- Prifysgol Wrecsam

Yn recriwtio nawr! Ennill arian wrth astudio

£13.45 yr awr

Ydych chi’n chwilio am waith hyblyg â thâl sy’n cyd-fynd â’ch astudiaethau?

Dewch yn Llysgenhadwr Myfyriwr a helpwch ddarpar fyfyrwyr i ddarganfod sut beth yw bywyd ym Mhrifysgol Wrecsam mewn gwirionedd. Byddwch yn cwrdd â phobl newydd, yn cymryd rhan mewn amrywiaeth o weithgareddau ac yn meithrin profiad gwerthfawr ar gyfer eich CV, wrth ennill rhywfaint o arian ychwanegol.

Mynegi Diddordeb

Y rôl ar gip

Cyflog	£13.45 yr awr
Oriau	Cyfleoedd hyblyg wedi’u cynllunio i gyd-fynd â’ch astudiaethau
Lleoliad	Ar y campws, ar-lein ac mewn digwyddiadau allanol dethol
Hyfforddiant	Darperir hyfforddiant ac arweiniad
Pwy all wneud cais?	Myfyrwyr presennol Prifysgol Wrecsam

Beth mae Llysgenhadwr Myfyriwr yn ei wneud?

Llysgenhadon Myfyrwyr yw wynebau cyfeillgar Prifysgol Wrecsam. Byddwch yn helpu darpar fyfyrwyr a’u teuluoedd i deimlo’n groesawgar, yn ateb eu cwestiynau ac yn rhannu eich profiad eich hun o astudio yma.

Yn dibynnu ar eich diddordebau a’r cyfleoedd sydd ar gael, gallech:

Groesawu ymwelwyr mewn Diwrnodau Agored a digwyddiadau eraill y Brifysgol.
Arwain teithiau o gwmpas y campws.
Siarad â darpar fyfyrwyr mewn ffeiriau UCAS ac yn ystod ymweliadau ag ysgolion a cholegau.
Helpu gyda sesiynau holi ac ateb ar-lein.
Creu blogiau, fideos a chynnwys cyfryngau cymdeithasol.
Cymryd rhan mewn sesiynau tynnu lluniau, cyfweliadau ac astudiaethau achos myfyrwyr.
Cefnogi’r tîm Derbyniadau gyda thasgau gweinyddol achlysurol.

Ni fyddwch o reidrwydd yn gwneud popeth ar y rhestr hon. Mae gwahanol gyfleoedd ar gael drwy gydol y flwyddyn, gan eich galluogi i gymryd rhan mewn gweithgareddau sy’n gweddu i’ch sgiliau a’ch diddordebau.

Pam dod yn Llysgenhadwr Myfyriwr?

Mae dod yn Llysgenhadwr Myfyriwr yn ffordd hyblyg o ennill arian, cwrdd â phobl newydd a meithrin profiad gwerthfawr ochr yn ochr â’ch astudiaethau. Byddwch yn magu eich hyder, yn datblygu sgiliau ar gyfer eich CV ac yn helpu darpar fyfyrwyr i deimlo’n wybodus ac yn groesawgar ym Mhrifysgol Wrecsam.

““Mae’r cyfleoedd diddiwedd i gymryd rhan mewn pethau anhygoel yn un o’r pethau rwy’n eu caru fwyaf am y Brifysgol. Drwy’r rôl, rwyf wedi cael cynnig cyfleoedd gan gynnwys cymryd drosodd cyfrif Instagram, ysgrifennu blogiau, ymchwil a hyfforddiant ychwanegol.””

Emma Telfer

Seicoleg

Cwestiynau Cyffredin

Pwy all ddod yn Llysgenhadwr Myfyriwr?

Mae'r rôl yn agored i fyfyrwyr presennol Prifysgol Wrecsam. Rydym yn chwilio am bobl sy'n gyfeillgar, yn ddibynadwy, yn barod i weithio fel rhan o dîm ac yn hapus i rannu eu profiad o fywyd prifysgol.
A oes angen profiad blaenorol arnaf?

Nid oes angen profiad blaenorol fel llysgenhadwr. Yr hyn sy’n bwysicaf yw eich bod yn frwdfrydig, yn hawdd mynd atoch ac yn barod i ddysgu. Darperir hyfforddiant ac arweiniad.
Pa fath o waith y byddaf yn ei wneud?

Gall cyfleoedd gynnwys Diwrnodau Agored, teithiau o gwmpas y campws, ffeiriau UCAS, ymweliadau ag ysgolion a cholegau, sesiynau holi ac ateb ar-lein, cynnwys cyfryngau cymdeithasol, sesiynau tynnu lluniau a chymorth gweinyddol achlysurol.

Ni fydd disgwyl i chi o reidrwydd gymryd rhan ym mhob math o weithgaredd.
A yw'r oriau'n sefydlog?

Nac ydy. Mae cyfleoedd Llysgenhadon Myfyrwyr yn digwydd ar wahanol adegau drwy gydol y flwyddyn ac maent wedi’u cynllunio i gyd-fynd â’ch astudiaethau a’ch ymrwymiadau eraill.
A oes rhaid i mi dderbyn pob cyfle?

Nac oes. Gallwch fynegi eich diddordeb mewn cyfleoedd ar sail eich argaeledd, eich sgiliau a’ch diddordebau.
A fyddaf yn derbyn hyfforddiant?

Byddwch. Byddwch yn cael yr hyfforddiant, yr arweiniad neu’r briffio ar y diwrnod sydd eu hangen ar gyfer pob gweithgaredd.
Faint y byddaf yn cael fy nhalu?

Mae Llysgenhadon Myfyrwyr yn cael eu talu £13.45 yr awr. Bydd gwybodaeth am gyflwyno taflenni amser a derbyn taliad yn cael ei darparu pan fyddwch yn ymuno â’r tîm.
A all myfyrwyr rhyngwladol wneud cais?

Gallant, ar yr amod bod eich fisa yn caniatáu i chi weithio yn y DU. Chi sy’n gyfrifol am ddilyn unrhyw gyfyngiadau ar nifer yr oriau y cewch weithio.