Stuart Savill

Ar hyn o bryd rwy'n cael fy nghyflogi gan Fwrdd Iechyd Prifysgol Betsi Cadwaladr (BIPBC) fel Gwyddonydd Gofal Iechyd Uwch (Ymchwil) yn Uned Academaidd Maelor y Gwyddorau Meddygol a Llawfeddygol. Cyn ymuno gyda BIPBC, cwblheais fy PhD ym Mhrifysgol Caerlŷr, ac roeddwn yn gymrawd ymchwil ôl-ddoethurol ym Mhrifysgol Caerdydd.

Mae fy niddordebau ymchwil yn cynnwys rheoleiddio mynegiant genynnau a’r cytoysgerbwd, ynghyd â sut mae’r mecanweithiau cellol hyn yn newid tueddiad at afiechyd, cynnydd ac ymddygiad. Mae fy mhrosiectau ymchwil cyfredol yn cynnwys defnyddio dull cyflym a sensitif o ganfod DNA er mwyn adnabod bacteria achosol mewn meningitis newyddenedigol; gan archwilio effeithiau symudoldeb celloedd newidiol ar sut mae tiwmorau’n tyfu a metastasis tiwmorau; defnyddio miRNA cylchynol i wahaniaethu rhwng tiwmorau thyroid 

diniwed a rhai canseraidd; asesu rhifau a hyfywedd celloedd bonyn yn deillio o feinwe bloneg er mwyn cynorthwyo i ddethol safle rhoddwr mewn cleifion sy’n ymgymryd â llawdriniaeth i adlunio bron.

Mae gen i brofiad helaeth o ystod eang o dechnegau bioleg foleciwlaidd, gan gynnwys gweithio gydag amrywiol llinellau cell bacterol, ffyngaidd a mamalaidd ac rwy’n eithriadol o gyfarwydd gyda datblygu a dilysu profion RT-qPCR, clonio moleciwlau, profion genynnau adrodd am adeiladu plasmidau, fflworoleuedd a microsgopeg gydffocal a dulliau ar gyfer astudio rhyngweithiadau protein DNA/RNA.

Fel rhan o fy rôl fel Uwch-ddarlithydd Anrhydeddus ym Mhrifysgol Wrecsam, rwy’n dysgu ar y cyrsiau BSc (Anrh) Gwyddor Fiofeddygol, Biocemeg, Gwyddor Fforensig a Maeth. Rwyf hefyd yn dysgu ar y rhaglenni MSc Gwyddor Fiofeddygol a MRes Ymchwil Gwyddorau Biofeddygol ac Ymchwil Clinigol Uwch. Rwy’n arweinydd modiwl ar gyfer y modiwlau canlynol: SCI450 Bioleg Celloedd, Biocemeg, a Geneteg; SCI547 Bioleg Celloedd a Moleciwlaidd; SCI645 Datblygiadau mewn Meddygaeth: Diagnosteg a Therapiwteg; SCI646 Geneteg Glinigol Bioleg Cancr; SCI727 Technegau Dadansoddeg a Moleciwlaidd.