BN (Anrh) Nyrsio Oedolion
Manylion cwrs
Côd UCAS
GM1Q
Blwyddyn mynediad
2026
Hyd y cwrs
3 BL (Llawn-Amser)
Tariff UCAS
96-112
Côd y sefydliad
G53
Lleoliad
St Asaph, Wrecsam
Pam dewis y cwrs hwn?
Mae nyrsio yn broffesiwn gwerth chweil yn gofalu am unigolion trwy gydol eu hoes. Ym Mhrifysgol Wrecsam byddwn yn eich paratoi a'ch arfogi â'r wybodaeth a'r sgiliau sydd eu hangen i ddod yn fyfyriwr graddedig ac yn nyrs oedolion ar gofrestr y Cyngor Nyrsio a Bydwreigiaeth (NMC).
Byddwch yn:
- Cewch gyfle i wneud cais am fwrsariaeth y GIG yn cwmpasu ffioedd dysgu a chostau byw, gan eich cynorthwyo i ganolbwyntio ar eich astudiaethau wrth baratoi ar gyfer gyrfa werth chweil mewn nyrsio yng Nghymru
- Cewch brofiadau ymarferol yn ein Canolfan Efelychu Gofal Iechyd o’r radd flaenaf, lle mae senarios tebyg i fywyd go iawn yn gadael i chi ymarfer a mireinio’ch sgiliau dan arweiniad gweithwyr proffesiynol profiadol
- Cewch astudio’r cwrs gorau yn y DU ar gyfer Boddhad Myfyrwyr a Chydradd 1af yn y DU ar gyfer Cyfleoedd i Raddedigion*, sy’n golygu y byddwch yn astudio mewn amgylchedd dysgu cefnogol o safon, ac yn graddio gyda chyfleoedd rhagorol i ddechrau eich gyrfa nyrsio gyda hyder
- Cewch fynediad at ystod eang o leoliadau gwaith ar draws Bwrdd Iechyd Prifysgol Betsi Cadwaladr, sy’n eich galluogi i ddatblygu sgiliau proffesiynol, profiad ymarferol a chyflogadwyedd wrth astudio
- Astudio cwrs a gymeradwywyd gan y Cyngor Nyrsio a Bydwreigiaeth (NMC), sy’n golygu pan fyddwch wedi cwblhau eich cwrs yn llwyddiannus cewch gofrestru fel nyrs oedolion a dechrau ar eich gyrfa mewn gofal iechyd ar unwaith
- Elwa o amrywiaeth o ddulliau addysgu, gan gynnwys darlithoedd rhyngweithiol, astudiaethau achos, fforymau ar-lein ac efelychu, er mwyn i chi ddatblygu sgiliau ymarferol ac academaidd mewn ffyrdd sy’n cyfateb i sut mae gweithwyr gofal iechyd proffesiynol yn gweithio, a’ch paratoi ar gyfer eich gyrfa yn y dyfodol
*Mae’r cwrs hwn yn safle 1af yn y DU ar gyfer Boddhad Myfyrwyr ac yn Gydradd 1af yn y DU ar gyfer Rhagolygon Graddedig yn nhabl cynghrair maes pwnc Nyrsio a Bydwreigiaeth yn y Complete University Guide 2026.
*Mae’r cwrs hwn yn rhan o faes pwnc sydd yn safle 1af yng Nghymru a’r 10 Uchaf yn y DU ar gyfer Ansawdd Addysgu yn nhabl cynghrair maes pwnc Nyrsio yn y Times and Sunday Times Good University Guide 2026.
Mae’r cwrs hwn yn y 10 uchaf yng Nghymru, yr Alban a Gogledd Iwerddon o ran Boddhad Cyffredinol yn nhabl cynghrair maes pwnc Nyrsio Oedolion yn Arolwg Cenedlaethol Myfyrwyr 2025.
A wyddoch chi?
