MA Gwaith Ieuenctid a Chymuned (JNC)

Beth fyddwch chin ei astudio

BLWYDDYN 1

MODIWLAU 

• Damcaniaethu Gwaith Ieuenctid a Chymuned (gan gynnwys lleoliad proffesiynol 1) (Craidd) Bydd y modiwl hwn yn gynnig y cyfle i ddadansoddi damcaniaethau craidd yn gritigol sy’n llywio arfer gwaith ieuenctid a chymuned, a’r ffordd y mae ffactorau cymdeithasol a gwleidyddol yn effeithio ar ein gwaith gyda phobl ifanc. Bydd yn gyfle i ystyried yn gritigol sut mae’r ffactorau hyn yn llunio eich hunaniaeth broffesiynol. Mae’r modiwl hwn hefyd yn cynnwys 180 awr o leoliadau gwaith.

• Materion cyfoes mewn Gwaith Ieuenctid a Chymunedol (Craidd) - Mae’r modiwl hwn yn archwilio materion cyfoes mewn gwaith ieuenctid a chymunedol, gan ganolbwyntio ar rôl addysgiadol yr ymarferydd wrth fynd i’r afael â gormes ac anghydraddoldeb cymdeithasol.

BLWYDDYN 2

MODIWLAU 

• Dulliau Ymchwil Uwch (Craidd) – Cyflwynir y modiwl hwn 100% ar-lein, gyda'r opsiwn i fynychu grwpiau astudio ychwanegol i roi eich dysgu mewn cyd-destun i waith ieuenctid a chymunedol. Byddwch yn datblygu dealltwriaeth uwch o baradeimau ymchwil a sut y gellir eu cymhwyso mewn ymchwil gwyddorau cymdeithasol, i lunio cynnig ymchwil mewn maes o'ch arbenigedd. Mae'r modiwl hwn yn elfen allweddol o baratoi myfyrwyr ar gyfer modiwl traethawd hir Blwyddyn 3.

• Ymarfer Gwaith Ieuenctid Cymhwysol (Craidd) - Cyfle i adeiladu ar eich dysgu o Flwyddyn 1, cymhwyso theori i ymarfer ac arddangos eich sgiliau a'ch cymwyseddau newydd mewn lleoliad gwaith ieuenctid 120 awr amgen. Rhaid cwblhau'r modiwl hwn yn llwyddiannus ond nid oes ganddo unrhyw werth credyd.

• Cyd-drafod Dewis (Opsiwn) Nod y modiwl hwn yw cynnig cyfle i fyfyrwyr ddiffinio ffocws eu hastudiaeth eu hunain o fewn paramedrau gwaith ieuenctid a chymuned. Bydd myfyrwyr yn gwerthuso ac yn dadansoddi polisi, arfer a datblygiadau damcaniaethol yn gritigol yn y maes penodol hwnnw. Cânt y cynnig o ddyfeisio eu cerbyd asesu eu hunain – gallai fod yn brosiect, yn draethawd, yn gyflwyniad ac ati.
• Arweinyddiaeth ac Ymarfer ar gyfer Cynhwysiant Cymdeithasol a Chyfiawnder Cymdeithasol (Opsiwn) - Gan dynnu ar y dysgu a’r mewnwelediadau o dystiolaeth, theori a phrofiad, bydd y modiwl hwn yn galluogi dysgwyr i ddatblygu gwybodaeth a dealltwriaeth feirniadol a chynhwysfawr o arweinyddiaeth ac ymarfer ar gyfer cynhwysiant cymdeithasol a chyfiawnder cymdeithasol ar lefelau unigol, cymunedol, cenedlaethol a rhyngwladol.

Sylwer: Enillir cymhwyster proffesiynol JNC ar ôl cwblhau Blwyddyn 1 a 2 yn llwyddiannus.

BLWYDDYN 3

MODIWLAU 

• Traethawd Hir Mae’r traethawd hir yn astudiaeth annibynnol, sy’n cynnwys casglu a dadansoddi data o’r prif ffynonellau, sy’n cael ei wneud gan fyfyrwyr ar bwnc o’u dewis yng nghyd-destun gwaith ieuenctid a chymuned. Darn ysgrifenedig estynedig yw hwn sy’n caniatáu i fyfyrwyr werthuso cysyniadau ac arfer damcaniaethol yn gritigol mewn perthynas â’r pwnc o’u dewis.

Mae'r wybodaeth a restrir yn yr adran hon yn drosolwg o gynnwys academaidd y rhaglen a fydd ar ffurf modiwlau craidd neu fodiwlau dewisol. Mae modiwlau'n cael eu pennu'n rhai craidd neu rai dewisol yn unol ag anghenion corff proffesiynol ac adolygiad fframwaith academaidd mewnol, ac felly maent yn gallu newid.

