EdD Doethuriaeth Genedlaethol mewn Addysgu (Cymru)

Beth fyddwch chin ei astudio

Yn eich blwyddyn gyntaf, byddwch yn adeiladu ar eich astudiaeth lefel meistr a phrofiad proffesiynol er mwyn paratoi ar gyfer ymchwil ddoethurol. Drwy fodiwl a ddysgir gorfodol, dysgu ar-lein, ysgol haf breswyl a chyfranogi mewn Ymarfer Cymunedol, byddwch yn datblygu eich syniadau ymchwil ochr yn ochr â chyd-weithwyr proffesiynol addysgu. Byddwch yn cael budd o arbenigedd ar draws prifysgolion partner a chyfleoedd i drafod a mireinio eich ffordd o feddwl o fewn carfan genedlaethol gefnogol. Mae'r cam hwn yn darparu'r seiliau ar gyfer symud ymlaen i'ch ymchwil dan oruchwyliaeth a thesis doethurol.

Modiwlau

Cynllunio ar gyfer astudiaethau doethurol a pharatoi thesis (Craidd): Byddwch yn datblygu'r wybodaeth a'r sgiliau sydd eu hangen er mwyn dylunio eich gwaith ymchwil doethurol a pharatoi ar gyfer eich thesis Doethuriaeth Addysgu. Byddwch yn archwilio'n feirniadol ymchwil addysgol, ymgysylltu gyda thrafodaethau damcaniaethol ac ystyried sut mae gwahanol fethodolegau'n gallu bod yn sail i'ch astudiaeth arfaethedig. Drwy ddysgu dan arweiniad a thrafodaeth, byddwch yn mireinio eich ffocws ymchwil, yn adolygu llenyddiaeth berthnasol a datblygu fframwaith cysyniadol. Byddwch yn archwilio cyfrifoldebau moesegol, eich safle fel ymchwilydd a phenderfyniadau ymarferol o safbwynt casglu, dadansoddi a chyflwyno data. Bydd rhoi sylw i samplu, rhagfarn ac ansawdd y dystiolaeth yn eich helpu i atgyfnerthu eich dyluniad ymchwil. Byddwch hefyd yn datblygu eich ysgrifennu doethurol ac yn dod â'r elfennau hyn ynghyd mewn cynllun cydlynol ar gyfer eich thesis.

Gofynion mynediad a gwneud cais

Dylai bod gennych MA Cenedlaethol mewn Addysg (Cymru) neu radd meistr gyfwerth a gydnabyddir yn y DU gyda ffocws addysgol clir, sy'n dod i gyfanswm o 180 o gredydau, sy'n cynnwys 120 o gredydau a addysgir ar Lefel 7.

Sut i wneud cais

Mae angen i geisiadau gael eu gwneud yn uniongyrchol drwy'r wefan genedlaethol neu gallwch lenwi'r ffurflen ar y dudalen hon.

Ewch i wefan EdD Cenedlaethol (Cymru) am arweiniad a dyddiadau cau ar gyfer gwneud ceisiadau, cymhwysedd cyllid, strwythur y rhaglen a chwestiynau cyffredin.

Noder: Mae ceisiadau cenedlaethol ar gyfer cychwyn ym mis Ionawr 2027 wedi cau, a bydd y ffurflen yn ailagor yn haf 2027 ar gyfer cychwyn ym mis Ionawr 2028. 

Yn ogystal â'r ffurflen gais uniongyrchol, mae'n ofynnol i ymgeiswyr y rhaglen hon wneud cais am y cwrs hwn ar gyfer dibenion ymrestru drwy ein dolenni cais brifysgol.

Efallai y bydd angen i chi lenwi'r Ffurflen Gais Cydnabod Dysg Flaenorol os ydych yn hawlio RPL a'i chyflwyno gyda'ch cais. Dylid anfon y ffurflen hon at admissions@wrexham.ac.uk ar ôl ei llenwi.

Gallwch edrych ar Ffioedd a Chyllid i wirio a ydych yn gymwys am unrhyw gyllid gan Lywodraeth Cymru.

Oherwydd cymhlethdod y broses geisio a cheisio am gyllid ar gyfer EdD Cenedlaethol (Cymru) Doethur mewn Addysg, byddwn yn rhoi gwybod a yw eich cais yn llwyddiannus cyn gynted ag y bo modd. Fodd bynnag, nid ydym yn gallu rhoi amserlen ymateb fanwl ar hyn o bryd. Os oes gennych unrhyw gwestiynau ynghylch statws eich cais, cysylltwch â ni ar enquiries@wrexham.ac.uk.

Addysgu ac Asesu

Mae'r asesiad wedi'i fwriadu i gefnogi datblygiad eich ymchwil ddoethurol. Yn ystod y cyfnod a ddysgir, byddwch yn cwblhau gwaith a asesir gan arddangos eich dealltwriaeth o'ch dyluniad ymchwil, methodoleg a gofynion eich astudiaeth arfaethedig. Byddwch yn derbyn adborth ffurfiannol gan eich tîm goruchwylio er mwyn eich helpu i fireinio eich gwaith cyn ei gyflwyno. Bydd y modiwl 60 credyd gorfodol yn cael ei asesu ar sail llwyddo/methu a rhaid pasio hwn.

Yn ystod y cyfnod ymchwil, byddwch yn cynhyrchu thesis doethurol yn seiliedig ar waith ymchwil sy'n berthnasol i'ch cyd-destun addysgol neu broffesiynol. Bydd eich thesis yn cael ei arholi gan banel o arholwyr, a byddwch yn trafod ac yn amddiffyn eich ymchwil mewn arholiad llafar, a elwir yn viva voce.

Rhagolygon gyrfaol

Mae ein tîm Gyrfaoedd a Chyflogadwyedd ymroddedig wedi ymrwymo i'ch helpu i gyflawni'ch nodau proffesiynol. Maent yn darparu cyngor personol, adnoddau defnyddiol, a digwyddiadau cyflogadwyedd allgyrsiol i'ch paratoi ar gyfer y farchnad swyddi.

Gall graddedigion y cwrs hwn ddilyn gyrfaoedd yn:

• Uwch Arweinydd Addysg
• Cynghorwr Polisi Addysg
• Cynghorwr Gwella Ysgol
• Ymgynghorydd Addysg
• Darlithydd Addysg mewn Prifysgol

Ffioedd a chyllid

Mae cyllid Llywodraeth Cymru ar gael i nifer cyfyngedig o ymgeiswyr.

Dysgwch fwy am gymhwysedd