Adeiladu  Cydnerthedd Cymunedol

Content Accordions

• Prifysgol Plant Gogledd Cymru (NWCU)

  Nod Prifysgol Plant Gogledd Cymru yw annog plant a phobl ifanc I ymgysylltu’n weithredol gyda gweithgareddau allgwricwlaidd, gyda’r bwriad o adeiladu hyder, dyheadau a chyflawniad.

  O fewn y cynllun peilot NWCU 2023/24, fe wnaeth cyfanswm o 1,272 o blant a phobl ifanc gymryd rhan yn y rhaglen weithgareddau. Gyda’i gilydd, cyfranogodd 51 o ysgolion a 9 grŵp cymunedol ar draws 6 awdurdod lleol yn y rhaglen.

  

  Drwy’r prosiect rydym wedi hwyluso dros 27,108 awr o oriau dysgu allgwricwlaidd ar draws y rhanbarth.

  Pan roedd y plant a’r bobl ifanc wedi cwblhau 30 awr o weithgaredd allgwricwlaidd, roeddent yn cyflawni dyfarniad efydd a bod yn gymwys ar gyfer ardystiad mewn seremoni raddio. Ymhellach, cafodd tystysgrifau lefel uwch Arian ac Aur Prifysgol Plant eu dyfarnu i blant a phobl ifanc oedd wedi cwblhau 65 awr (Arian) a 100 awr (Aur) o weithgaredd Prifysgol Plant. Llwyddodd cyfanswm o 669 o blant a phobl ifanc I sicrhau eu bod yn derbyn tystysgrif ar draws pum seremoni raddio’r brifysgol.

  

• Prosiect mewn Blwch

  Aethom ati i ddatblygu nifer o ‘Brosiectau mewn Blwch’ oedd yn cael eu darparu ar hyd a lled y gymuned, ac a oedd yn darparu adnoddau a gweithgareddau ar amrywiol bynciau:

  • Eisteddfod
  • Trychineb Glorfa Gresffordd
  • TrACE – Llywio’r Storm
  • Creu Meddyginiaeth
  • Pizza’r Gofod

  

  Ers i’r Prosiectau mewn Blwch ddechrau rydym wedi ymwneud â 25 o ysgolion a 3 chartref gofal. Yn ogystal â hyn, cafodd prosiectau blwch Gresffordd eu harddangos i bob cenhedlaeth yn yr Eisteddfod Genedlaethol yn Wrecsam ym mis Awst 2025. Ymddangosodd y prosiect hwn hefyd ar raglen deledu Heno.

  

  Ymhlith y partneriaid y gweithiwyd gyda hwy ar y prosiect hwn mae: Prosiect Glowyr Wrecsam, Hyb ACE Cymru, Archifau Gogledd Ddwyrain Cymru, Archifau Wrecsam, Ispen Global a GroZen.

• Sgyrsiau Bob

  Mae’r prosiect Sgyrsiau Bob yn cefnogi plant a phobl ifanc i ddatblygu sgiliau siarad cyhoeddus a hyder drwy ddarparu hyfforddiant ‘Naratif Cyhoeddus’ a chefnogaeth gan y tîm Cenhadaeth Ddinesig.

  Yn 2024, fe wnaethom gefnogi 7 ysgol i draddodi sgyrsiau arddull TEDx (’Sgyrsiau Bob’) ar bwnc iechyd meddwl a llesiant.

  Ym mis Ebrill 2025, fe wnaethom gefnogi 5 ysgol ac 1 grŵp cymunedol I draddodi sgyrsiau arddull TEDx (’Sgyrsiau Bob’) ar bwnc ‘Perthyn’.

  

  Mae gweithredoedd a chwestiynau’r bobl ifanc yn ystod eu Sgyrsiau Bobyn cael eu rhannu gydag arweinwyr ar draws y rhanbarth, ac mae ganddynt draweffaith uniongyrchol ar y prosiectau rydym ni a’n partneriaid yn eu rhedeg yn y dyfodol.

  Mae’r prosiect Sgyrsiau Bob yn parhau i dyfu, gyda disgyblion yn cael cyfle i siarad gerbron grwpiau mawr o unigolion dylanwadol sy’n galluogi newid ar draws y rhanbarth, megis y digwyddiad arweinyddiaeth Gweledigaeth y Dyfodol, ac ochr yn ochr â Chomisiynydd Plant Cymru, Rocío Cifuentes. Yn 2026 mae’r prosiect yn parhau i dyfu, gyda disgyblion o ogledd Cymru yn cyflwyno eu naratifau mewn digwyddiad mawr Hyb ACE Cymru y gwanwyn hwn.

  

• Rhaglen Crewyr Newid Yfory

  Rydym wedi gweithio gyda mudiad sydd wedi’i leoli yn ne Cymru er mwyn datblygu a pheilota ‘Prosiect Crewyr Newid Yfory’ yng ngogledd Cymru. Rydym wedi peilota’r prosiect ar draws 2 ysgol uwchradd cyfrwng Cymraeg yn 2025.

  Mae Rhaglen Crewyr Newid Yfory yn canolbwyntio ar ddisgyblion Blwyddyn 8 gan eu hannog i archwilio syniadau ynghylch yr economi gylchol a chynaliadwyedd gyda model dysgu yn seiliedig ar brosiect. Wedi cwblhau nifer o fodiwlau allweddol ar y pynciau hyn, cafodd y dysgwyr eu cyflwyno gyda dewis o feysydd er mwyn codi busnes a datblygu syniad arloesol er mwyn cefnogi eu hardal leol.

  Mae gwaith ymchwil wedi’I fewnosod drwy gydol y prosiect, er mwyn canfod mwy am ei draweffaith ar ddewis pobl ifanc o bynciau yn y dyfodol ar gyfer TGAU.

  

• Adrodd storïau fel dull i greu newid (Rhwydwaith Arloesi Cymru)

  Ochr yn ochr gyda phartneriaid o Brifysgol Abertawe, Prifysgol Caerdydd (SPARK) a Phrifysgol Durham aethom ati i gynnal pwll tywod adrodd straeon ar gyfer dros 60 o fynychwyr - dysgu, rhwydweithio, a chreu byrddau darlunio er mwyn datblygu syniadau newydd ynghylch sut y gall adrodd straeon gael ei ddefnyddio fel dull ar gyfer cynnydd a newid mewn iechyd, gofal a gwasanaethau lles yng Nghymru.

  

• 100 Stori

  Rydym wedi gweithio mewn partneriaeth gyda Bwrdd Iechyd Prifysgol Betsi Cadwaladr ar brosiect enghreifftiol Comisiwn Bevan, prosiect 100 Stori - oedd yn cefnogi pobl ifanc i adrodd eu straeon am drawsnewid o wasanaethau iechyd plant i rai oedolion. Rydym wedi darparu adroddiad traweffaith ac wedi hyrwyddo canfyddiadau’r gwaith I ddatblygu a newid y ffyrdd rydym yn ymgysylltu gyda lleisiau dinasyddion o fewn PSB Wrecsam a Sir y Fflint.