Croeso i Lanelwy
Mae ein safle yn Llanelwy yn ganolfan ymchwil arloesol ar gyfer y diwydiant technoleg optoelectroneg.
Wedi'i lleoli ym Mharc Busnes Llanelwy, ar arfordir Gogledd Cymru – ychydig dros 30 milltir a 50 munud mewn cerbyd o Wrecsam, rydym yn dwyn ynghyd byd y brifysgol a byd diwydiant.
Mae OpTIC yn cynnal ystafelloedd nyrsio a chyfleusterau hyfforddi o’r radd flaenaf i ddarparu ar gyfer carfan Prifysgol Wrecsam o fyfyrwyr gradd Nyrsio Oedolion, Plant ac Iechyd Meddwl.
Yn ogystal â chyfleusterau cynadledda aruchel, bwyty, ac ystafelloedd cyfarfodydd gyda chysylltedd band llydan diwifr, mae ffocws, fel y gallech ddisgwyl, ar labordai gwyddonol a chyfleusterau ymchwil. Mae’r cyfleusterau modern ar gyfer cynadleddau, arddangosfeydd, seminarau, hyfforddiant a chyfarfodydd ar gael i’w llogi gan sefydliadau allanol.
Mae'r ganolfan hefyd yn cynnig gofod labordy a swyddfa i gefnogi twf a datblygiad busnesau bach. Mae'r Space Enterprise Lab (SEL) a lansiwyd yn ddiweddar, un o rwydwaith Satellite Applications Catapult ledled y DU o gyfleusterau arloesi gofod rhad ac am ddim i'w defnyddio, hefyd wedi'i leoli yn OpTIC.
Mae OpTIC yn gartref i Arloesiadau Glyndŵr Ltd, is-gwmni sy'n eiddo llwyr i Brifysgol Wrecsam.
Mae ein gwyddonwyr yn enwog am eu harloesedd ym maes technoleg a gwyddoniaeth ac maent yn cynnig gwasanaethau dylunio peirianneg ac ymgynghori pwrpasol. Mae ein prosiect arloesol sef cynhyrchu drychau prototeip ar gyfer telesgop mwyaf y byd wedi ei leoli yma.
Gallwch gysylltu â Phrifysgol Llanelwy drwy’r cyfeiriad post: Ffordd William Morgan, Parc Busnes Llanelwy, Sir Ddinbych, LL17 0JD, teleffon 01745 535100 neu E-bost opticreception@wrexham.ac.uk.
