Graddau Ymchwil

Mae nifer o opsiynau ar gael o ran astudio gradd ymchwil ôl-raddedig yma ym Mhrifysgol Wrecsam.

• Meistr Athroniaeth (MPhil)*
• Doethur Athroniaeth (PhD)*

*Noder mai Prifysgol Caer yw ein corff dyfarnu ar gyfer graddau MPhil/PhD

•    Meistr Ymchwil (MRes)*

*Noder mai Prifysgol Wrecsam yw ein corff dyfarnu MRes

Mae testunau ymchwil yn amrywiol, ac yn aml wedi eu dylanwadu gan ffactorau megis cryfderau academaidd y myfyriwr, diddordebau personol, ac arbenigedd ymchwil y brifysgol.

Dysgwch fwy am Lwybrau at Ymchwil a Sut i Wneud Cais.

Mae gennym nifer o Ganolfannau Ymchwil ar draws ein dwy gyfadran: Y Gyfadran Gwyddorau Cymdeithasol a Bywyd (FSLS) a Chyfadran y Celfyddydau, Cyfrifiadura a Pheirianneg (FACE). Am ragor o wybodaeth ynglŷn ag arbenigeddau ymchwil y cyfadrannau, prosiectau ymchwil presennol, neu ddigwyddiadau sydd ar y gweill, gweler Ein Hymchwil.

Pan fyddwch yn ymuno â Phrifysgol Wrecsam fel myfyriwr ymchwil ôl-raddedig (PGR), fe ddewch yn rhan o gymuned ymchwil fywiog a chefnogol ble byddwn yn helpu i feithrin eich diddordebau a datblygu sgiliau a mewnwelediadau sy’n hanfodol i’ch cynnydd i’r dyfodol.  

Mae’r Swyddfa Ymchwil yn cydlynu gweithgaredd y gymuned ymchwil sy’n gynhwysol o’n myfyrwyr ymchwil ôl-raddedig yn ganolog. Mae esiamplau yn cynnwys:

• Digwyddiad Agored ar gyfer Ymchwilwyr
• Cynefino ar gyfer myfyrwyr ymchwil ôl-raddedig
• Boreau Coffi i Ymchwilwyr
• Cystadleuaeth Ymchwil Delweddu Flynyddol
• Caffis Diwylliannol
• Sgyrsiau Ymchwil Wrecsam

Mae’r Rhaglen Datblygu Ymchwilydd yn creu amgylchedd dysgu sydd yn caniatâu i ymchwilwyr o bob disgyblaeth ar draws y Brifysgol wella eu sgiliau ar gyfer profiad ymchwil a gyrfa lwyddiannus.

Yn seiliedig ar Fframwaith Datblygu Ymchwil Vitae, rydym yn cynnig cyfleoedd hyfforddi a datblygu cynhwysfawr drwy gydol y flwyddyn academaidd, gan gynnwys Ymchwiliwr Hyderus.

Cysylltiadau Allweddol