Drwy astudio gradd Nyrsio Oedolion ym Mhrifysgol Wrecsam, cewch fynediad i fuddion unigryw wedi’i llunio i’ch helpu i lwyddo…
Prif nodweddion y cwrs
- Bydd eich astudiaethau yn cael eu rhannu 50/50 rhwng ymarfer clinigol a theori, gan roi’r wybodaeth academaidd a’r profiad o’r byd go iawn sydd ei angen arnoch i chi, er mwyn dod yn nyrs gofrestredig dosturiol, hyderus
- Bydd gennych fynediad i amrywiaeth o leoliadau gwaith a gynigir gan Fwrdd Iechyd Prifysgol Betsi Cadwaladr (BIPBC) trwy gydol eich gradd i ddatblygu eich gwybodaeth, sgiliau, profiad ymarferol, a chyflogadwyedd
- Wrth weithio yn yr amgylchedd clinigol, bydd ein haddysgwyr ymarfer profiadol, aseswyr academaidd, goruchwylwyr ymarfer, ac aseswyr ymarfer yn cynnig cymorth ac arweiniad personol i chi, gan gyfrannu at eich twf proffesiynol yn y maes nyrsio
Beth fyddwch chin ei astudio
Mae gan y rhaglen tair modiwl craidd ym mhob blwyddyn o'r rhaglen. Rydym yn defnyddio amrywiaeth o ddulliau addysgu a dysgu i gyflwyno'r cwrs. Er enghraifft, rydym yn defnyddio darlithoedd rhyngweithiol, fforymau ar-lein, astudiaethau achos ac efelychu.
BLWYDDYN 1 (LEFEL 4)
Yn y flwyddyn gyntaf, byddwch yn canolbwyntio ar y sgiliau gofalu sylfaenol sydd eu hangen i ymarfer fel gweithiwr proffesiynol gofalgar, caredig, tosturiol sy'n gwerthfawrogi ac yn parchu anghenion unigol y claf, y teulu a'r gofalwyr.
MODIWLAU
- Hanfodion Gofal
- Cymdeithas a Phobl Agored i Niwed
- Sylfeini Iechyd a Lles
BLWYDDYN 2 (LEFEL 5)
Ym mlwyddyn dau, byddwch yn canolbwyntio ar y gyfraith a moeseg, gofalu am glaf a chanddo salwch acíwt a chronig, ymchwil a gofal person-ganolog.
MODIWLAU
- Datblygu ymarferwyr yn seiliedig ar dystiolaeth
- Diwallu anghenion cleifion a theuluoedd yn achos salwch aciwt a chronig
- Hybu ymddygiad iach
BLWYDDYN 3 (LEFEL 6)
Yn flwyddyn tri, byddwch yn canolbwyntio ar reoli newid, grymuso defnyddwyr gwasanaethau a gofalwyr, biowyddoniaeth gymhwysol a datblygiad personol a phroffesiynol i'ch paratoi i ddod yn nyrs gofrestredig.
MODIWLAU
- Arloesiadau Ymarfer
- Cydgysylltu Gofal Cymhleth yn Holistaidd
- Arwain a Rheoli Gofal Nyrsio
Mae'r wybodaeth a restrir yn yr adran hon yn drosolwg o gynnwys academaidd y rhaglen a fydd ar ffurf modiwlau craidd neu fodiwlau dewisol. Mae modiwlau'n cael eu pennu'n rhai craidd neu rai dewisol yn unol ag anghenion corff proffesiynol ac adolygiad fframwaith academaidd mewnol, ac felly maent yn gallu newid.
Gofynion mynediad a gwneud cais
Bydd Gwladolion y DU/Gwladolion Gwyddelig/y rhai y rhoddir Absenoldeb Amhenodol iddynt Aros yn y DU neu Iwerddon yn cael eu hystyried ar gyfer y cwrs hwn a bwrsariaeth o dan Delerau ac Amodau Cynllun Bwrsariaeth GIG Cymru
Dylai ymgeiswyr rhyngwladol neu dramor (heb statws setliad) gyfeirio at
https://heiw.nhs.wales/education-and-training/nursing-and-midwifery/careers-and-opportunities/international-pre-registration-nursing/
Mae'n rhaid i chi gael o leiaf pum TGAU gradd C/4 neu uwch gan gynnwys Saesneg, Mathemateg (neu gyfwerth) a thystiolaeth o sgiliau TG.
Y gofynion academaidd ar gyfer y cwrs yw 96-112 pwynt tariff UCAS yn TAG Lefel A neu gyfatebol.
