MSc Rheoli Gwasanaethau Iechyd Rhyngwladol

Beth fyddwch chin ei astudio

Modiwlau – i gyd yn graidd:

• Rheolaeth Strategol mewn Iechyd (30 credyd) - Nod y modiwl hwn yw archwilio gwahanol brosesau entrepreneuraidd, cysyniadau, modelau damcaniaethol, a'r rôl y mae diwylliant yn ei chwarae wrth ddechrau, rheoli a datblygu menter fyd-eang. Byddwch yn deall sut mae ffactorau amgylcheddol yn effeithio ar entrepreneuriaeth ryngwladol ac yn darganfod sut mae entrepreneuriaid yn gwneud dewisiadau ar lefel ddomestig a rhyngwladol, gan gynnwys ehangu rhyngwladol, wrth edrych ar yr amgylchedd ariannol byd-eang i baratoi ar gyfer sut y dylid datblygu cynllun busnes byd-eang.
• Heriau a Moeseg mewn Gwasanaethau Iechyd Byd-eang (30 credyd) - Bydd y modiwl hwn yn datblygu darpar reolwr gwasanaeth gofal iechyd wrth ddatblygu eu sgiliau arwain a rheoli, eu gwybodaeth a'u dealltwriaeth mewn lleoliadau gweithredol a strategol trwy arfarnu damcaniaethau a dulliau gweithredu yn feirniadol. Bydd yn nodi'r heriau sy'n wynebu gwasanaethau iechyd byd-eang, nodau darparu gwasanaethau gofal iechyd moesegol a chynaliadwy, ac yn galluogi datblygu sgiliau rheoli strategol hanfodol sy'n ofynnol wrth ddatblygu polisi a gweithredu gwasanaethau gofal iechyd.
• Arweinyddiaeth Strategol mewn Gofal Iechyd (30 credyd) - Nod y modiwl hwn yw datblygu sgiliau arwain strategol trwy gymhwyso offer arwain, modelau a thechnegau dadansoddol sy'n berthnasol i ofal iechyd cyfoes.  Byddwch yn dysgu sut i gyfleu mewnwelediadau strategol cymhleth, a dangos arweinyddiaeth gyfrifol mewn sefyllfaoedd a senarios a chyd-destunau heriol, sensitif a dan bwysau.  Byddwch yn cymhwyso damcaniaethau a chysyniadau arweinyddiaeth i heriau sefydliadol cymhleth, gan ddatblygu sgiliau myfyriol, dadansoddol a rhyngbersonol a fydd yn cynorthwyo datrys problemau, a thechnegau gwneud penderfyniadau ar draws ystod o senarios.
• Dadansoddeg Busnes ac AI (30 credyd) - Nod y modiwl hwn yw datblygu sgiliau dadansoddol sy'n galluogi dysgwyr i feithrin galluoedd a dealltwriaeth o sut y gellir trawsnewid data sefydliadol ar draws swyddogaethau busnes yn fewnwelediadau strategol ar gyfer perfformiad a mantais gystadleuol.  Y bont rhwng theori academaidd ac arloesi ac ymarfer cymhwysol, sy'n rhoi'r wybodaeth angenrheidiol i ddysgwyr drosglwyddo data o systemau i fewnwelediadau a gwneud penderfyniadau sy'n cael eu gyrru gan ddata mewn amgylcheddau busnes cymhleth ac ansicr.
• Prosiect Capstone (60 credyd) - Byddwch yn cwblhau prosiect annibynnol wedi'i gynllunio i roi cyfleoedd ymarferol i chi gymhwyso'ch dysgu i senarios busnes go iawn neu gyfleoedd menter newydd.  Byddwch yn tystio ac yn cymhwyso eich ymchwil ac yn gwneud penderfyniadau gwybodus ar amgylcheddau busnes a heriau sy'n effeithio ac yn dylanwadu ar gysyniadau a gweithrediadau ac yn cyflwyno dadleuon ac atebion ystyriol o fewn eich maes disgyblaeth busnes, gan ddangos craffter academaidd a phroffesiynol.  Bydd y modiwl hwn yn caniatáu ichi integreiddio'ch dysgu blaenorol a bydd yn rhoi cyfle i chi gymhwyso gwybodaeth a sgiliau, yn ogystal â myfyrio ar eich cryfderau ar gyfer datblygiad yn y dyfodol.  

