Bethan Owen-Booth

Cymhwysodd Bethan fel Therapydd Galwedigaethol o Brifysgol Lerpwl yn 1994, a sicrhau MSc mewn Niwroseicoleg Clinigol ym Mhrifysgol Bangor yn 2010. Mae wedi bod yn arbenigwr niwroleg ers 1999 gyda phrofiad mewn adsefydlu cymunedol, strôc acíwt ac ymchwil niwroseicolegol, ac mae wedi cyflwyno ei hymchwil ar adsefydlu niwroseicoleg mewn cynadleddau cenedlaethol a rhyngwladol.

Mae gan Bethan ddiddordeb mawr mewn niwroddelweddu strwythurol a swyddogaethol mewn niwroadsefydlu. Ymhlith ei diddordebau mae triniaeth addasu prism wrth adsefydlu esgeulustod hanner-ofodol a phatrymau cyffredinoliad triniaeth traws-ieithyddol pobl ddwyieithog Cymraeg/Saesneg gyda dyslecsia cymhwysol.

Yn ddiweddar, enillodd Bethan Gymrodoriaeth Cochrane Ymchwil Strôc Cymru. Galluogodd y dyfarniad Bethan i weithio ar adolygiad systematig gyda’r Grwpiau Strôc a Dementia Cochrane yn archwilio effeithiolrwydd aromatherapi gyda dementia.

Ymhlith ei diddordebau personol mae sgïo jet gyda’i theulu a ffrindiau, cerdded ei chi a rhedeg.