Cathy Hewins

Rwyf wedi bod yn nyrs gofrestredig ers mis Ebrill 1995. Dechreuais fy addysg nyrsio gychwynnol yn 1992 ym Mhrifysgol Keele lle cwblheais Ddiploma mewn Addysg Uwch, Nyrsio (Adain Oedolion) yn llwyddiannus. 

Yn 1999 dechreuais ar fy ngradd israddedig mewn Nyrsio Uwch yn yr hyn a oedd bryd hynny yn NEWI. Graddiais yn 2001 gyda BSc (Anrh) mewn Nyrsio Uwch gyda thystysgrif arfer arbenigol. Mae gennyf hefyd gymhwyster dysgu a thystysgrif ôl-raddedig mewn e-ddysgu.

Dechreuodd fy mywyd gwaith fel nyrs yn 1992 yn Ymddiriedolaeth GIG Ysbyty North Staffordshire, lle cwblheais fy addysg nyrsio. Sicrheais swydd fel nyrs gymwysedig yn 1995 yn Ysbyty Wrecsam Maelor lle gweithiais ar y ward derbyniadau meddygol. Ym mis Ionawr 1997, dechreuais weithio fel nyrs staff yn Ysbyty Glan Clwyd ar yr Uned Arennol. Datblygais arbenigedd mewn nyrsio arennol ac yn benodol hemodialysis. Gadewais yr Uned Arennol ym mis Hydref 2003 i ddechrau ar fy swydd ym Mhrifysgol Wrecsam yn y tîm Nyrsio yn dysgu’r Diploma Israddedig mewn Nyrsio Oedolion a BN (Anrh) mewn Nyrsio Oedolion.  

Yn 2013 dois yn arweinydd rhaglen ar gyfer FDA mewn Iechyd a Gofal Cymdeithasol am gyfnod byr cyn ymgymryd ag arweinyddiaeth ardal raglen Blwyddyn Sylfaen ar gyfer yr holl fyfyrwyr BSc Iechyd, Lles a Chymyned yn ogystal â dechrau dysgu ac arwain modiwl ar y rhaglen BSc Iechyd, Lles a Chymuned.  Rwyf wedi cynorthwyo i ysgrifennu ac ymgymryd â dilysu cyfres newydd o gyrsiau iechyd a lles a chymerais arweinyddiaeth y rhaglen Diploma mewn Iechyd a Lles Cymdeithasol, tra’n parhau i arwain ar yr hen flwyddyn sylfaen. Yn fwy diweddar rwyf wedi cyd-ysgrifennu’r Flwyddyn Sylfaen newydd ar draws y gyfadran ac rwy’n cyd-arwain y rhaglen hon.

Rwyf wedi bod yn rhan o’r Tîm Datblygiad Academaidd ers iddo ddechrau ychydig flynyddoedd yn ôl.  Yn wreiddiol roeddwn yn aelod o’r grŵp Mentora Cyfoedion Myfyrwyr ac rwyf wedi arwain Mentora Cyfoedion Myfyrwyr yn y tîm Iechyd a Lles dros y 6 mlynedd ddiwethaf.  Gall myfyrwyr sydd wedi bod yn astudio yn y brifysgol am o leiaf 1 flwyddyn academaidd ymgymryd â’r rôl ac mae myfyrwyr newydd wedi canfod bod y gefnogaeth mentora gan gyfoedion yn amhrisiadwy.  Rwyf nawr yn aelod o’r edefyn Cyflogadwyedd.  Mae gen i ddiddordeb mawr i ddatblygu sgiliau cyflogadwyedd ein myfyrwyr ac rwy’n gweithio’n agos gyda Jenny Whitaker yn Gyrfaoedd ar hyn.  Rwyf wedi ysgrifennu ac arwain y modiwl cyflogaeth lefel 6 lle rwyf wedi datblygu asesiad cyfweld arloesol.

Yn fy amser rhydd, rwy’n hoffi treulio amser yn mynd â fy merch yma ac acw; rwyf hefyd yn mwynhau dawnsio ac rwy’n aelod o garfan Cystadleuaeth Oedolion ein hysgol ddawns.