Ysgol Fusnes Wrecsam

Trawsnewid eich Dyfodol

Yn Ysgol Fusnes Wrecsam, byddwch yn rhan o gymuned glos a chefnogol lle mae eich uchelgeisiau’n dod yn gyntaf, beth bynnag fo’ch cefndir. Rydym yn cyfuno addysg drawsnewidiol, opsiynau astudio hyblyg, a chymorth personol un i un i’ch helpu i lwyddo. Mae ein cyrsiau sy’n canolbwyntio ar ddiwydiant wedi’u cynllunio i gyd-fynd â’ch bywyd, gyda’r dewis i astudio’n llawn amser ar y campws neu drwy lwybr dysgu cyfunol i gael hyblygrwydd ychwanegol.

Gydag ymrwymiad amlwg i gynhwysiant, moeseg ac effaith gymdeithasol, rydym yn llunio cenhedlaeth newydd o arweinwyr sy’n mesur llwyddiant, nid yn unig mewn elw, ond yn y newid cadarnhaol y maent yn ei roi i gymdeithas.

Pam dewis Ysgol Fusnes Wrecsam?

Gydag enw da mewn addysgu drawsnewidiol, amgylchedd dysgu hyblyg, a chymorth personol un i un, mae Ysgol Fusnes Wrecsam yn fwy na dim ond lle i astudio.

Canolbwyntio ar y byd go iawn

Mae ein cyrsiau’n rhai ymarferol sy’n cael eu gyrru gan ddiwydiant, gan roi’r sgiliau a’r profiad mae cyflogwyr yn eu gwerthfawrogi ichi.

Gyda chysylltiadau cryf â busnesau lleol a chenedlaethol, byddwch yn rhoi eich dysgu ar waith mewn lleoliadau byd go iawn, gan fagu hyder ac ennill mantais gystadleuol.

Opsiynau astudio hyblyg

Rydym yn deall bod cynlluniau gyrfa a bywyd pawb yn wahanol. Dyna pam fod Ysgol Fusnes Wrecsam yn cynnig llwybrau llawn amser a dysgu cyfunol gydag amryw o ddyddiadau dechrau, gan roi’r hyblygrwydd ichi astudio mewn ffordd sy’n addas i chi.

Cefnogol a chynhwysol

Yn Ysgol Fusnes Wrecsam, rydych yn fwy na dim ond rhif - rydych yn rhan o gymuned glos lle mae pawb yn gwybod eich enw.

Mae ein dull personol yn golygu y byddwch yn derbyn arweiniad un i un gan ddarlithwyr arbenigol, cymorth ymroddedig gan diwtoriaid personol, a bod y rhan o amgylchedd cynhwysol sy’n rhoi eich llwyddiant chi’n gyntaf.

Student on laptop in campus accommodation

Dysgu Cyfunol

Mae ein llwybr Dysgu Cyfunol wedi’i ddylunio ar gyfer pobl sydd eisiau astudio wrth weithio neu reoli ymrwymiadau eraill. Gyda dim ond wyth diwrnod ar y campws bob blwyddyn, byddwch yn mwynhau’r gorau o ddau fyd: addysgu wyneb yn wyneb ac astudio ar-lein hyblyg sy’n ffitio o amgylch eich bywyd.

Dyddiad Dechrau Hyblyg

Mae ein cyrsiau gradd wedi’u dylunio i ffitio o amgylch eich amserlen chi, gydag astudio llawn amser yn dechrau ym mis Medi neu fis Ionawr, a dysgu cyfunol ar gael ym mis Medi, mis Ionawr neu fis Mehefin.