Gofynion mynediad a gwneud cais

Y gofynion academaidd ar gyfer y cwrs yw gradd anrhydedd dda neu gymhwyster proffesiynol priodol.

Mae angen profiad blaenorol o 200 awr mewn lleoliad gwaith ieuenctid a chymuned ac mae’n rhaid bod tystiolaeth o hynny. Gellir ennill y profiad hwnnw mewn gwaith gwirfoddol neu waith am dâl ym maes gwaith ieuenctid a chymuned. Gall tîm y rhaglen gynghori myfyrwyr ynghylch cyfleoedd gwirfoddoli a phrofiad i ymarfer, os bydd angen.

Caiff yr holl ymgeiswyr a ystyrir i fod yn addas gyfweliad, a bydd y rheiny sydd ag anableddau neu o gyrsiau perthnasol yn cael cynnig cyfweliad fel mater o drefn.

Bydd llawer o fodiwlau yn gofyn i chi fod yn gweithio mewn amgylchedd ymarfer ieuenctid a chymuned addas, neu fynediad ato, er mwyn i chi gyd-destunoli eich dysgu a chwblhau’r asesiadau.
 
Bydd gofyn i chi gwblhau cliriad manylach gan y Gwasanaeth Datgelu a Gwahardd (DBS) (a elwid yn CRB gynt) fel bod modd gwirio eich addasrwydd i weithio gyda phlant a/neu oedolion sy’n agored i niwed.

Sylwer: Nid yw'r rhaglen hon yn bodloni gofynion Cymwysiadau Fisa Rhyngwladol Ôl-raddedig. Oherwydd natur ran amser y rhaglen hon, a’r dull o gyflwyno, nid yw’r rhaglen hon yn bodloni’r gofynion ar gyfer cael Fisa Rhyngwladol Ôl-raddedig i astudio a phreswylio yn y DU.

Addysgu ac Asesu

Caiff aseiniadau eu cynllunio gyda nodau dyblyg cefnogi datblygiad proffesiynol myfyriwr a’i ddealltwriaeth academaidd. Mae hyn yn ehangu gwybodaeth a sgiliau o’r gred bod gweithio fel ymarferydd ardderchog yn golygu, nid yn unig gweithio gyda phobl, ond hefyd gallu mynegi eich hun mewn amrywiaeth o ffyrdd sy’n cynnwys llunio adroddiadau, dogfennau a thraethodau’n seiliedig ar gasglu a dadansoddi tystiolaeth er mwyn creu dadl.

Trwy gydol y rhaglen, ac mewn modiwlau unigol, caiff amrywiaeth o ddulliau asesu eu defnyddio sydd â’r nod o dangos tegwch mewn perthynas ag anghenion, arddulliau dysgu a diddordebau unigol myfyrwyr. Caiff y ffurfiau ar asesu eu dewis er mwyn sicrhau eu bod yn nodweddu lefel academaidd y modiwlau a’u bwriad yw galluogi myfyrwyr i ystyried athroniaethau, cysyniadau a’r damcaniaethau sy’n ategu gwaith ieuenctid a chymuned, trwy ystyried a dadansoddi materion sy’n berthnasol i feysydd darpariaeth gymdeithasol.

Anogir trosglwyddo dysgu o un modiwl i’r llall ac mae’r modiwlau craidd yn cynnig ffocws yn hyn o beth. Fel y cyfryw, caiff dulliau asesu ar y rhaglen israddedig hon eu defnyddio i ddatblygu hyder a gallu myfyriwr i gwblhau ystod o sgiliau trosglwyddadwy a ystyrir i fod yn fuddiol mewn gwaith academaidd ac arfer proffesiynol.

Felly bydd amrywiaeth o ffurfiau i asesiadau ar y rhaglen gan gynnwys Traethodau, Cyflwyniadau, Portffolios, cyfraniad at Fforymau Ar-lein ac ati.

Dysgu ac addysgu

Mae Prifysgol Wrecsam wedi ymrwymo i roi cymorth i'n myfyrwyr i'w galluogi i gyflawni eu potensial academaidd i'r eithaf. Rydym yn cynnig gweithdai a sesiynau cymorth mewn meysydd megis ysgrifennu academaidd, gwneud nodiadau effeithiol a pharatoi ar gyfer aseiniadau. Gall myfyrwyr drefnu apwyntiadau gyda thiwtoriaid sgiliau academaidd sy'n ymroddedig i helpu myfyrwyr i delio ag agweddau ymarferol gwaith prifysgol. Mae gan ein hadran cymorth i fyfyrwyr fwy o wybodaeth ar y cymorth sydd ar gael.

