Ymunodd Fern â’r Tîm Seicoleg yn 2017 ag ôl gweithio mewn rolau Gyrfaoedd a Chyflogadwyedd a’r Gwasanaeth Cymorth Cynhwysiant mewn Addysg Uwch, lleoliadau lletygarwch amrywiol a rhedeg ei gwasanaeth Cerdded Cŵn ei hun. Mae Fern hefyd wedi gwirfoddoli i gefnogi myfyrwyr mewn argyfwng a gyda sefydliad Victims Support. Ar hyn o bryd mae Fern wrthi yn gwneud MPhil yn PGW, gan ddefnyddio mesurau ansoddol i archwilio dysgu gwyddoniaeth yn anffurfiol ac ymgysylltu â theuluoedd. Yn ei hamser hamdden mae Fern yn gerddor, ac yn canu’n aml gyda’i gitâr acwstig mewn lleoliadau lleol. Mae Fern ar dân dros adnabod potensial unigolion a herio stigma.

Mae Fern yn aelod staff amser llawn yn Adran Seicoleg Prifysgol Wrecsam. Mae wedi bod yn gweithio fel Gweinyddwr yr Adran ers 2017 ac yn awr mae’n gwneud y rôl hon yn rhan-amser ochr yn ochr â bod yn Arweinydd Rhaglen ar gyfer tair o raglenni Seicoleg MSc Ar-lein Prifysgol Wrecsam. Mae Fern yn Ddarlithydd ar y rhaglen BSc Seicoleg a achredir gan Gymdeithas Seicolegol Prydain. Enillodd BSc (Anrh) mewn Seicoleg ym Mhrifysgol Bangor.

Ar hyn o bryd, mae Fern yn gweithio tuag at gwblhau ei gradd MPhil; gan ddefnyddio Dadansoddiad Ffenomenolegol Deongliadol i archwilio profiadau rhieni o ddysgu gwyddoniaeth anffurfiol ac ymgysylltu â theuluoedd mewn canolfan darganfod gwyddoniaeth. Dros yr un flynedd ar ddeg ddiwethaf, mae Fern wedi ysgwyddo gwahanol rolau mewn Addysg Uwch yn cynnwys Gyrfaoedd a Chyflogadwyedd, Gwasanaethau Cynhwysiant, Gweinyddu, Ansawdd a Rheoliadau, Ymchwil a Darlithio. Oddi allan i’w rôl ym Mhrifysgol Wrecsam, mae Fern wedi gwirfoddoli i sefydliadau sy’n cynorthwyo myfyrwyr mewn argyfwng a phobl sydd wedi goroesi trais rhywiol a cham-drin rhywiol. Ar hyn o bryd, mae Fern yn aelod o Fwrdd Cyfarwyddwyr Menter Gymdeithasol yng Nghymru sy’n cynnig gwasanaethau seicolegol i deuluoedd mewn angen.