Gillian Danby

Cyn dysgu yn y Brifysgol, enillais brofiad yn y sector gwirfoddol, gan weithio’n agos gyda phlant ifanc o dan 5 mlwydd oed. Fodd bynnag, dechreuodd fy ngyrfa fel ymarferydd gofal plant ddiwedd yr 1980au/dechrau’r 1990au pan fûm yn gweithio fel nyrs mewn meithrinfa. Rhoddodd y profiad ymarferol hwn gyfle i gael dealltwriaeth werthfawr o ddatblygiad plentyndod cynnar a rôl hanfodol meithrin gofal yn ystod y blynyddoedd ffurfiannol yma.

Drwy gydol fy ngyrfa rwyf wedi parhau i fod yn angerddol dros hyrwyddo iechyd a lles plant. Mae gen i ddiddordeb arbennig mewn deall sut mae profiadau bywyd cynnar yn llywio deilliannau hirdymor o ran iechyd corfforol a lles meddyliol. Mae cydweithredu’n agos gyda rhieni wedi bod yn un o gonglfeini fy ngwaith, gan fy mod yn credu’n gryf ym mhwysigrwydd ymwneud y teulu o ran meithrin deilliannau datblygiadol cadarnhaol i blant.

Mae’r angerdd hwn wedi fy arwain i ddilyn ymchwil ar lefel meistr, lle canolbwyntiais ar iechyd a lles meddyliol plant o oedran cynradd. Roedd fy astudiaeth yn archwilio sut y gall ysgolion roi strategaethau effeithiol ar waith er mwyn cefnogi iechyd a lles meddyliol plant, gan greu amgylcheddau lle gallant ffynnu’n emosiynol ac yn academaidd. Cafodd canfyddiadau fy ngwaith ymchwil eu cyhoeddi mewn cyfnodolyn wedi’i adolygu rhwng cyfoedion, gan gyfrannu at y maes gwybodaeth ehangach ar iechyd a lles meddyliol y plentyn.

Ar hyn o bryd rwyf yn fy ail flwyddyn o’r Rhaglen Ddoethuriaeth Addysg, lle mae fy ffocws yn canolbwyntio ar fynd i’r afael â phroblemau addysgol cyfoes. Mae’r rhaglen hon wedi rhoi’r cyfle i mi ymgysylltu gyda gwaith ymchwil addysgiadol ac i archwilio arferion o fewn addysg ymhellach.

Pan mae gen i amser rhydd, rwy’n hoffi ei dreulio gyda fy nheulu ac yn cerdded y ci.