Dr Clint Godfrey
Uwch Ddarlithydd mewn Rheoli Busnes Chwaraeon
Mae Dr Clint Godfrey yn Uwch Ddarlithydd gyda phrofiad helaeth mewn rheoli busnes chwaraeon, arweinyddiaeth, datblygiad proffesiynol ac addysg uwch. Mae wedi gweithio mewn rolau academaidd ym Mhrifysgol Canol Swydd Gaerhirfryn a Phrifysgol John Moores Lerpwl, lle bu’n arwain a datblygu rhaglenni israddedig ac ôl-raddedig mewn busnes chwaraeon, arweinyddiaeth, rheoli a datblygiad proffesiynol. Mae Clint hefyd yn Aelod Anrhydeddus o’r Gyfadran ym Mhrifysgol Lerpwl, gan gynorthwyo gyda’r rhaglenni ôl-raddedig ar-lein o fewn yr Ysgol Fusnes.
Cyn symud i addysg uwch, roedd Clint yn gweithio mewn datblygu chwaraeon gan gynnwys fel Rheolwr Datblygu Cenedlaethol Sport England, lle bu’n rheoli strategaethau buddsoddi cenedlaethol oedd yn gysylltiedig â datblygu cyfleusterau chwaraeon cymunedol. Ochr yn ochr â’i rôl yn y brifysgol, mae Clint yn cynnal practis ymgynghori gweithredol, sy’n cynorthwyo sefydliadau gyda datblygu arweinyddiaeth, hyfforddi, dysgu proffesiynol, diwylliant, llywodraethu a datblygu strategol. Mae’r gwaith cymhwysol hwn yn llywio ei addysgu a cyn helpu myfyrwyr i gysylltu damcaniaeth academaidd gydag arfer sefydliadol yn y byd go iawn.
Mae ei addysgu a’i ddiddordebau proffesiynol yn canolbwyntio ar fusnes chwaraeon, arweinyddiaeth, cyflogadwyedd, arfer broffesiynol, datblygiad sefydliadol a’r cysylltiadau rhwng addysg, diwydiant a datblygu gyrfa.
Diddordebau Ymchwil
Mae diddordebau ymchwil Clint yn canolbwyntio ar fusnes chwaraeon, datblygiad proffesiynol, addysg a’r berthynas rhwng dysgu, hunaniaeth a dilyniant gyrfa mewn cyd-destunau’n ymwneud â chwaraeon. Roedd ei ymchwil doethur yn ystyried agweddau tuag at addysg mewn pêl-droed proffesiynol, gan adlewyrchu diddordeb ehangach yn sut mae pobl sy’n gweithio yn y byd chwaraeon yn deall gwerth addysg, hyfforddiant a datblygiad proffesiynol parhaus.
Mae ganddo ddiddordeb hefyd mewn cyfranogiad mewn chwaraeon, hyfforddi, arweinyddiaeth a datblygiad sefydliadol. Mae ei ymchwil cydweithredol diweddar wedi canolbwyntio ar seiclo, wedi’i ddatblygu o ymchwil meistr cyn fyfyriwr, ac mae’n awyddus i barhau i ddatblygu ymchwil cymhwysol sy’n cysylltu prosiectau myfyrwyr, sefydliadau chwaraeon ac arferion yn y byd go iawn.
