Sue Meeke-Smith

Cyn ymuno â’r tîm Addysg Gynradd gyda SAC yn Wrecsam, bu Sue yn addysgu am 15 mlynedd mewn gwahanol ysgolion cynradd yn Swydd Amwythig a Gwynedd, gan ddysgu pob oedran ond canolbwyntio’n fwy diweddar ar ddisgyblion Meithrin. Er iddi fynd o ddysgu plant bach mewn ysgol gynradd i ddysgu oedolion yn y brifysgol, mae Sue yn parhau i fod yn eiriolwr brwd dros y mwynhad sydd i’w gael o addysgu a dysgu gyda phlant Blynyddoedd Cynnar. Yn yr ysgolion bu’n canolbwyntio ar Gerddoriaeth ar draws y cwricwlwm a chyflwyno rhaglenni Ffoneg Synthetig Systematig. Mae’r rhain bellach yn nodweddion o arbenigedd Sue wrth iddi gefnogi Athrawon dan hyfforddiant drwy eu hastudiaethau SAC.

Enillodd Sue radd Meistr mewn Addysg mewn Cymdeithas o Brifysgol Wrecsam yn 2020, gan ganolbwyntio ar anghyfartaledd addysgol mewn cysylltiad â gwahaniaethau economaidd, gyda phwyslais penodol ar archwilio’r bwlch geiriol sy’n bodoli ar gyfer rhai plant wrth iddynt ddechrau yn yr ysgol. Ar ôl symud i faes Addysg Uwch, mae gan Sue bellach ddiddordeb tebyg yn y ffordd orau o gefnogi myfyrwyr mewn lleoliadau ehangu cyfranogiad, a sut y gall darparwyr addysg wella arferion gweithio cynhwysol i fyfyrwyr. Mae hyn yn ffurfio craidd ei hastudiaethau doethuriaeth wrth iddi archwilio'r profiad byw o gefnogi myfyrwyr wrth iddynt ymdrechu i ddod yn athrawon yn yr hinsawdd addysg bresennol yng Nghymru a Lloegr.

Yn byw yng Ngogledd Cymru gyda’i gwr, tri o blant sy’n tyfu’n rhy sydyn (gyda’r ieuengaf yn gorffen yn yr ysgol gynradd) a chi, mae gan Sue dŷ swnllyd fel arfer ond yn ymlacio drwy grosio blancedi a gwerthfawrogi gwyrddni Gogledd Cymru.