Dr Thanasis Dimitriou

Dechreuais fy ngyrfa yn 2005 gyda BSc mewn Gwyddor Coedwigaeth a Dylunio Dodrefn a Thechnoleg yn Sefydliad Addysgiadol Technegol Larissa yng Ngwlad Groeg, gradd a oedd yn uno gwyddoniaeth faterol mewn ffordd unigryw gyda datblygu cynnyrch. O’r diwrnod cyntaf, cefais fy hyfforddi i edrych ar y system gyfan: sut mae penderfyniadau ynghylch dylunio yn dibynnu ar ymddygiad corfforol deunyddiau, a sut mae arloesi’n digwydd pan rydym yn rhoi’r gorau i feddwl mewn seilos. Dois yn wyddonydd deunyddiau gyda meddylfryd dylunydd, ac mae’r ffordd honno o feddwl wedi arwain pob cam oddi ar hynny.

Yng Ngwlad Groeg gweithiais fel technegydd rheoli ansawdd rhan amser yn y Brifysgol tra’n cefnogi cwmnïau bach sy’n gweithgynhyrchu coed. Roeddwn yn chwarae rhan ymarferol gyda phrofi, cynhyrchu a datrys problemau technegol, dysgu sut mae pren yn ymddwyn, sut i wella ei berfformiad, a beth sydd wir o bwys i’r diwydiant ar lawr y ffatri.

Wedi’i yrru gan awydd i fynd yn ddyfnach i faes ymchwil, symudais i’r DU er mwyn cwblhau PhD mewn Gwyddor Pren ym Mhrifysgol Bangor. Arbenigais mewn cyfansoddion polymer pren, addasu arwynebedd, ac optimeiddio adlyniad, gan adeiladu seilwaith cryf mewn bioddeunyddiau ac arloesi ar raddfa labordy.

Wedi i mi gwblhau fy noethuriaeth, cymerais arno gyfres o rolau ymchwil yng Nghanolfan Biogyfansoddion Prifysgol Bangor, lle arweiniais a chyfranais at brosiectau wedi’u hariannu gan y DU a’r UE oedd yn canolbwyntio ar ddeunyddiau cynaliadwy, arloesi yn seiliedig ar fywydeg ac adeiledd cylchol. Bu i’r rolau hyn ddyfnhau fy arbenigedd technegol tra eu bod ar yr un pryd yn datblygu fy mhrofiad mewn arweinyddiaeth tîm amlddisgyblaethol, ariannu datblygiad, ac arwain syniadau camau cynnar tuag at geisiadau.

Dros amser, dois yn gynyddol ymwybodol o her oedd yn ail-godi: er bod ymchwil academaidd yn aml yn cyflawni rhagoriaeth dechnegol, anaml iawn roedd yn cyrraedd y farchnad. Roedd prosiectau’n cyrraedd eu cerrig milltir ac roedd cyhoeddiadau’n cael eu darparu, ond yn aml roedd y gwerth i ddefnyddwyr yn y pen draw yn cael ei golli ar hyd y ffordd.

Arweiniodd y sylweddoliad yma at feddwl am arloesi hyblyg a thynn. Trawsnewidiodd sut rwy’n mynd at ymchwil, gan newid fy ffocws o brosesau haearnaidd i arbrofi ailadroddol, oedd yn cael ei yrru gan werth. Dechreuais gymhwyso’r egwyddorion hyn i fy mhrosiectau fy hun, gan adeiladu timau perfformiad uchel oedd yn ddiogel yn seicolegol ac a oedd yn ffocysu ar ddarparu deilliannau i’r byd go iawn yn hytrach na thicio blychau.

Arweiniodd y daith hon fi yn y pen draw at drosglwyddo technoleg. Heddiw, fel Rheolwr Trosglwyddo Technoleg ym Mhrifysgol Wrecsam, rwy’n gweithio ar y rhyngwyneb rhwng ymchwil, y diwydiant a menter, yn cefnogi academyddion a diwydiannau i negodi llwybrau at draweffaith, atgyfnerthu ymgysylltu diwydiannol a throsi arloesi yn werth ymarferol.

Ochr yn ochr â’r rôl hon, fi yw sylfaenydd Thinktivate, ymgynghoriaeth sydd wedi ymroi i drawsffurfio sut mae cydweithrediad rhwng y byd academaidd a diwydiant yn cael ei ddylunio a’i gyflawni fel bod ymchwil yn gweithio’n well i bawb sy’n rhan ohono.