Sara Hilton

Mae Sara yn Uwch Ddarlithydd ac yn hyfforddwr Trwydded A UEFA sy'n dysgu yn bennaf ar y cwrs gradd BSc (Anrh) Hyfforddi Pêl-droed ac Arbenigwr Perfformiad, lle mae'n canolbwyntio'n bennaf ar hyfforddi, addysg hyfforddwr a datblygu cymuned. Mae Sara wrthi ar hyn o bryd yn cynllunio darpariaeth ôl-radd o fewn pêl-droed ac mae'n arwain ar bob darpariaeth partneriaid o fewn yr adran gwyddor chwaraeon ac ymarfer corff. 

O fewn y Brifysgol, mae Sara yn aelod enwebedig o'r Bwrdd Academaidd ac mae'n cynrychioli'r staff dysgu o fewn trafodaethau a gweithrediadau strategol o fewn y Brifysgol. A hithau'n siarad Cymraeg yn rhugl, mae Sara ynghlwm wrth adain Gymraeg y Tîm Datblygu Academaidd ac mae hefyd yn ymwneud â chynllunio a datblygu'r cwricwlwm o fewn yr Is-bwyllgor Rhaglenni Academaidd. 

Mae Sara yn Gymrawd yr Academi Addysg Uwch a chwblhaodd radd Meistr mewn Gweinyddu Busnes gan arbenigo mewn Arweinyddiaeth a Rheolaeth Addysgiadol yn 2022. Ar hyn o bryd mae Sara yn archwilio meysydd o ddiddordeb ar gyfer PhD ac mae'n bwriadu dechrau astudio ar gyfer ei doethuriaeth yn 2025. 

O ran profiad cymhwysol, mae Sara wedi ennill llawer iawn o brofiad yn hyfforddi pêl-droed ar bob lefel a'i rôl ddiweddaraf yw fel hyfforddwr cynorthwyol tîm cenedlaethol Merched Cymru o dan 19. Mae Sara yn angerddol dros y gêm a defnyddio chwaraeon/pêl-droed fel cyfrwng i gefnogi'r gymuned a gwahanol grwpiau yn y gymdeithas.