(Cwrs Byr) Cyflwyniad i Gynaliadwyedd Busnes
Manylion cwrs
Blwyddyn mynediad
2024, 2025
Hyd y cwrs
8 wythnos
Côd y sefydliad
G53
Lleoliad
Dysgu Cyfunol
Pam dewis y cwrs hwn?
Eisiau bod yn arwr ym maes cynaliadwyedd? Camwch i mewn i'n cwrs byr Cyflwyniad i Gynaliadwyedd mewn Busnes ym Mhrifysgol Wrecsam i ddarganfod sut i redeg busnes sy'n gwneud y byd yn lle gwell.
Gyda Deddf Llesiant Cenedlaethau'r Dyfodol (Cymru) yn ein harwain, byddwn yn dangos i chi sut i greu gwerth hirdymor drwy ganolbwyntio ar lesiant cymdeithasol, economaidd, amgylcheddol a diwylliannol. Anghofiwch am redeg busnes yn y ffordd arferol - dysgwch sut i arloesi, cydweithio ac arwain gyda phwrpas mewn ffordd sydd o fudd, nid yn unig i'ch gwaelodlin chi, ond i'r gymuned a'r blaned.
Pam dewis y cwrs hwn?
Ni ddylai cynaliadwyedd ddod ar gost- nid yw'r cwrs byr cyffrous hwn chwaith! Wedi'i ddarparu'n gyfan gwbl ar-lein yn rhad ac am ddim, mae'r cwrs hwn yn cynnig strategaeth asesu hyblyg ac mae strategaethau addysgu a dysgu hygyrch ac eang wedi'u gweithredu.
Gwahoddir unigolion ar draws Cymru a thu hwnt i gymryd rhan yn y cwrs rhad ac am ddim hwn dan arweiniad yr Ymarferydd Datblygu Sefydliad, Adnoddwr Dynol proffesiynol FCIPD a'r darlithydd cymwysedig FHEA, Carrie Foster. Heb os, bydd arbenigedd Carrie yn y ddamcaniaeth a'r arfer o wyddor ymddygiad yn ysbrydoli busnesau yng Nghymru a thu hwnt i weithredu i arwain cynaliadwyedd yn y presennol a'r dyfodol. Gafaelwch ar y cyfle i wrando ar wahanol siaradwyr ysbrydoledig a fydd yn ymuno â Carrie wrth gyflwyno'r cwrs hwn. Yn amrywio o Sophie Howe, Comisiynydd Cenedlaethau’r Dyfodol Cymru i Syr David Henshaw, Cadeirydd Cyfoeth Naturiol Cymru, byddant yn eich helpu wrth lunio eich barn ar brif elfennau cynaliadwyedd mewn busnes.
Yn ôl Deddf Llesiant Cenedlaethau'r Dyfodol (Cymru) 2015, mae cyfrifoldeb gan fusnesau i wynebu materion sy'n ymwneud â chynaliadwyedd a chwyldroi cynlluniau tymor hir i sicrhau cymdeithas gynaliadwy i bawb.
Prif nodweddion y cwrs
Rhwydweithio Cymheiriaid gyda Chydweithwyr Proffesiynol eraill: Ymunwch â chymuned ddeinamig o bobl sy'n frwd dros gynaliadwyedd. Rhannwch fewnwelediadau, chwiliwch am ddatrysiadau, ac adeiladwch gysylltiadau sy'n para.
Dysgu ar y Cyd: Dewch yn rhan o amgylchedd dysgu cydweithredol lle mae llais pawb yn cyfrif. Ewch i'r afael â phroblemau cynaliadwyedd y byd go iawn gyda'ch gilydd, dysgwch o safbwyntiau amrywiol a gwella eich sgiliau drwy wybodaeth a rennir.
