant gyfoethogi dehongliad hanesyddol ond gallant hefyd gyflwyno tuedd yn anfwriadol. Mae'r ymchwil hwn yn pwysleisio’r angen am ystyriaeth ofalus wrth ddefnyddio AI mewn cyd-destunau addysgiadol neu ddiwylliannol.

Thomas Starr-Marshall - Delweddu Uwchsain o Lafariaid Cymraeg

Rhannodd Thomas Starr-Marshall, Darlithydd mewn Therapi Iaith a Lleferydd, ei waith ar ddelweddu uwchsain llafariaid Cymraeg, a gynhaliwyd yn yr Eisteddfod ym mis Awst. Gan gasglu data gan 45 o gyfranogwyr, archwiliodd Thomas chwe gair Cymraeg a oedd yn cynrychioli’r gwahaniaethau cynnil rhwng safle’r tafod ac ynganiad rhwng gogledd a de Cymru.

Gan ddefnyddio chwiliedydd uwchsain ochr yn ochr â chamera blaen, delweddodd Thomas symudiad y tafod a siâp crwn y gwefusau, manylion a astudiwyd yn acwstig yn unig yn flaenorol. Mae gan y canfyddiadau ddefnyddiau pwysig:

• Cefnogi therapi iaith a lleferydd i blant gydag anhwylderau lleferydd
• Helpu dysgwyr Cymraeg i ddeall safle’r tafod er mwyn ynganu’n gywir

Rhoddodd y Digwyddiad Agored gyfle gwych i weld ymchwil ar waith, gyda phrosiectau’n amrywio o newidiadau gofal iechyd i foeseg AI a gwyddorau ieithyddol. Mae’n gyfle gwych i gyflwyno eich gwaith i gynulleidfa gyfeillgar, galonogol.

Diolch i bawb a ddaeth ac a gyfrannodd at y trafodaethau - welwn ni chi tro nesaf!