Taofik Adeosun

Gweithiwr profiadol a phroffesiynol ym myd cyllid yw Taofik, sydd wedi ymrwymo’n llwyr i addysg a dysgu’n barhaus. Dechreuodd ei yrfa fel cyfrifydd ym 1997 gydag International SOS, arweinydd byd-eang mewn iechyd a rheoli risg diogelwch. Yma, cafodd brofiadau amhrisiadwy mewn cyfrifo ariannol a rheolaeth, a arweiniodd y ffordd at ddau ddegawd disglair yn Shell. 

Yn Shell, cafodd Taofik swyddi uchel mewn Cyfrifo Ariannol a Rheolaeth, Rheoli’r Gyflogres, Partneriaeth Prosiect a Busnes, Cyfrifo Asedau, Llywodraethiant E&P, a Rheoli Menter.

Yn angerddol am fentora, mae Taofik wedi arwain sawl darpar gyfrifydd i lwyddiant, fel tiwtor i ACCA, ICAN, AAT ac arholiadau proffesiynol eraill.

Ymunodd Taofik ag Ysgol Fusnes Gogledd Cymru ym Mhrifysgol Wrecsam yn 2024 o Goleg Kendal yn Cymbria, Lloegr, lle’r oedd yn Ddarlithydd Cyfrifeg.

Mae ganddo radd Ail Ddosbarth Uwch mewn Cyfrifeg, o Brifysgol Obafemi Awolowo, Nigeria; Tystysgrif Ôl-raddedig mewn Llywodraethu a Datblygu Cynaliadwy o Brifysgol Swydd Stafford, a chwblhaodd radd Meistr mewn Gwyddoniaeth gyda Rhagoriaeth mewn Bancio a Chyllid Islamaidd ym Mhrifysgol Bangor. Graddiodd gyda gwobr am y Perfformiad Gorau gan Fyfyriwr mewn Cyfrifeg, Bancio a Chyllid.

Mae gan Taofik Dystysgrif lefel 3 mewn Asesu Cyflawniad Galwedigaethol (CAVA) ac mae’n dilyn cwrs Tystysgrif Ôl-raddedig mewn Dysgu ac Addysgu AU ym Mhrifysgol Wrecsam. Mae’n Gymrawd Cymdeithas y Cyfrifwyr Ardystiedig Siartredig (ACCA) a Sefydliad Cyfrifwyr Siartredig Nigeria (ICAN), ac yn Gymrawd Cyswllt y Sefydliad Bancio Islamaidd ac Yswiriant (IIBI) Llundain.

Yn ei amser hamdden, mae Taofik yn mwynhau darllen llyfrau amrywiol, teithio a meddwl am faterion cyfoes.