Effeithiolrwydd Personol

Mae'r sesiwn hon yn canolbwyntio ar gysyniad cydnerthedd a'i bwysigrwydd wrth ddelio gyda heriau ymchwil academaidd. Bydd gennych hefyd gyfle i adfyfyrio ar eich taith ymchwil eich hun, gan gynnwys yr adfyd y gallasech fod wedi'u hwynebu a'u goresgyn.  Yn ogystal, byddwch yn dysgu sut i ymgysylltu gyda hunan-adfyfyrio effeithiol er mwyn ehangu eich cryfder personol ac academaidd. Byddwn yn trafod strategaethau dysgu cydnerth ac yn adnabod dulliau ymarferol o gefnogi eich lles, cymhelliad a chynnydd drwy gydol eich taith ymchwil. P'un a ydych ond newydd ddechrau eich PhD neu'n agosáu at ei gwblhau, mae'r sesiwn hon yn darparu amgylchedd cefnogol er mwyn datblygu sgiliau fydd yn eich helpu i ffynnu.

Deilliannau Dysgu
1. Archwilio'r cysyniad o gydnerthedd a'i berthnasedd i'r daith ymchwil.
2. Adfyfyrio ar heriau personol a'r cryfderau rydych wedi'u datblygu
3. Cymhwyso strategaethau dysgu cydnerth

Mae'r sesiwn hon yn archwilio syndrom y ffugiwr mewn lleoliadau academaidd ac ymchwil, gan helpu mynychwyr i adnabod a rheoli eu teimladau o hunan-amheuaeth. Drwy strategaethau ymarferol ac arferion adfyfyriol, bydd mynychwyr yn dysgu sut i adeiladu hyder yn eu galluoedd ymchwil, cymryd gofal o'u datblygiad proffesiynol a meithrin dull mwyn cydnerth a gweithredol tuag at eu gyrfaoedd.

Deilliannau Dysgu
1. Cydnabod a rheoli teimladau o syndrom y ffugiwr mewn cyd-destunau ymchwil.
2. Adeiladu hyder mewn sgiliau a galluoedd ymchwil.
3. Cymryd perchnogaeth o ddatblygiad proffesiynol a thwf mewn gyrfa.

Mae creu cynllun datblygu personol (PDP) yn gam pwysig i unrhyw un sydd am ddilyn PhD neu ddechrau ar daith ymchwil. Bydd y sesiwn yn arwain mynychwyr i adfyfyrio ar eu cynnydd, gan adnabod y sgiliau a'r adnoddau maent eu hangen, a gosod nodau y gellir eu cyflawni er mwyn cefnogi eu hamcanion ymchwil. Bydd y sesiwn yn cynnwys cynghorion ymarferol ar gyfer datblygu PDP effeithiol a realistig, gan eich grymuso i gymryd perchnogaeth o'ch twf proffesiynol a llwyddo drwy gydol y daith ymchwil.

Deilliannau Dysgu
1. Adfyfyrio ar gynnydd ymchwil ac adnabod meysydd i'w datblygu.
2. Gosod nodau clir, y gellir eu cyflawni sydd wedi'u halinio gydag amcanion ymchwil.
3. Creu cynllun datblygu personol ymarferol a realistig er mwyn cefnogi twf proffesiynol.

Mae'r sesiwn hyfforddiant yn pwysleisio pwysigrwydd cydweithrediad ymchwil ar draws pob disgyblaeth academaidd. Mae'n canolbwyntio ar y trawsnewid o adeiladu rhwydweithiau proffesiynol i sefydlu partneriaethau pwrpasol, tymor hir sy'n gwella ansawdd a thraweffaith ymchwil. Mae'r sesiwn yn archwilio technegau cydweithredu effeithiol gydag ymchwilwyr eraill mewn meysydd meis ceisiadau grant, rhoi prosiectau ar waith a chyhoeddi canlyniadau. Yn ogystal, mae'r sesiwn yn cynnig cyngor ymarferol ar sut i adnabod a chysylltu gyda chydweithredwyr posib. Bydd mynychwyr yn ennill yr wybodaeth a'r strategaethau sy'n angenrheidiol er mwyn meithrin cydweithrediadau academaidd llwyddiannus sy'n arwain at ddeilliannau ystyrlon ac arloesol.

Deilliannau Dysgu
1. Gwahaniaethu rhwng rhwydweithio a chydweithrediad ymchwil.
2. Rhoi strategaethau cydweithredu effeithiol ar waith yn eich ymchwil.
3. Adnabod a chysylltu gyda chydweithredwyr ymchwil posib

Mae'r sesiwn hon yn helpu ymchwilwyr i ddatblygu fframwaith methodolegol eglur a thrylwyr ar gyfer eu prosiectau. Bydd mynychwyr yn archwilio ac yn darparu beirniadaeth ar amrywiol fethodolegau ymchwil, gan eu galluogi i adnabod cryfderau a gwendidau pob dull a'u cymhwyso i'r materion cymhleth yn eu cynigion eu hunain. Erbyn diwedd y sesiwn, bydd ymchwilwyr yn gallu cyfiawnhau eu dewisiadau methodolegol yn hyderus gan ddangos sut mae eu hagwedd hwy yn alinio gydag amcanion eu hastudiaeth.

Deilliannau Dysgu
1. Gwerthuso gwahanol fethodolegau ymchwil
2. Cymhwyso methodolegau priodol er mwyn mynd i'r afael â phroblemau ymchwil cymhleth.
3. Adeiladwch a chyfiawnhewch fframwaith methodolegol eglur ar gyfer eich astudiaeth.

Bydd y sesiwn hon yn canolbwyntio ar strategaethau ymarferol ar gyfer rheoli eich prosiect ymchwil yn unol ag amserlenni eich cynnig prosiect. Bydd mynychwyr yn dysgu sut i dorri prosiect yn dasgau y gellir eu rheoli, gosod cerrig milltir y gellir eu cyflawni a monitro cynnydd er mwyn sicrhau eu bod yn aros ar y trywydd cywir. Bydd y sesiwn hefyd yn trafod dulliau effeithiol o addasu cynlluniau pan mae heriau'n digwydd, gan flaenoriaethu tasgau a chydbwyso galwadau sy'n cystadlu. Bydd y strategaethau hyn yn cynorthwyo ymchwilwyr i gynnal momentwm ac i gyflawni eu hamcanion prosiect yn effeithiol. 

Deilliannau Dysgu
1. Cynllunio a strwythuro prosiect ymchwil sy'n alinio gyda'r cynnig prosiect. 
2. Gosod cerrig milltir realistig a rheoli amserlenni'n effeithiol. 
3. Monitro cynnydd ac addasu strategaethau er mwyn aros ar y trywydd cywir a chyflawni amcanion.