Prentisiaethau Gradd
Uwchsgiliwch eich gweithlu gyda Phrentisiaethau Gradd a ariennir yn llawn.
Mae Prentisiaethau Gradd yn ffordd wych o gael cymhwyster lefel prifysgol i weithwyr yng Nghymru tra byddant yn parhau mewn cyflogaeth.
Mae Prentisiaeth Gradd yn eich galluogi i ennill gweithiwr medrus iawn gyda'r cymwysterau academaidd a'r sgiliau ymarferol perthnasol a fydd yn gwella'ch gweithlu. Gallwch ddefnyddio Prentisiaethau Gradd i uwchsgilio gweithiwr presennol neu recriwtio talent newydd i'ch busnes.
Wrth weithio i'ch cwmni bydd Prentis Gradd yn datblygu dealltwriaeth fanwl o'ch busnes a'i sector. Drwy astudio un diwrnod yr wythnos gyda ni, byddan nhw’n dod â safbwyntiau ffres a’r wybodaeth ddiweddaraf yn ôl i’w gweithle.
Manteision Prentisiaethau Gradd:
- Gwella'ch gweithlu gyda sgiliau a gwybodaeth lefel uwch.
- Tyfwch eich busnes trwy fabwysiadu dull gweithredol o ennill arbenigedd.
- Uwchsgilio staff presennol am un diwrnod yr wythnos heb unrhyw gostau hyfforddiant ariannol.
- Cynyddu cynhyrchiant a dangos ymrwymiad i fuddsoddi mewn pobl.
- Annog sefydliadau i recriwtio ymgeiswyr o radd uwch.
Yn debyg i brentisiaeth draddodiadol, mae Prentisiaeth Gradd yn cyfuno dysgu cysylltiedig â gwaith ag astudiaeth Addysg Uwch. Rhaid i’r “prentis” fod mewn swydd sy’n briodol i’r rhaglen y mae’n astudio ac yn gweithio 51% o’i amser yng Nghymru.
Nid oes terfyn oedran uchaf i'r rhaglenni hyn.
Ym Mhrifysgol Wrecsam mae gennym ddegawdau o brofiad mewn dysgu seiliedig ar waith ac addysgu myfyrwyr diwydiannol. Mae gennym hanes llwyddiannus o sicrhau cyllid ar gyfer 8 rhaglen Prentisiaeth Gradd a ariennir yn llawn.
Y rhaglenni sydd ar gael o fis Medi 2024 yw;
• Peirianneg Fecanyddol
• Peirianneg Drydanol
• Peirianneg Cynhyrchu
• Ynni Carbon Isel, Effeithlonrwydd a Chynaliadwyedd
Rydym hefyd yn derbyn datganiadau o ddiddordeb trwy e-bost ar gyfer y cyrsiau canlynol, y bwriedir iddynt gychwyn ym mis Medi 2024;
• BSc (Anrh) Tirfesur Adeiladau
• BEng (Anrh) Peirianneg Sifil
• BSc (Anrh) Rheolaeth Adeiladu
• BSc (Anrh) Syrfëwr Meintiau
Gellir gwneud ymholiadau ynglŷn â’r rhaglenni canlynol a’u dyddiadau cychwyn trwy gysylltu â enterprise@wrexham.ac.uk
• Seiberddiogelwch
• Peirianneg Meddalwedd
Meini Prawf Cymhwysedd
I fod yn gymwys am Brentisiaeth Gradd a ariennir yn llawn gyda Phrifysgol Wrecsam, rhaid i'r gweithiwr;
• Gweithio yng Nghymru o leiaf 51% o'r amser.
• Bod mewn cyflogaeth llawn amser.
• Gallu mynychu Prifysgol Wrecsam un diwrnod yr wythnos ar gyfer astudiaethau.
• Cwrdd â gofynion mynediad y cwrs a ddewiswyd.
• Heb astudio pwnc tebyg ar y lefel hon neu uwch o'r blaen.
I gael rhagor o fanylion am ein rhaglenni Prentisiaethau Gradd, cysylltwch â enterprise@wrexham.ac.uk
Ydych chi am gymryd y cam nesaf yn eich gyrfa?
Ydych chi eisiau gwybod mwy am sut y gallech chi gael mynediad at gyrsiau wedi'u hariannu'n llawn tra'n gweithio'n llawn amser?
Nid oes rhaid i chi bellach ddewis rhwng Gradd neu Brentisiaeth!
Mae nifer cynyddol o gwmnïau’n cynnig prentisiaethau lefel gradd, felly gallwch astudio am radd heb ddyled wrth ennill profiad masnachol ymarferol. Mae Prentisiaethau Gradd yn wych os:
• Oes gennych lwybr gyrfa penodol mewn golwg.
• Rydych eisiau dechrau gweithio tra'n astudio tuag at radd.
• Hoffwch ennill cyflog tra'n dysgu.
• Rydych yn astudio yn hwyrach yn eich gyrfa.
Mae Prentisiaeth Gradd yn rhoi profiad gwaith byd go iawn i chi, ochr yn ochr â'r wybodaeth a'r theori a gewch o astudio am radd.
Trwy ganiatáu i chi ddatblygu'r sgiliau a'r wybodaeth ar gyfer swyddi penodol, gallai roi hwb i'ch gyrfa a rhoi CV cryf i chi wedi'i deilwra i'r maes rydych chi am weithio ynddo.
Nid oes angen i chi fod yn recriwt newydd yn y gweithle i ddechrau rhaglen Prentisiaeth Gradd, gallwch chi a’ch cyflogwr presennol edrych ar ddatblygu eich sgiliau presennol tra yn y swydd.
