MA Paentio

Beth fyddwch chin ei astudio

Mae gan y cwrs MA Paentio strwythur 3 modiwl sy’n caniatáu cynnydd rhesymegol drwy ddiffinio, ehangu a mynegi eich arferion ar ffurf paentio.

MODIWLAU:

Lleoli (Craidd) - Y modiwl Lleoli yw sylfaen allweddol y rhaglen MA Paentio.  Trwy archwilio materol dwys, ymchwil cyd-destunol, a beirniadaethau dadansoddol, bydd myfyrwyr yn craffu ar agweddau technegol, cyd-destunol a damcaniaethol sylfaenol ym maes paentio. Mae’r modiwl yn canolbwyntio ar osod gwaith pob myfyriwr o fewn cyd-destunau ehangach hanes celf, diwylliant, gwleidyddiaeth ac athroniaeth. Bydd myfyrwyr yn meithrin iaith allweddol  i fynegi’r berthynas gymhleth rhwng paentio, hunaniaeth a chymdeithas.

Cwestiynu (Craidd) - Mae’r modiwl Cwestiynu yn canolbwyntio ar atgyfnerthu arferion paentio myfyrwyr drwy eu gosod o fewn trafodaethau athronyddol a diwylliannol yn ymwneud â natur esblygol y cyfrwng. Bydd myfyrwyr yn cymryd risgiau cysyniadol ac yn gwthio technegau confensiynol drwy arbrofi materol sy’n herio diffiniadau traddodiadol o baentio. Mae’r modiwl Cwestiynu yn galluogi myfyrwyr i ymgysylltu’n effeithiol gyda thrafodaeth fodern ym maes paentio ar ffurf weledol ac ysgrifenedig.

Mynegiant (Craidd) - Mae’r modiwl Mynegiant yn canolbwyntio ar ddatblygu pecyn cydlynol o waith paentio i’w arddangos yn gyhoeddus, gan leoli arferion myfyrwyr o fewn y byd celfyddydol modern. Yn ogystal, bydd myfyrwyr yn mireinio sgiliau ysgrifennu, mynegiant llafar, cydlynu arddangosfeydd, a dogfennu proffesiynol er mwyn cyfathrebu arwyddocâd eu gweledigaeth artistig yn llwyddiannus. Mae’r modiwl Mynegiant yn sicrhau bod myfyrwyr yn gallu llywio a mynegi eu gwaith yn fedrus mewn lleoliadau celf proffesiynol.

Gofynion mynediad a gwneud cais

Mae’n ofynnol i bob ymgeisydd ar gyfer y rhaglen MA Paentio gyflwyno portffolio fel rhan o’r broses ymgeisio.

Mae pob portffolio fel arfer yn cynnwys 10-15 delwedd o’ch gwaith gorau, mwyaf perthnasol, ond gall hefyd gynnwys elfennau cyfryngau ychwanegol megis fideo, sampl o waith ysgrifenedig, dogfennaeth arddangosfeydd, ac ati.

Mae cyflwyno’r portffolio yn galluogi ymgeiswyr i ddangos eu talent, eu meddwl creadigol, eu sgiliau technegol a’u cymhelliant artistig mewn modd gweledol.

Mae adolygu portffolios ymgeiswyr yn rhoi cyfle  i’n tîm addysgu gael mewnwelediad i botensial darpar fyfyrwyr i gyfrannu ac i gwblhau’r rhaglen ôl-raddedig arbenigol hon yn llwyddiannus.

Addysgu ac Asesu

Mae dysgu ac addysgu ar y rhaglen MA Paentio yn digwydd ar sawl ffurf sy’n cyd-fynd â chwricwlwm sy’n seiliedig ar waith ymarferol.

Yn ystod y rhaglen, byddwch yn cymryd rhan mewn amrywiaeth eang o ddulliau dysgu ac addysgu gan gynnwys arweiniad gan diwtor a chydweithio gyda chymheiriaid.

Byddwch yn cynhyrchu gwaith stiwdio ymarferol ac yn cadw dyddiaduron myfyriol i gofnodi eich cynnydd creadigol, dadansoddiadau artistig, ac yn datblygu dealltwriaeth o hanes a damcaniaethau ym maes paentio.

Bydd cymryd rhan mewn sesiynau trafod beirniadol ac ysgrifennu hunan-fyfyriol yn rheolaidd yn meithrin syniadau allweddol ac athronyddol am eich twf.

Mae arddangosfeydd o waith dethol yn eich galluogi i gyflwyno darnau gorffenedig yn gyhoeddus i’w hadolygu. Yn ogystal, byddwch yn cyflwyno elfennau ysgrifenedig crynodol sy’n rhoi cyd-destun eich arferion o fewn fframweithiau allweddol.

Rhagolygon gyrfaol

Mae'n wasanaeth Gyrfaoedd a Chyflogadwyedd yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cyngor a'r arweiniad arbenigol sydd eu hangen arnoch.

Nod y rhaglen hon yw helpu i wella cyflogadwyedd myfyrwyr, gan y bydd yn darparu’r sgiliau angenrheidiol ar gyfer gweithio mewn arferion celf a dylunio amlddisgyblaethol, megis: 

• Artist/Arlunydd Proffesiynol
• Athro Celf (Ysgolion, Colegau, Prifysgolion)
• Curadur/Rheolwr Oriel
• Addysgwr mewn Amgueddfa
• Adolygydd/Ysgrifennydd Celf
• Ymgynghorydd Celf
• Cydlynydd Celf Cyhoeddus
• Gweinyddwr Celf
• Gweithiwr Celf Cymunedol
• PhD mewn Celfyddyd Gain/Paentio
• PhD mewn Hanes/Theori Celf
• PhD mewn Addysg Celf
• Achrediadau ychwanegol (e.e. Therapi Celf)
• Amrywiaeth o lwybrau gyrfa (orielau, amgueddfeydd, curadur ac ati)

Ffioedd a chyllid

Nid oes rhaid i chi dalu eich ffioedd dysgu ymlaen llaw.

Bydd y ffioedd rydych yn eu talu a'r cymorth sydd ar gael yn dibynnu ar nifer o ffactorau gwahanol. Gellir dod o hyd i wybodaeth lawn ar ein tudalennau ffioedd a chyllid. Byddwch hefyd yn dod o hyd i wybodaeth am yr hyn y mae eich ffioedd yn ei gynnwys yn y Cwestiynau Cyffredin ffioedd. 

Mae'r holl ffioedd yn ddarostyngedig i unrhyw newidiadau ym mholisi'r llywodraeth, edrychwch ar ein ffioedd ôl-raddedig.

Manyleb y rhaglen

Gallwch chi weld manyleb lawn y rhaglen yma.