Ydych chi'n Meddwl nad yw'r Brifysgol yn Rhywbeth i Chi? Meddyliwch eto!

BA (Anrh) Ffotograffiaeth

Efallai fod ffonau clyfar wedi gwneud ffotograffiaeth yn fwy hygyrch, ond mae angen mwy na phwyso botwm ar gyfer cael lluniau sy’n sefyll allan. Mae angen cyfeiriad creadigol, rheolaeth dechnegol, deall dynameg goleuo, ôl-olygu, adrodd stori a llygaid weledol gref.

Mae galw am bobl sy’n deall cyfansoddiad cynnwys gweledol o safon uchel ar draws ffasiwn, hysbysebu, golygyddol, digwyddiadau, chwaraeon, rhaglenni dogfen a’r diwydiannau creadigol wrth i’r cyfryngau cymdeithasol yrru’r gofynion o hyrwyddo drwy adrodd straeon gweledol.

Gall astudio BA (Anrh) ffotograffiaeth eich helpu i ddatblygu’r sgiliau technegol, creadigol a phroffesiynol arbenigol sydd eu hangen i gynhyrchu gwaith gyda phwrpas, sglein ac effaith.

BSc (Anrh) Iechyd Meddwl a Llesiant

Mae gyrfa mewn iechyd meddwl yn golygu llawer mwy na darparu therapi. Efallai y byddwch yn cefnogi llesiant gweithiwr drwy iechyd galwedigaethol, gan helpu gweithleoedd i ymateb i straen, gorweithio ac absenoldeb. Gallwch weithio gyda phobl ifanc a theuluoedd er mwyn eu cysylltu â’r gwasanaethau cywir, neu ymuno ag elusennau, ysgolion a sefydliadau cymunedol er mwyn gwella ymwybyddiaeth, lleihau stigma a’i gwneud yn haws i gael mynediad at gymorth. 

Gall astudio Iechyd Meddwl a Llesiant eich helpu i ddeall y ffactorau sy’n llywio iechyd meddwl a datblygu’r sgiliau ymarferol i gefnogi pobl a chymunedau mewn ystod eang o leoliadau.  

FdSc Ymddygiad, Hyfforddiant a Pherfformiad Cŵn

Nid yw gweithio gydag anifeiliaid yn golygu bod yn rhaid i chi ddod yn filfeddyg. Gall deall ymddygiad cŵn agor drysau i ystod eang o yrfaoedd gwerth chweil, o gynorthwyo perchnogion annibynnol gyda hyfforddiant, gweithio ym maes addasu ymddygiad i gefnogi anifeiliaid y lluoedd arfog yn yr heddlu a’r fyddin i feithrin sgiliau canfod arogleuon.

Bydd astudio Ymddygiad Cŵn yn eich helpu i ddatblygu gwybodaeth arbenigol o sut mae cŵn yn meddwl, dysgu ac ymateb i’w hamgylchedd. Gyda galw cynyddol am ddulliau wedi’u harwain gan ymddygiad ar draws y sectorau hyfforddi, llesiant a chŵn gwaith, ac ymwybyddiaeth gynyddol ohonynt, gall arbenigedd cŵn arwain at yrfa gwerth chweil gan helpu cŵn a’u perchnogion i gael gwell canlyniadau.

Celf Sylfaen

Mae creadigrwydd yn gyrru diwydiannau, o ddylunio, animeiddio a darlunio, i hysbysebu, cyhoeddi, cyfryngau digidol a’r celfyddydau gweledol. Ond mae troi talent greadigol yn yrfa yn golygu mwy na gallu artistig yn unig.

Gall astudio Celf Sylfaen eich helpu i ddatblygu eich arfer creadigol wrth feithrin sgiliau masnachol mewn meysydd megis datblygu portffolio, briffiau i gleientiaid, prisio, hyrwyddo, marchnata, cynllunio prosiectau a chyflwyno eich gwaith yn broffesiynol.

P’un a ydych yn awyddus i greu celf gysyniadol ar gyfer gemau a ffilmiau, dylunio hunaniaethau gweledol ar gyfer brandiau, darlunio llyfrau a chyhoeddiadau, cynhyrchu animeiddiadau, neu ddatblygu eich arfer artistig eich hun, byddwch yn dysgu sut mae gwaith creadigol yn cael ei gomisiynu, ei farchnata a’i werthfawrogi ar draws y diwydiannau creadigol.

FdA Pêl-droed a Datblygiad Cymunedol

Beth am baratoi ar gyfer gyrfaoedd mewn hyfforddi pêl-droed, datblygu chwaraeon a gwaith cymunedol drwy gyfuno’ch angerdd am bêl-droed gyda sgiliau i gael effaith gadarnhaol mewn cymunedau lleol.

Mewn partneriaeth â Sefydliad Wrecsam AFC, mae’r radd sylfaen hon yn rhoi cyfle i chi ennill profiad cymwysedig, gweithio ar brosiectau’r byd go iawn, cael mynediad at gyfleusterau proffesiynol gan gynnwys caeau o safon yng nghanolfan datblygu pêl-droed cenedlaethol, Parc y Glowyr, a rhwydweithio gyda chlybiau pêl-droed lleol, sefydliadau cymunedol a chyrff llywodraethu.

Byddwch yn graddio’n barod i hyfforddi’r genhedlaeth nesaf o chwaraewyr, cyflawni rhaglenni cymunedol effeithiol, cefnogi datblygiad chwaraewyr a chymunedau, neu symud ymlaen i astudio ymhellach gyda’r dewis i ddatblygu’r cymhwyster i BA (Anrh) llawn.

Graddau Addysg

Beth am baratoi am yrfa mewn addysgu drwy lwybrau all arwain at Statws Athro Cymwysedig, p’un a ydych yn cychwyn ar eich taith israddedig neu’n symud ymlaen wedi gradd. Caiff llwybrau addysg athrawon Prifysgol Wrecsam eu darparu mewn partneriaeth â St Mary’s Twickenham, y mae ei chyrsiau addysg athrawon cynradd wedi’u barnu’n ‘rhagorol’ gan Ofsted.

Cewch brofiad mewn ysgolion yng Nghymru a Lloegr, gan ddatblygu o addysgu grwpiau bach i ddosbarthiadau cyfan. Gyda chymorth ar leoliad ac addysgu gan ymarferwyr profiadol sy’n cynnal ymchwil ar hyn o bryd, byddwch yn datblygu’r wybodaeth, yr hyder a’r arfer myfyriol sydd eu hangen arnoch i gefnogi dysgu yn yr ystafell ddosbarth.

Os ydych wedi graddio ac yn barod i ysbrydoli dysgwyr ifanc, beth am ddechrau ar eich gyrfa addysgu a mynd ymlaen i lwybrau fel arweinyddiaeth addysgol yn y dyfodol.