Rhagolygon gyrfaol

Mae cwblhau'r cwrs hwn yn llwyddiannus yn arwain at Gymhwyster Gwaith Ieuenctid proffesiynol JNC, sy'n ofynnol ar gyfer cofrestru gyda Chyngor y Llu Gwaith Addysg yng Nghymru. Dyma'r cymhwyster proffesiynol sydd ei angen ar gyfer y rhan fwyaf o swyddi Gwaith Ieuenctid yn Lloegr a'r Alban. Byddwch yn cwblhau dros 300 awr o leoliad gwaith ar y cwrs sy'n rhoi profiad gwaith perthnasol i chi yn y sector Gwaith Ieuenctid a Chymunedol. 

Mae graddedigion o'r cwrs yn gweithio mewn amrywiaeth o leoliadau, gan gynnwys gweithio mewn prosiectau a gwasanaethau yn y meysydd canlynol: 

• Gofalwyr Ifanc
• Ymadawyr Gofal a Phobl Ifanc mewn Gofal
• Troseddwyr Ifanc
• Gwaith Ieuenctid yr Ysbyty
• Iechyd Meddwl
• Digartrefedd a Thai Ieuenctid 
• Datblygiad Chwaraeon ac Iechyd Ieuenctid 
• Clybiau Ieuenctid a Gwaith Ieuenctid ar y Stryd
• Camfanteisio'n Rhywiol ar Blant
• Addysg Awyr Agored
• Datblygiad Cymunedol
• Mentora ac Eiriolaeth
• Pobl ifanc ag anabledd 

Mae'n gwasanaeth Gyrfaoedd a Chyflogadwyedd yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cyngor a'r arweiniad arbenigol sydd eu hangen arnoch.

Ffioedd a chyllid

Nid oes rhaid i chi dalu eich ffioedd dysgu ymlaen llaw.

Bydd y ffioedd rydych yn eu talu a'r cymorth sydd ar gael yn dibynnu ar nifer o ffactorau gwahanol. Gellir dod o hyd i wybodaeth lawn ar ein tudalennau ffioedd a chyllid. Byddwch hefyd yn dod o hyd i wybodaeth am yr hyn y mae eich ffioedd yn ei gynnwys yn y Cwestiynau Cyffredin ffioedd. 

Mae'r holl ffioedd yn ddarostyngedig i unrhyw newidiadau ym mholisi'r llywodraeth, edrychwch ar ein ffioedd ôl-raddedig.

Manyleb y rhaglen

Gallwch weld manyleb y rhaglen lawn yma.

Yn amodol ar ddilysu ac achredu

Mae cyrsiau sydd yn cael eu dangos fel rhai “amodol ar ddilysu ac achredu” yn gyrsiau newydd sydd yn cael eu datblygu ac mae manylion y cyrsiau yma yn y broses o gael eu cwblhau drwy’r gylchred gymeradwyo, a elwir yn broses ‘ddilysu’. Mae’r cyrsiau yma hefyd yn y broses o geisio am achrediad/cydnabyddiaeth gan gyrff allanol, a elwir yn CPSRh - Cyrff Proffesiynol, Statudol a Rheoleiddio, sydd yn broses gymeradwyo allanol ar wahân gyda’r CPSRh perthnasol.

Cyn gynted ag y bo rhaglenni yn cael eu dilysu a’u hachredu bydd manylion y cyrsiau yn cael eu cadarnhau. Mae’r rhan fwyaf o gyrsiau sydd yn dal i fod yn ‘amodol ar ddilysu ac achredu’ yn cael eu cymeradwyo yn ôl y disgwyl, fodd bynnag, ni warantir hyn, ac os nad fydd cwrs yn mynd rhagddo yn ôl y disgwyl, neu’n cael ei newid yn sylweddol, cewch eich hysbysu gan y brifysgol a rhoddir cymorth i’r bobl hynny sydd wedi cael cynnig lle i ganfod cwrs amgen addas naill ai ym Mhrifysgol Wrecsam neu gyda darparwr arall.

Visa Rhyngwladol

Nid yw'r rhaglen hon yn bodloni gofynion Ceisiadau Visa Rhyngwladol Ôl-raddedig

Oherwydd natur ran-amser y rhaglen hon, a'r dull cyflwyno, nid yw'r rhaglen hon yn bodloni'r gofynion ar gyfer cael Visa Rhyngwladol Ôl-raddedig i astudio a byw yn y DU.