Fel arall, mae'n ofynnol bod gennych un o'r canlynol:
- NVQ 3 (gyda thystiolaeth o Saesneg, Mathemateg a TGCh fel uchod)
- Wedi cwblhau naill ai ‘Mynediad i Iechyd’ neu ‘Mynediad i Nyrsio’ (o Goleg Addysg Bellach sydd wedi ei gymeradwyo gan naill ai Agored Cymru neu OCN Gogledd-orllewin Lloegr (cymeradwywyd gan ASA) a'i fod wedi'i gyflawni ar y lefel canlynol: 112 o bwyntiau tariff UCAS).
Ar ben hyn:
- Tystiolaeth o astudio o fewn y pum mlynedd diwethaf (cysylltwch â ni os ydych yn ansicr, gan y gallai un o’n cyrsiau byr fod yn briodol).
- Cynhelir cyfweliadau ar 'Teams' gyda staff academaidd, defnyddwyr gwasanaeth a/neu staff o'r GIG.Bydd prawf rhifedd a llythrennedd yn cael ei gynnal yn y cyfweliad.
- Mae profiad o weithio mewn lleoliad iechyd neu ofal cymdeithasol yn werthfawr.
- Bydd angen GDG os yn llwyddiannus yn y cyfweliad.
- Bydd angen sgrinio iechyd galwedigaethol os byddwch yn llwyddiannus yn y cyfweliad.
- Gellir gwneud cynigion amodol i'r bobl hynny sy'n astudio ar hyn o bryd ac yn aros am ganlyniadau academaidd.
- Gofynnir am arholiad IELTS os ystyrir bod angen, gyda sgôr cyffredinol o 7 yn ofynnolar gyfer mynediad i'r rhaglen yn unol â gofynion y brifysgol a'r corff proffesiynol
Y broses ymgeisio: Er gwybodaeth, bydd y tîm derbyniadau nyrsio yn sgrinio pob cais UCAC ar-lein a gyflwynir am lefel o lythrennedd digidol. Un ffordd o gyflawni hyn yw os byddwch yn cael eich rhoi ar y rhestr fer byddwn yn eich gwahodd i ddigwyddiad dethol a bydd gofyn i chi ymateb i'r gwahoddiad e-bost-bydd hyn yn ein cynorthwyo i fesur eich lefel llythrennedd digidol.
Paratoi: Darllenwch God y NMC cyn mynychu.
Bydd tasg llythrennedd yn cael ei chynnal ar-lein cyn y cyfweliad. Mae'r dasg llythrennedd yn weithgaredd ysgrifenedig sy'n canolbwyntio ar werthoedd proffesiynol y proffesiwn nyrsio. Yna byddwch yn cael eich cyfweld wyneb yn wyneb ar sail unigol lle bydd gofyn i chi ateb rhai cwestiynau byr i ganfod eich gwybodaeth a'ch profiad am yrfa mewn nyrsio. Bydd y tîm cyfweld yn cynnwys staff academaidd y brifysgol a naill ai aelod o staff yr Ymddiriedolaeth neu ddefnyddiwr gwasanaeth.
Sicrhewch eich bod yn gyfarwydd â meddalwedd 'Teams' cyn eich cyfweliad
Addysgu ac Asesu
Cwblhau'r canlynol yn foddhaol:
- Mae angen i chi gyflawni lleiafswm o 2300 o oriau damcaniaethol a 2300 o oriau o ymarfer clinigol ci ddod yn nyrs gofrestredig gyda'r Cyngor Nyrsio a Bydwreigiaeth (NMC).
- Portffolio o ganlyniadau hyfedredd.
- Mae amrywiaeth o asesiadau damcaniaethol yn cael eu defnyddio ym mhob blwyddyn o'r rhaglen. Mae'r rhain yn cynnwys: traethodau, cyflwyniadau, astudiaethau achos, cyfrifo cyffuriau ac arholiad anatomeg a ffisioleg.
Dysgu ac Addysgu
Mae Prifysgol Wrecsam wedi ymrwymo i roi cymorth i'n myfyrwyr i'w galluogi i gyflawni eu potensial academaidd i'r eithaf.
