Richard Lewis

Ymunodd Richard â’r Brifysgol yn 2018 fel Cynorthwyydd Myfyrwyr a Thechnegydd Gwyddorau Chwaraeon ar gyfer yr adran. Mae’n gyfrifol am gynnal safonau uchel y Labordai Chwaraeon a Gwyddorau Ymarfer a rhoi cymorth ychwanegol i fyfyrwyr.

Ar hyn o bryd, mae Richard yn astudio PhD mewn Gwyddorau Chwaraeon ac Ymarfer. Mae’r prosiect yn canolbwyntio ar strategaethau adfer ar ôl ymarfer corff, yn benodol felly strategaethau cywasgu ac oeri.

Cyn iddo ymuno â Phrifysgol Wrecsam, cwblhaodd Richard radd BSc (Anrhydedd) mewn Gwyddorau Chwaraeon ac Ymarfer ym Mhrifysgol Edge Hill, ac aeth yn ei flaen i gwblhau MSc mewn Seicoleg Chwaraeon ac Ymarfer ym Mhrifysgol John Moores Lerpwl.

Ar ôl gorffen ei radd, bu Richard yn ymchwilio ym Mhrifysgol John Moores Lerpwl. Roedd ei ymchwil yn cynnwys amryfal brosiectau a aeth ati i archwilio strategaethau hyfforddi ac adfer mewn chwaraeon ysbeidiol. Roedd ei ymchwil yn cynnwys prosiect ar y cyd ag UEFA, a gyhoeddwyd yn 2020, lle’r aethpwyd ati i archwilio mynychder gemau penodol mewn pêl-droed ieuenctid.

Yn ychwanegol at ei amser yn ymchwilio, mae Richard hefyd yn brofiadol o ran rhoi cymorth Gwyddor Chwaraeon Gymhwysol i nifer o dimau chwaraeon proffesiynol, yn cynnwys Clwb Pêl-droed Lerpwl.