Graddau Ôl-raddedig

Cyrsiau Penodol

MSc Rheoli Busnes Chwaraeon

Cewch astudio rhaglen ddeinamig sy’n canolbwyntio ar yrfa gyda chymysgedd o arbenigedd chwaraeon a busnes er mwyn eich paratoi ar gyfer marchnata, entrepreneuriaeth ac arweinyddiaeth ar y lefel uchaf mewn chwaraeon cenedlaethol a rhyngwladol.

Yn ystod eich astudiaethau cewch eich cyflwyno i amrywiaeth o ddiwydiannau chwaraeon a chyrff llywodraethu a chymhwyso damcaniaeth i ymarfer, datrys heriau’r byd go iawn ac adnabod marchnadoedd a thueddiadau newydd. Byddwch yn chwarae rhan allweddol wrth ddatblygu syniadau a datrysiadau newydd ar gyfer dyfodol y sector hwn.

Cyrsiau Penodol

Gallwch ennill cymhwyster academaidd a phroffesiynol sy’n eich galluogi i gymhwyso fel gweithiwr cymdeithasol cofrestredig, gyda chwrs a luniwyd i’ch paratoi ar gyfer ymarfer hyderus, myfyriol sy’n seiliedig ar dystiolaeth. Yn cael ei hystyried yn gyffredinol fel un sy’n arwain y sector, mae’r radd ôl-raddedig hon yn cyfuno datblygiad sgiliau proffesiynol, addysgu arbenigol a phrofiad sylweddol ar leoliad ar draws lleoliadau statudol ac anstatudol.

Byddwch yn cwblhau dau leoliad ymarfer 700 awr ac yn dysgu drwy ddyddiau sgiliau, gweithgareddau efelychu yn y Tŷ Dysgu, a chydweithrediad agos gydag Outside In, menter profiad byw Wrecsam sydd wedi ennill sawl gwobr. Bydd hyn yn rhoi mewnwelediad gwerthfawr i chi gan bobl sydd â phrofiad o waith cymdeithasol. Byddwch yn graddio’n barod i ymarfer fel gweithiwr cymdeithasol cymwys, gyda llwybrau i hyfforddiant therapiwtig arbenigol neu ymchwil ar lefel doethuriaeth.

Cyrsiau Penodol

MA Creu Ffilmiau

Cewch baratoi ar gyfer gyrfa yn y diwydiannau creadigol a ffilm drwy ddatblygu’r sgiliau ymarferol, technegol ac adrodd straeon sydd eu hangen ar gyfer creu ffilmiau proffesiynol. Mae’r radd ôl-raddedig hon yn cefnogi dilyniant i swyddi sy’n cynnwys gwneuthurwr ffilm, ffilmiwr, sgriptiwr, cynhyrchydd y cyfryngau, crëwr cynnwys, golygydd sain neu olygydd ffilm. Byddwch yn dysgu yn adeilad Diwydiannau Creadigol Wrecsam, a rennir gyda BBC Cymru, gyda defnydd o fannau cynhyrchu a golygu ffilm pwrpasol, offer AV modern, stiwdios podledu, stiwdios recordio a chynhyrchu, a stiwdio deledu gyda sgrin werdd.

Yn ystod y flwyddyn academaidd, mae cyfleoedd hefyd i gael profiad o ddiwydiant drwy gefnogi gwaith cynhyrchu proffesiynol gyda chleientiaid sy’n defnyddio’r cyfleusterau. Byddwch yn graddio gyda gwaith ar flaen y diwydiant sy’n dangos eich gweledigaeth greadigol, eich gallu technegol a’ch ymarfer proffesiynol.

Cyrsiau Penodol

MSc Deallusrwydd Artiffisial

Cewch baratoi ar gyfer gyrfa sy’n llywio’r genhedlaeth nesaf o arloesedd digidol, o beirianneg AI a dysgu peirianyddol i wyddor data, gweledigaeth gyfrifiadurol, prosesu iaith naturiol a datblygu systemau deallusol. Mae’r radd ôl-raddedig hon yn rhoi’r sgiliau uwch i chi weithio ar draws maes sy’n datblygu’n gyflym ac sy’n dod yn fwyfwy perthnasol mewn meysydd gan gynnwys gofal iechyd, cyllid a thu hwnt.

Trwy ddysgu ymarferol a phrosiectau cymhwysol, byddwch yn datblygu sgiliau technegol, dadansoddi ac ymchwil i lunio, datblygu a gwerthuso systemau deallusol ar gyfer sefyllfaoedd y byd go iawn. Byddwch hefyd yn ymgysylltu gydag academyddion ac ymchwilwyr profiadol sy’n cyfrannu’n weithredol at ddatblygiadau AI cyfredol, wrth ystyried goblygiadau moesegol, cyfreithiol a chymdeithasol AI. Byddwch yn graddio’n barod i lunio datrysiadau deallusol, datrys problemau cymhleth seiliedig ar ddata a chyfrannu at ddyfodol cyfrifol deallusrwydd artiffisial.