Llywodraethu a Threfnu Ymchwil

 
Mae'r sesiwn hon yn cynnig cyflwyniad ymarferol i gynnal gwaith ymchwil moesegol ar draws amrywiol ddisgyblaethau. Mae'n gwahaniaethu rhwng arferion ymchwil moesegol a'r broses ffurfiol o sicrhau cymeradwyaeth moeseg ymchwil. Bydd mynychwyr yn archwilio egwyddorion allweddol, gan gynnwys caniatâd gwybodus, cyfrinachedd, gwarchod data a'r cyfrifoldeb o drin unigolion a gwybodaeth sensitif mewn cyd-destunau ymchwil yn y byd go iawn. Drwy drafodaethau ac astudiaethau achos, bydd y sesiwn yn helpu ymchwilwyr i adnabod a mynd i'r afael â heriau moesegol drwy gydol y broses ymchwil - nid dim ond yn ystod y broses gymeradwyo.

Deilliannau Dysgu
1. Deall y gwahaniaeth rhwng ymchwil moesegol a chymeradwyo moeseg.
2. Rhoi egwyddorion moesegol allweddol ar waith.
3. Mynd i'r afael â heriau moesegol mewn ymchwil

Mae'r sesiwn hon yn cyflwyno egwyddorion ymchwil sy'n ystyriol o drawma, helpu ymchwilwyr i ddylunio a chynnal astudiaethau sy'n sensitif i anghenion cyfranogwyr a allai fod wedi profi trawma. Yn seiliedig ar Ganllawiau Ymchwil sy'n Ystyriol o Drawma y Brifysgol a'i 10 egwyddor allweddol, mae'r sesiwn yn darparu strategaethau ymarferol er mwyn atal profi trawma am yr eildro a sicrhau arferion ymchwil moesegol. Yn ogystal, mae'n pwysleisio pwysigrwydd lles yr ymchwilydd ac yn cynnig arweiniad ar reoli traweffaith emosiynol gweithio gyda deunydd sensitif, neu ddeunydd a all beri gofid.

Deilliannau Dysgu
1. Deall egwyddorion ymchwil allweddol sy'n ystyriol o drawma.
2. Cymhwyso dulliau o leihau achosion o brofi trawma eto.
3. Adnabod ffyrdd o gefnogi eu lles eu hunain mewn gwaith ymchwil sensitif.

Bydd y sesiwn hon yn archwilio ystod o ystyriaethau cydraddoldeb, amrywiaeth a chynhwysiant y dylai pob ymchwilydd fod yn ofalgar ohonynt yn eu hamrywiol ddulliau o weithio. Bydd yn cwmpasu tri maes eang:(i) y fframweithiau, cyfrifoldebau, polisïau a llenyddiaeth cydraddoldeb, amrywiaeth a chynhwysiant y mae ymchwilwyr angen talu sylw iddynt, (ii) sut allai'r rhain effeithio ar unigolion - ymchwilwyr, cydweithwyr ac ymatebwyr data a (iii) beth allai hyn ei olygu ar gyfer arferion ymchwil, yn arbennig felly cymwysiadau moesegol, recriwtio a chasglu data. Cefnogir y sesiwn gyda defnydd o enghreifftiau cymhwysol enghreifftiol. 

Deilliannau Dysgu 
1. Deall fframweithiau a chyfrifoldebau craidd Cydraddoldeb, Amrywiaeth a Chynhwysiant.
2. Adnabod traweffeithiau Cydraddoldeb, Amrywiaeth a Chynhwysiant ar bobl mewn ymchwil.
3. Cymhwyso egwyddorion Cydraddoldeb, Amrywiaeth a Chynhwysiant i arferion ymchwil.

Mae'r sesiwn hon yn cyflwyno egwyddorion hanfodol ymchwil agored, gan ganolbwyntio ar dryloywder, pa mor dda y gellir eu hatgynhyrchu a thraweffaith. Mae'r sesiwn yn cynnwys arferion hanfodol megis cyhoeddi mynediad agored, rhannu data ac egwyddorion FAIR - Chwiliadwy, Hygyrch, Rhyngweithredol y gellir eu Hailddefnyddio. Bydd mynychwyr yn dysgu am ffyrdd ymarferol o ymgorffori'r dulliau hyn yn eu gwaith eu hunain a sut y gall bod yn agored i waith ymchwil agored ehangu gwelededd, hygrededd a pherthnasedd cymdeithasegol deilliannau ymchwil.

Deilliannau Dysgu
1. Deall egwyddorion ymchwil agored a'r fframwaith FAIR.
2. Gweithredu strategaethau ar gyfer ymchwil tryloyw a hygyrch.
3. Mwyhau traweffaith a gwelededd allbynnau ymchwil.

Mae'r sesiwn hon yn cynnig trosolwg o gyfleoedd ariannu ymchwil a phrif elfennau rheoli grant yn effeithiol. Bydd mynychwyr yn dysgu sut i adnabod ffynonellau ariannu priodol, creu cymwysiadau cystadleuol a deall y cyfrifoldebau sy'n dod gyda rheoli grantiau a ddyfernir. Yn ogystal, mae'r sesiwn yn cynnwys strategaethau ymarferol ar gyfer cyllidebu, cydymffurfio, adrodd ac ehangu traweffaith ymchwil a ariennir. 

Deilliannau Dysgu
1. Adnabod ffynonellau a chyfleoedd ariannu ymchwil addas. 
2. Datblygu ceisiadau grant cystadleuol a deall gofynion ceisiadau. 
3. Cymhwyso strategaethau effeithiol ar gyfer rheoli grantiau a ddyfernir, gan gynnwys cyllidebu, cydymffurfiaeth ac adrodd.

Mae'r sesiwn hon yn cyflwyno ymchwilwyr i'r prosesau a'r cyfleoedd ar gyfer trawsnewid allbynnau ymchwil yn ddatrysiadau arloesol a mentrau masnachol. Bydd mynychwyr yn archwilio strategaethau ar gyfer gwrachod eiddo deallusol, ymgysylltu gyda phartneriaid yn y diwydiant a datblygu meysydd yn gynnyrch neu wasanaethau y gellir eu dwyn i'r farchnad. Yn ogystal, mae'r sesiwn yn cwmpasu ystyriaethau ymarferol ar gyfer cydweithredu, trwyddedu ac entrepreneuriaeth, helpu ymchwilwyr i ddeall sut i gyfieithu eu gwaith yn arloesi yn y byd go iawn.

Deilliannau Dysgu:
1. Adnabod cyfleoedd ar gyfer masnacheiddio ymchwil.
2. Gwarchod eiddo deallusol ac ymgysylltu gyda phartneriaid y diwydiant.
3. Cymhwyso strategaethau ar gyfer cydweithredu, trwyddedu ac entrepreneuriaeth.