Tystysgrif Ôl-raddedig Arweinyddiaeth Dosturiol

Beth fyddwch chin ei astudio

• Arweinyddiaeth Dosturiol ar Waith: Nod y modiwl hwn yw eich cyflwyno i ymddygiadau arferion arwain tosturiol, cyfunol a chynhwysol, trwy ddatblygu dealltwriaeth feirniadol o’r cysyniadau craidd, hwyluswyr, rhwystrau a galluogwyr i ymgorffori arweinyddiaeth dosturiol o fewn diwylliant gweithle.
• Arloesedd a Gwella ar Waith: Nod y modiwl hwn yw eich paratoi i arwain prosiect gwella ansawdd yn eich gweithle. Prif ffocws y modiwl yw sut i sicrhau newid llwyddiannus gan ddefnyddio'r prosesau, yr offer a'r technegau sy'n gysylltiedig â gwella gwasanaethau.
• Modiwl Negodi: Cyfle arloesol i chi gymryd rheolaeth o'ch taith ddysgu unigol a datblygu eich sgiliau dysgu annibynnol. Trwy ffurfio contract dysgu, rydych chi'n dewis maes astudio i'w archwilio'n feirniadol, gyda rhesymeg gadarn dros sut mae hyn yn berthnasol i'ch taith broffesiynol. Bydd y ffocws yn werthusiad beirniadol o dystiolaeth ar gyfer ymarfer a datblygu sgiliau ar gyfer datblygiad proffesiynol parhaus (CPD).

Fel arall, gallwch benderfynu astudio MSc Ymarfer Proffesiynol ym maes Iechyd, lle byddwch yn cwblhau'r modiwl canlynol:

• Arweinyddiaeth Dosturiol ar Waith
• Arloesedd a Gwella ar Waith
• Modiwl Negodi
• Datblygu Ymarfer Proffesiynol ac Arweinyddiaeth
• Arloesi a Gwelliant mewn Ymarfer
• Iechyd y Cyhoedd ac Anghydraddoldebau
• Traethawd estynedig

Mae pob modiwl ar gael fel un annibynnol.

Gofynion mynediad a gwneud cais

Bydd pob cais yn cael ei ystyried yn unigol ac ôl ei deilyngdod ei hun. Bydd Arweinydd y Rhaglen yn gwneud y penderfyniad derbyn terfynol. Mae’r gofynion mynediad ar gyfer yr PGCert Arweinyddiaeth Dosturiol ym maes Iechyd wedi eu llunio yn unol â rheoliadau’r Brifysgol.

Rhaid i ymgeiswyr foddhau/feddu ar, neu fod â chyfuniad o’r amodau canlynol:

• I gradd anrhydedd gychwynnol o Brifysgol Wrecsam neu gorff dyfarnu graddau cymeradwy arall.
• Cymhwyster nad yw’n gymhwyster gradd, y mae’r Brifysgol yn ei ystyried o safon foddhaol at ddiben mynediad ôl-raddedig.
• Meddu ar brofiad gwaith perthnasol ar lefel uwch y bernir ei fod yn gwneud iawn am ddiffyg cymwysterau ffurfiol, ac wedi bod mewn swydd sydd â chyfrifoldeb rheoli yn y sector iechyd neu ofal cymdeithasol am o leiaf tair blynedd o fewn y bum mlynedd diwethaf.

Mewn achos ble bo diffyg eglurder neu lle bo angen golwg ddyfnach ar addasrwydd ymgeisydd ar gyfer y rhaglen, mae’n bosib y bydd angen cynnal cyfweliad anffurfiol gyda’r ymgeisydd. Gall hyn fod wyneb yn wyneb, neu drwy lwyfan ar-lein priodol.  Bydd hyn yn rhoi cyfle i’r ymgeisydd ddarparu tystiolaeth i foddhau’r panel cyfweld o’u gallu i gwblhau gwaith academaidd i’r safon sy’n ofynnol yn y maes pwnc, ac i gwblhau’n llwyddiannus y cynllun astudio arfaethedig.

Hefyd, mae’n bosib y bydd cynnig amodol yn cael ei wneud i ymgeiswyr na lwyddodd i ddangos tystiolaeth o astudiaeth academaidd ddiweddar (o fewn y 5 mlynedd diwethaf), gan ei gwneud yn ofynnol i fyfyriwr ymgymryd â’r modiwl Paratoi ar gyfer Llwyddiant Academaidd (Lefel 6) cyn dechrau ar y rhaglen lefel Meistr. 

Addysgu ac Asesu

Bydd asesiadau yn cael eu cynllunio i sicrhau bod myfyrwyr yn adlewyrchu eu maes ymarfer ac arbenigedd proffesiynol mewn gwaith crynodol a ffurfiannol, a bod tystiolaeth o ymdrwytho a datblygu arbenigedd sy’n gymesur ag ymdrwytho ar lefel Meistr. Bydd aseswyr academaidd priodol yn cael eu dethol i hwyluso hyn.

Ymysg y dulliau asesu mae, ond heb fod yn gyfyngedig i: Aseiniadau Ysgrifenedig, Portffolio Myfyriol, Cyflwyniadau, ac Adroddiadau.

Rhagolygon gyrfaol

Mae'n gwasanaeth Gyrfaoedd a Chyflogadwyedd yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cyngor a'r arweiniad arbenigol sydd eu hangen arnoch.

Mae’r rhaglen hon yn cynorthwyo ymarferwyr gofal iechyd i ddatblygu o fewn fframwaith gyrfaoedd a chyflogaeth Agenda ar gyfer Newid y GIG, gyda chyflawni astudiaeth lefel Meistr yn nodwedd allweddol o’r rhai sydd am symud ymlaen drwy rolau Band 7 ac uwch.

Bydd Deallusrwydd Emosiynol, cyfathrebu ac arweinyddiaeth yn edau drwy’r holl fodiwlau, gydag arweinyddiaeth dosturiol yn edefyn dysgu dangosol. Mae hyn er mwyn adlewyrchu’r ymarferydd sy’n datblygu, gofynion tystiolaeth mewn astudiaeth lefel Meistr ar gyfer y rhai hynny sy’n dilyn Band 7 (ac uwch), a phwysigrwydd datblygu gweithlu cynaliadwy a chydnerth. Bydd hyn yn galluogi myfyrwyr i archwilio dilyniant academaidd a phroffesiynol, gan anelu at gynyddu opsiynau cyflogaeth i’r dyfodol ar gyfer myfyrwyr sy’n ymgymryd â’r rhaglen.

Ffioedd a chyllid

Nid oes rhaid i chi dalu eich ffioedd dysgu ymlaen llaw.

Bydd y ffioedd rydych yn eu talu a'r cymorth sydd ar gael yn dibynnu ar nifer o ffactorau gwahanol. Gellir dod o hyd i wybodaeth lawn ar ein tudalennau ffioedd a chyllid. Byddwch hefyd yn dod o hyd i wybodaeth am yr hyn y mae eich ffioedd yn ei gynnwys yn y Cwestiynau Cyffredin ffioedd. 

Mae'r holl ffioedd yn ddarostyngedig i unrhyw newidiadau ym mholisi'r llywodraeth, edrychwch ar ein ffioedd ôl-raddedig.

Manyleb y rhaglen

Gwneud Cais

Cysylltwch â postregadmissions@wrexham.ac.uk i ofyn am ffurflen gais