Chwaraewyr yn cymryd rhan yn Jam Gemau Byd-eang am ddegfed flwyddyn
Dyddiad: Dydd Gwener Chwefror 10
Creodd chwaraewyr gemau fideo Wrecsam fwy nag 20 o gysyniadau unigryw fel rhan o ddigwyddiad gemau rhyngwladol 48 awr, a ddychwelodd I'r dref dros y penwythnos.
Cymerodd Prifysgol Glyndŵr Wrecsam ran yn Jam Gemau Byd-Eang (Global Game Jam, neu GGJ) am y degfed flwyddyn yn olynol – gyda mwy na 70 o bobl leol yn cymryd rhan.
Nod y digwyddiad yw annog dyfeisgarwch ac arbrofi, yn ogystal â chysylltu pobl o bob cwr o'r byd wrth iddyn nhw anelu at ddatblygu gemau fideo o'r newydd yn ystod y penwythnos. Fe wnaeth dros 39,000 o bobl gymryd rhan yn y jam yn fyd-eang.
Yn ogystal â chreu gemau cyfrifiadur, aeth tri o'r cyfranogwyr Wrecsam ati i greu gemau bwrdd a chardiau.
Mae GGJ yn ddigwyddiad rheolaidd yng nghalendr Prifysgol Glyndŵr Wrecsam, ac sydd bellach yn un o brif ganolfannau byd-eang y sefydliad GGJ.
Dywedodd Richard Hebblewhite, sy'n Drefnydd Rhanbarthol Byd-eang GGJ ac Arweinydd Rhaglen Datblygu Gemau, Dylunio Gemau a Chelf Gemau ym Mhrifysgol Glyndŵr Wrecsam, bod y penwythnos yn "llwyddiant ysgubol".
"Am benwythnos hollol anhygoel - rydyn ni i gyd yn dal i fod yn uchel iawn o sut aeth jam eleni. Crëwyd cyfanswm o 7,606 o gemau - gyda 39,483 o jammerau wedi'u cofrestru o 108 gwlad - ac roeddem ni yn Wrecsam yn rhan o hynny, rwy'n teimlo balchder enfawr am hynny," meddai.
"Yr hyn sy'n gwneud i mi deimlo'n arbennig o falch yw'r ffaith bod GGJ yn ymwneud â dod â phobl a'u syniadau anhygoel at ei gilydd i arbrofi, cydweithio a dysgu gyda'i gilydd. Dyw hi ddim yn gystadleuaeth, mae'n gyfle i bobl ddod â'u cysyniadau'n fyw - boed hynny'n gêm gyfrifiadurol, bwrdd neu gêm gardiau, mae wir i lawr i'r unigolyn."
Yn ystod digwyddiad GGJ eleni, lansiodd Prifysgol Glyndŵr Wrecsam hefyd safle Global Game Jam (GGJN) gêm fyd-eang gyntaf y DU, a anelir at grewyr ifanc, rhwng pump a 16 oed.
Ychwanegodd Richard: "Roedd lansio safle GGJN cyntaf y DU yn ein prifysgol yn eithaf anhygoel, roedd yn golygu ein bod wedi treulio dydd Gwener a dydd Sadwrn yn addysgu a chreu gemau gyda nifer o deuluoedd o bob rhan o'r rhanbarth - roedd hynny'n eithaf cŵl gan wybod ein bod yn ysbrydoli ac yn darparu profiad cofiadwy i'r genhedlaeth nesaf o chwaraewyr arloeswyr."