Gofynion mynediad a gwneud cais

Fel arfer bydd gan ymgeiswyr radd anrhydedd o 2:2 neu uwch mewn unrhyw bwnc), neu gymhwyster cyfatebol rhyngwladol. Gellir derbyn cymhwyster nad yw'n raddedig, y mae'r Brifysgol yn ei ystyried o safon foddhaol at ddibenion mynediad ôl-raddedig hefyd. Gall ymgeiswyr fod yn raddedig diweddar, sydd wedi cyflawni eu gradd anrhydedd, ac yn dymuno parhau i ôl-astudiaethau graddedig i ddyrchafu eu cyfleoedd gyrfa. Lle bo angen, neu fel rhan o bolisïau a phrosesau’r Brifysgol, gall ymgeiswyr fod yn destun meini prawf dethol ychwanegol.

Addysgu ac Asesu

Bydd y strategaeth dysgu ac addysgu yn cynnwys darlithoedd ffurfiol i gyflwyno theori, egwyddorion ac arferion a fydd yn sylfaen i'r canlyniadau dysgu. Anogir myfyrwyr i ryngweithio a chyfrannu at ddysgu yn yr ystafell ddosbarth fel modd o ddatblygu sgiliau beirniadol, ac i gryfhau eu gwybodaeth a'u dealltwriaeth o theori i ymarfer. Bydd darlithoedd yn cael eu strwythuro i annog gweithgareddau unigol a grŵp gan ddefnyddio astudiaethau achos byd go iawn ac enghreifftiau busnes byw gan alluogi myfyrwyr i ddatblygu eu sgiliau cydweithredol, gwneud penderfyniadau, beirniadu a gwerthuso, yn ogystal â sgiliau cyflogadwyedd trosglwyddadwy allweddol. Yn ogystal, bydd myfyrwyr yn cael eu hannog i wneud astudiaeth hunangyfeiriedig ac ymchwil pellach ar eu maes astudio dewisol, yn ogystal â phynciau cysylltiedig, i gael safbwyntiau ychwanegol a fydd yn rhoi gwell dealltwriaeth iddynt o bynciau rheoli busnes chwaraeon o fewn sefydliadau a yr amgylchedd ehangach.

Rhagolygon gyrfaol

Mae ein tîm Gyrfaoedd a Chyflogadwyedd ymroddedig wedi ymrwymo i'ch helpu i gyflawni'ch nodau proffesiynol. Maent yn darparu cyngor personol, adnoddau defnyddiol, a digwyddiadau cyflogadwyedd allgyrsiol i'ch paratoi ar gyfer y farchnad swyddi.

Gall graddedigion y cwrs hwn ddilyn gyrfaoedd yn:

• Rheolwr Gwasanaethau Iechyd.  
• Rheolwr Iechyd Byd-eang  
• Ymgynghorydd Rheoli Gofal Iechyd.
• Rheolwr Gofal Iechyd Ansawdd a Chydymffurfiaeth 
• Rheolwr Prosiect Iechyd.

Ffioedd a chyllid

Nid oes rhaid i chi dalu eich ffioedd dysgu ymlaen llaw.

Bydd y ffioedd rydych yn eu talu a'r cymorth sydd ar gael yn dibynnu ar nifer o ffactorau gwahanol. Gellir dod o hyd i wybodaeth lawn ar ein tudalennau ffioedd a chyllid. Byddwch hefyd yn dod o hyd i wybodaeth am yr hyn y mae eich ffioedd yn ei gynnwys yn y Cwestiynau Cyffredin ffioedd. 

Mae'r holl ffioedd yn ddarostyngedig i unrhyw newidiadau ym mholisi'r llywodraeth, edrychwch ar ein ffioedd ôl-raddedig.

Gwneud Cais

• Llawn-Amser: Agored Fyfyrwyr Cartref a Rhyngwladol - Gwnewch Gais Nawr
• Rhan-amser: Argored i Fyfyrwyr Cartref yn unig - Gwnewch Gais Nawr