Rydym yn cynnig gweithdai a sesiynau cymorth mewn meysydd megis ysgrifennu academaidd, gwneud nodiadau effeithiol a pharatoi ar gyfer aseiniadau. Gall myfyrwyr drefnu apwyntiadau gyda thiwtoriaid sgiliau academaidd sy'n ymroddedig i helpu myfyrwyr i delio ag agweddau ymarferol gwaith prifysgol. Mae gan ein hadran cymorth i fyrywyr fwy o wybodaeth ar y cymorth sydd ar gael.
Rhagolygon gyrfaol
Mae'n gwasanaeth Gyrfaoedd a Chyflogadwyedd yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cyngor a'r arweiniad arbenigol sydd eu hangen arnoch.
Mae'r rhagolygon gyrfa yn rhagorol gyda'r prinder nyrsys yn y DU ar hyn o bryd. Mae myfyrwyr wedi cael amrywiaeth o gyfleoedd cyflogaeth yn gweithio fel nyrs staff yn y GIG a'r sector preifat yn y lleoliadau acíwt a chymunedol.
Ar ôl cwblhau'r cwrs yn llwyddiannus, mae myfyrwyr wedi'u cofrestru gyda'r NMC fel nyrs oedolion gofrestredig.
Mae Prifysgol Wrecsam yn cynnig opsiynau ar gyfer astudiaeth bellach mewn perthynas â phroffesiynau fel ymweld ag iechyd, nyrsio ysgol, nyrsio cymunedol, ymarfer nyrsio uwch, cyrsiau presgripsiynu nyrsys, MSc ac astudiaethau PhD.
Ffioedd a chyllid
Rhaglen a gomisiynir gan Fwrsariaeth Llywodraeth Cymru yw hon.
Mae bwrsariaeth lawn gan y GIG, gan gynnwys ffioedd dysgu a bwrsariaeth nad yw'n ad-daladwy ar gyfer costau byw, ar gael ar gyfer y rhaglen hon ar yr amod eich bod yn cytuno i weithio yng Nghymru am ddwy flynedd ar ôl cofrestru (yn amodol ar newid).
Dysgwch mwy yma.
Llety
Ym Mhrifysgol Wrecsam, rydym yn cynnig ystafelloedd en-suite ar y campws yn ein Pentref Myfyrwyr Wrecsam. Mae'r mannau preifat, wedi'u dodrefnu'n llawn hyn mewn lleoliad cyfleus, gan ddarparu mynediad hawdd i gyfleusterau campws, ardaloedd astudio, a mannau cymdeithasol. Hefyd, dim ond 10 munud ar droed ydych chi o ganol y ddinas!
Gyda'r holl filiau wedi'u cynnwys, Wi-Fi am ddim, diogelwch 24/7, a meysydd cymdeithasol mawr, fe welwch bopeth sydd ei angen arnoch ar gyfer profiad myfyriwr gwych.
Archwiliwch ein hopsiynau llety i ddod o hyd i'ch cartref perffaith oddi cartref.
Gwneud Cais
Mawrth 2026
Bydd ceisiadau ar gyfer derbyniad Mawrth 2026 yn cau ddydd Llun, Chwefror 23, a'r dyddiad cyfweld diwethaf yw dydd Gwener, Mawrth 2. Sylwch fod y cwrs gradd yn dechrau yn yr wythnos yn dechrau Mawrth 9, 2026.
Medi 2026
Bydd ceisiadau ar gyfer y derbyn Medi 2026 yn cau ddydd Llun, 31 Awst, gyda’r cyfweliad olaf ar 9 Medi. Sylwch fod y cwrs gradd yn dechrau yr wythnos sy’n dechrau 14 Medi.
Gwnewch gais am Wrecsam - Agored Fyfyrwyr Cartref a Rhyngwladol
Gwnewch gais Lanelwy - Argored i Fyfyrwyr Cartref yn unig
Mawrth 2027
Gwnewch gais am Wrecsam - Agored Fyfyrwyr Cartref a Rhyngwladol
Gwnewch gais Lanelwy - Argored i Fyfyrwyr Cartref yn unig
Diwrnodau Agored sydd ar ddod.
Ymunwch â ni ar ddiwrnod agored sydd i ddod i gwrdd â'ch darlithwyr, darganfyddwch fwy am ein cyrsiau, darganfyddwch ein cyfleusterau a chael blas ar fywyd myfyriwr.
Porwch ein holl ddiwrnodau agored a digwyddiadau.
-(1).jpg)
.jpg)
