Simon Everett

Mae Simon yn Beiriannydd Gwasanaethau Adeiladu sydd wedi gweithio yn y diwydiant ers mwy nag 20 mlynedd. Treuliodd hanner y cyfnod hwn yn gweithio fel peiriannydd ac arweinydd yn Ystadau a Chyfleusterau’r GIG yng Nghymru a Lloegr. Mae Simon wedi gweithio mewn amryfal rolau ym Mwrdd Iechyd Prifysgol Betsi Cadwaladr (Wrecsam Maelor), yn Ysbyty Orthopedig Robert Jones ac Agnes Hunt (Croesoswallt), Swydd Amwythig, ym Mwrdd Gofal Integredig Telford a Wrekin (STWICB) ac yn Ysbytai Addysgu Prifysgol Cilgwri.

Mae Simon yn Beiriannydd Corfforedig sydd wedi cofrestru gyda’r Cyngor Peirianneg, mae’n Aelod o’r Sefydliad Peirianneg Gofal Iechyd a Rheoli Ystadau ac mae’n Aelod Cyswllt o Sefydliad Siartredig y Peirianwyr Gwasanaethau Adeiladu.

Ers 2021, mae Simon wedi cyflwyno rhaglenni gradd Rheoli Peirianneg Gofal Iechyd ar lefel israddedig. Yn 2023, ymunodd â thîm Amgylchedd Adeiledig Prifysgol Wrecsam fel Uwch-ddarlithydd.

Mae Simon yn un o gyn-fyfyrwyr Prifysgol Swydd Stafford, lle graddiodd gyda dosbarth cyntaf BSc (Anrh) mewn Rheoli Technolegau a Chyfleusterau Peirianneg Gofal Iechyd.

Mae gan Simon ddiddordeb academaidd mewn seilwaith ysbytai, cymorth anadlu critigol arbenigol, ystafelloedd llaw-drin a gwasanaethau adeiladu cysylltiedig.

Mae ei ddiddordebau cyffredinol yn cynnwys pêl-droed llawr gwlad, Clwb Pêl-droed Wrecsam, ffotograffiaeth a theithio.