Dr Dawn Jones

Graddiodd Dawn yn 1990 gyda BA (Anrh) mewn Cymdeithaseg (Dosbarth Cyntaf) o Brifysgol Bangor, Prifysgol Cymru. Yna aeth ymlaen i gwblhau PhD mewn Cymdeithaseg gyda Phrifysgol Caerlŷr.

Gweithiodd Dawn fel Uwch Ddarlithydd mewn Cymdeithaseg ym Mhrifysgol Liverpool Hope o 1995 hyd 2007, gan ddarparu’r rhaglen ar lefel israddedig ac ôl-raddedig.

Mae Dawn wedi bod yn aelod o’r tîm Gwaith Cymdeithasol ym Mhrifysgol Wrecsam ers 2007 ac mae’n dysgu ar y rhaglen Gwaith Cymdeithasol. Mae hi wedi bod yn Arweinydd Rhaglen ar gyfer y radd BA (Anrh) Polisi Cyhoeddus a Chymdeithasol, ac ar gyfer y cynllun gradd Sylfaen mewn Iechyd a Gofal Cymdeithasol.

Mae Dawn yn gymdeithasegydd sy’n weithredol o ran ymchwil ac wedi cyhoeddi ar draws maes polisi cymdeithasegol, polisi cymdeithasol a chymdeithaseg risg. Yn fwyaf diweddar, mae wedi rhedeg tri phrosiect ymchwil sydd wedi’u comisiynu gan Gwelliant Cymru sydd wedi archwilio ansawdd y gofal a’r gefnogaeth a dderbynnir gan blant a phobl ifanc gydag anableddau dysgu yng Nghymru. Mae Dawn hefyd yn gweithredu fel ymgynghorydd academaidd allanol i nifer o brifysgolion ar draws y DU, gan asesu ansawdd y ddarpariaeth ar gyfer graddau israddedig ac ôl-raddedig mewn gwaith cymdeithasol, iechyd a gofal cymdeithasol ac iechyd cyhoeddus.