Dr Emma Harrison

Dechreuais weithio ym Mhrifysgol Wrecsam yn 2021 fel Rheolwr Effaith Ymchwil, ar ôl gweithio fel Swyddog Ymchwil yn Uned Cydweithredu Iechyd y Cyhoedd Prifysgol Bangor yn Wrecsam gydag Iechyd Cyhoeddus Cymru. 

Cyn hynny, fe wnes i gwblhau ymchwil ôl-ddoethurol ym Mhrifysgol Keele yn ymwneud ag arloesedd addysgu ar ôl gorffen fy ngraddPhD yn 2019 gyda thesis a oedd yn dwyn y teitl ‘Exploring student victimisation and wellbeing in the UK higher education context’. 

Yn ystod y tair blynedd a dreuliais yn cwblhau fy ngradd PhD, cefais fy nghyflogi fel Cynorthwyydd Ymchwil ar nifer o brosiectau seicoleg ac addysg ochr yn ochr â’m rôl fel Llysgennad Digidol yng Ngwasanaethau Myfyrwyr Keele. 

Rwyf hefyd yn Gymrawd Ymchwil Ymweld mewn Seicoleg ac rwy’n mynd ati i gynnal ymchwil. Mae fy niddordebau ymchwil yn cynnwys polisi addysg uwch, llesiant, bwlio, trawma, cam-drin a niwroamrywiaeth, ynghyd â seicoleg datblygiad, seicoleg gymdeithasol a seicoleg cwnsela. Ar hyn o bryd, rwy’n cydweithio gyda chydweithiwr ym Mhrifysgol Keele ar brosiect sy’n archwilio canfyddiadau myfyrwyr y brifysgol o bolisïau gwrth-fwlio, ochr yn ochr â chymorth i staff niwrowahanol mewn addysg uwch. Hefyd, rwy’n cydweithio gyda chydweithiwr o UCLan a nifer o ymarferwyr cwnsela ar brosiect yn ymwneud â chwnselwyr GSRD/LHDT mewn hyfforddiant. 

Rwy’n aelod o’r Rhwydwaith Staff LHDT+, grŵp y Siarter Cydraddoldeb Hil, gweithgor y Concordat Datblygu Ymchwilwyr, a’r Rhwydwaith Staff Niwroamrywiaeth sydd ar ddod. 

Rwy’n gweithio gyda chriw gwych o bobl yn y Swyddfa Ymchwil ac rwy’n helpu gyda datblygiad y staff, gwaith yn ymwneud â chynnwys ymchwil, y cyfryngau cymdeithasol a blogiau er mwyn cyfleu gwaith gwych ein hymchwilwyr a helpu cydweithwyr sy’n gweithio’n bennaf yn y Gyfadran Gwyddorau Cymdeithasol a Bywyd i wireddu effaith go iawn eu gwaith rhagorol. Wrth baratoi ar gyfer Fframwaith Rhagoriaeth Ymchwil 2029, rwy’n cynorthwyo academyddion i ddatblygu allbynnau ac astudiaethau achos yn y Gyfadran Gwyddorau Cymdeithasol a Bywyd.