Cyhoeddiadau
| Blwyddyn | Cyhoeddiad | Math |
|---|---|---|
| 2023 | Understanding the impact COVID-19 has had on grassroots cycling: the perspective of grassroots volunteers and British cycling staff, Managing Sport and Leisure. [DOI] David Redmond;Matthew Hindmarsh;Clint Godfrey |
Cyfnodolyn a Adolygir gan Gymheiriaid |
| 2015 | Nostalgia as truth, self preservation or identity formation? – Initial accounts from professional footballers in education, UCLan Journal of Pedagogic Research. Dr Clint Godfrey |
Cyfnodolyn a Adolygir gan Gymheiriaid |
| 2011 | Evaluating International Youth Sport for Development Programmes: Reality or Impossibility?, Children, Youth and Leisure. Dr Clint Godfrey |
Pennod Lyfr |
| 2010 | Sport in the UK, Learning Matters / Sage. Dr Clint Godfrey;Dr Leona Trimble;Dr Babatunde Buraimo;Dr David Grecic;Dr Sue Minten |
Llyfr |
Cymdeithasau Proffesiynol
| Cymdeithasfa | Swyddogaeth | Dyddiad |
|---|---|---|
|
Cymrawd o’r Academi Addysg Uwch |
Cydnabyddiaeth broffesiynol am addysgu a dysgu mewn addysg uwch |
2011 |
|
Cymdeithas Datblygu Staff ac Addysgol |
Datblygiad proffesiynol mewn addysgu a dysgu mewn addysg uwch | 2011 |
Cyflogaeth
| Cyflogwr | Swydd | Dyddiad |
|---|---|---|
| Prifysgol Lerpwl | Aelod Anrhydeddus (Rhaglenni Ôl-raddedig) | 2023 |
| ICL Education & Training Ltd | Ymgynghorydd Addysgol | 2023 |
| Prifysgol John Moores Lerpwl | Uwch Ddarlithydd - Busnes Chwaraeon (Entrepreneuriaeth, Arweinyddiaeth a Rheoli) | 2021 - 2024 |
| Prifysgol Swydd Gaerhirfryn | Uwch Ddarlithydd / Arweinydd Cwrs (MSc Rheoli Busnes Chwaraeon) | 2007 - 2021 |
| Sport England | Rheolwr Datblygu Cenedlaethol | 2004 - 2007 |
| Cyngor Bwrdeistref Chorley | Rheolwr Datblygu Chwaraeon | 2002 - 2004 |
| Cyngor Dinas Preston | Uwch Swyddog Datblygu Chwaraeon | 2000 - 2002 |
Addysg
| Sefydliad | Cymhwyster | Pwnc | Dyddiad |
|---|---|---|---|
| Prifysgol Manceinion | BA (Anrh) | Astudiaethau Hamdden a Rheoli Busnes | 1996 - 1999 |
| Prifysgol Swydd Gaerhirfryn | Doethuriaeth | Addysg (EdD) | 2012 - 2017 |
| Prifysgol Swydd Gaerhirfryn | MA | Rheoli Chwaraeon | 2004 - 2007 |
Arfer Proffesiynol ac Ymgysylltu Allanol
Mae Clint yn ymgymryd â gwaith ymgynghori a datblygiad proffesiynol ochr yn ochr â’i rôl academaidd, gan gynorthwyo sefydliadau gyda datblygu arweinyddiaeth, hyfforddi, dysgu proffesiynol, llywodraethu, strategaeth, diwylliant a datblygu gallu. Mae‘r gwaith cymhwysol hwn yn llywio’i addysgu ac yn helpu myfyrwyr i gysylltu syniadau academaidd ag arfer broffesiynol yn y byd go iawn.
Mae hefyd wedi gweithio fel Arholwr Allanol ar raglenni busnes chwaraeon a rheoli chwaraeon, gan gynnwys penodiadau gyda Phrifysgol Caerwrangon a Choleg Americanaidd Gwlad Groeg, Athens. Mae gan Clint gefndir mewn chwaraeon cymhwysol, gan gynnwys profiad blaenorol mewn datblygu chwaraeon ac mae ganddo Drwydded Hyfforddi UEFA B, a Gwobr Hyfforddwr Golff Cymunedol Golff Lloegr.
Diddordebau Addysgu
Mae diddordebau addysgu Clint yn cynnwys rheoli busnes chwaraeon, arweinyddiaeth, ymddygiad sefydliadol, datblygiad proffesiynol, cyflogadwyedd, entrepreneuriaeth, dulliau ymchwil, rheolaeth strategol ac arfer fyfyriol. Mae ganddo ddiddordeb arbennig mewn helpu myfyrwyr i gymhwyso damcaniaeth academaidd mewn cyd-destunau proffesiynol y byd go iawn a chefnogi myfyrwyr i feithrin hyder, sgiliau academaidd a pharodrwydd ar gyfer gyrfa.
Mae ei brofiad addysgu yn cynnwys israddedigion, ôl-raddedigion, darpariaeth ar y campws ac ar-lein, gan ganolbwyntio’n arbennig ar ddysgu cymhwysol, ymgysylltu â diwydiant a chyflogadwyedd myfyrwyr.