Nikki Lloyd-Jones

Mae gan Nikki dros ugain mlynedd o brofiad o weithio yn y maes clinigol ac o weithio fel nyrs arbenigol gydag ystod o gyfrifoldebau ar gyfer cenadaethau llawfeddygol yn Ne America, Sarajevo a Gaza. 

Fel academydd, mae ganddi ddiddordeb arbennig mewn hunaniaeth a gwneud penderfyniadau ac mae ei PhD yn amlygu problemau gyda dulliau ar gyfer paratoi nyrsys i fod yn ymarferwyr 'atebol’. Ymhlith yr argymhellion oedd cynnig dull arloesol ar gyfer ymchwil ac ymarfer fel dilechdid naratif. Gan ddefnyddio ethnofethodoleg (Garfinkel 2004) fel lens i wneud iaith gyffredin a dibwys bob dydd yn ganolbwynt ar gyfer dehongli, mae ei hastudiaeth yn mynegi gwerth ‘sgwrs' (Gadamer 2004). Y nod yw gwerthuso safonau personol a phroffesiynol a ddefnyddir yn y broses o wneud penderfyniadau bob dydd. 

Mae ei hymchwil yn canolbwyntio ar y broses ymchwil fel ffordd o ddatblygu dull disgybledig o greu dadleuon yn seiliedig ar dystiolaeth. Mae'n frwd dros ysbrydoli creadigedd, chwilfrydedd a dysgu annibynnol drwy annog meddwl yn feirniadol. Dros y deng mlynedd ddiwethaf mae Nikki wedi bod yn brif ymchwilydd ar ystod o brosiectau a ariennir, o ‘bontio i ddod yn ddinesydd’, ‘ffactorau sy’n dylanwadu ar wneud penderfyniadau wrth gludo i’r ysbyty’, ‘entrepreneuriaeth fyfyriol, menter rymuso’.