(Cwrs Byr) Gwaith Ieuenctid Digidol - Cyflwyniad i Egwyddorion ac Arferion
Manylion cwrs
Blwyddyn mynediad
2025
Hyd y cwrs
12 wythnos
Côd y sefydliad
G53
Lleoliad
Ar-lein
Pam dewis y cwrs hwn?
Mae’r galw am weithwyr ieuenctid i ddylunio a darparu gwaith ieuenctid yn ddigidol wedi cynyddu ers Covid-19. Nod y modiwl hwn yw rhoi cyflwyniad i waith ieuenctid digidol; cyflwyno’r theori sylfaenol iddo ynghyd â rhai o’r cysyniadau allweddol yn ymwneud â’i ddatblygu a’i ddarparu.
Prif nodweddion y cwrs
- Astudio ar-lein i gyd-fynd â’ch ymrwymiadau o ran teulu a gwaith.
- Caiff cynnwys a deunyddiau’r cwrs eu datblygu a’u cyflwyno gan ddarlithwyr a gweithwyr ieuenctid profiadol, proffesiynol sydd wedi’u cymhwyso gan JNC.
- Mae’n cysylltu’n ymarferol ag arferion gwaith ieuenctid cyfredol.
- Dyma gyfle i chi ganolbwyntio ar eich datblygiad proffesiynol parhaus.
Beth fyddwch chin ei astudio
- Beth yw Gwaith Ieuenctid Digidol a pham fod angen ei wneud?
- Ieuenctid yn yr oes ddigidol - Datblygiad gwaith ieuenctid digidol
- Rhwystrau a datrysiadau i Ddiogelu Ymgysylltiad Digidol pobl ifanc a gweithwyr ieuenctid ar-lein
- Technolegau ar gyfer gwaith ieuenctid digidol
Er sylw, modiwl academaidd yw hwn ac mae disgwyl astudiaeth annibynnol o 2-3 awr yr wythnos. Mae yna elfennau ymarferol a bydd modd cymhwyso dysgu i ymarfer. Fodd bynnag, nid yw'n gwrs hyfforddi.
Gofynion mynediad a gwneud cais
Profiad presennol o ymarfer a gwaith ieuenctid yn fantais er mwyn cwblhau gweithgareddau asesu.
Profiad blaenorol o astudio ar Lefel 4 yn fanteisiol.
Addysgu ac Asesu
- Cwblhau portffolio sy'n dadansoddi cyd-destun hanesyddol, cymdeithasol a gwleidyddol gwaith ieuenctid digidol, ac archwilio'r agweddau ymarferol hanfodol i sicrhau bod pobl ifanc a gweithwyr ieuenctid yn cael eu diogelu ar-lein. Bydd hyn yn cynnwys: - Datganiad yn dadansoddi cyd-destun hanesyddol, cymdeithasol a gwleidyddol gwaith ieuenctid digidol; yn cynnwys beth yw gwaith ieuenctid digidol, rhwystrau i ymgysylltu ar-lein a chryfderau dull gwaith ieuenctid digidol. (1000 o eiriau) - Dadansoddiad SWOT o barodrwydd eu sefydliad ymarfer i ddarparu gwaith ieuenctid digidol (500 gair) - Asesiad risg ar gyfer darparu gwaith ieuenctid digidol (500 gair)
- Cofnodi a lanlwytho cyflwyniad 10 munud sy'n gwerthuso'r technolegau sydd ar gael ar gyfer gwaith ieuenctid digidol. Bydd hyn yn cynnwys: - disgrifiad o 2 dechnoleg y gellir eu defnyddio ar gyfer gwaith ieuenctid digidol - gwerthusiad o gryfderau a gwendidau'r technolegau hynny - argymhellion ar gyfer eu defnyddio mewn gwaith ieuenctid digidol. Gall y cyflwyniad gynnwys arddangosiad.
Rhagolygon gyrfaol
Mae'r modiwl hwn yn cefnogi datblygiad proffesiynol parhaus gweithwyr ieuenctid a chymunedol proffesiynol, gweithwyr cefnogi ieuenctid a gwirfoddolwyr yn y sector. Gall cwblhau'r modiwl arwain at astudiaeth bellach ar y llwybrau BA a MA mewn rhaglenni gwaith ieuenctid a chymunedol ym Mhrifysgol Wrecsam.
Ffioedd a chyllid
£95
Ydych chi'n byw yng Nghymru? Mae gennym nifer o gyfleoedd ariannu ar gael, llenwch y ffurflen er mwyn darganfod os ydych chi'n gymwys i astudio'r cwrs hwn am ddim. Gwnewch gais nawr trwy'r ffurflen hon.
Dyddiadau'r cwrs
Os hoffech wybod mwy am ddyddiadau pellach i'r cwrs, cofrestrwch eich diddordeb.
Ydych chi'n byw yng Nghymru? Mae gennym nifer o gyfleoedd ariannu ar gael, llenwch y ffurflen er mwyn darganfod os ydych chi'n gymwys i astudio'r cwrs hwn am ddim. Gwnewch gais nawr trwy'r ffurflen hon.