Fforymau Deialogaidd Byw: Cymerwch ran mewn sesiynau deinamig, rhyngweithiol lle gallwch ofyn cwestiynau, trafod syniadau a chael adborth yn syth. Bwriad y fforymau hyn yw ysgogi eich meddyliau a gwneud dysgu yn apelgar ac yn hwyl
Beth fyddwch chin ei astudio
Dechreuwch ar antur 8-wythnos ar-lein gan blymio i ganol byd ymarferion busnes cynaliadwy. Dyma beth fyddwch chi'n ei archwilio:
• Cyflwyniad i Egwyddorion Datblygu Cynaliadwy: Deall Deddf Llesiant Cenedlaethau'r Dyfodol a'r 5 Ffordd o Weithio - Cydweithio, Integreiddio, Ymwneud, Meddwl yn yr hirdymor, ac Atal.
• Nod Llesiant - Ffyniannus: Dysgwch am greu cymdeithas carbon isel, gan ddefnyddio adnoddau yn effeithiol, a sicrhau gwaith teg i bawb.
• Nod Llesiant - Cydnerthedd: Darganfyddwch sut i gynnal amgylchedd bioamrywiol, cefnogi ecosystemau iach, a gwella cydnerthedd cymdeithasol, economaidd ac ecolegol.
• Nod Llesiant - Iachach: Archwiliwch ffyrdd o fwyhau lles corfforol a meddylion a deall traweffaith dewisiadau ac ymddygiadau ar iechyd yn y dyfodol.
• Nod Llesiant - Mwy Hafal: Darganfyddwch sut i alluogi pobl i gyflawni eu llawn botensial, waeth beth fo'u cefndir economaidd-gymdeithasol a'u hamgylchiadau.
• Nod Llesiant - Cymunedau Cydlynus: Dysgwch sut i greu cymunedau deniadol, hyfyw, diogel yn llawn cysylltiadau.
• Nod Llesiant - Diwylliant Bywiog lle mae'r Gymraeg yn Ffynnu: Hyrwyddo a gwarchod diwylliant, treftadaeth a'r Gymraeg ac sy'n annog pobl i gymryd rhan yn y celfyddydau, chwaraeon a gweithgareddau hamdden.
• Nod Llesiant - Cyfrifoldeb Byd-eang: Deall sut y gall gweithredoedd lleol wneud cyfraniad cadarnhaol i lesiant byd-eang.
Gofynion mynediad a gwneud cais
Amherthnasol
Os hoffech wybod mwy am ddyddiadau pellach i'r cwrs, cofrestrwch eich diddordeb.
Addysgu ac Asesu
Mae ein dull cyflawni hyblyg ac apelgar yn cynnwys:
• 6 x Darlith wedi'i Recordio yr Wythnos: Cewch fynediad at y rhain ar unrhyw adeg sy'n gyfleus i chi a gallwch ailymweld â hwy unrhyw bryd rydych angen cael eich atgoffa ohonynt.
• Deunyddiau Dysgu Cefnogol ar Moodle: Cewch wella eich dealltwriaeth gyda chynnwys wedi'i guradu, gan gynnwys sgyrsiau TED, canllawiau astudio a rhestr ddarllen wedi'i hargymell.
• 8 x Tiwtorial Anghydamseredig: Astudio ar eich cyflymder eich hun gyda thiwtorialau sy'n cyd-fynd â'ch amserlen.
• 2 x Fforwm Deialogaidd 2 Awr: Cymerwch ran mewn trafodaethau bywiog i atgyfnerthu eich dysgu a chael atebion byw i'ch cwestiynau.
• 8 x Podlediad 30 Munud: Gwrandewch ar fewnwelediadau arbenigol a chynghorion ymarferol wrth fynd.
• Atgyfeiriad at Gyrsiau Trylwyr Prifysgol Wrecsam: Archwiliwch gyfleoedd dysgu pellach ar gyfer testunau cynaliadwyedd allweddol megis ynni adnewyddadwy.
Y strategaeth asesu fydd log dysgu parhaus. Bydd eich myfyrdodau a'ch trafodaethau wythnosol yn cyfuno i ffurfio rhan o'r asesiad.
Rhagolygon gyrfaol
Nac ydyw - ond bydd yn cefnogi unigolyn sydd ynghlwm wrth reolaeth Busnes ac arweinyddiaeth
Ffioedd a chyllid
£50
Dyddiadau Cyrsiau
Os hoffech wybod mwy am ddyddiadau pellach i'r cwrs, cofrestrwch eich diddordeb.
