Myfyrwyr Prifysgol Wrecsam Yn Hogi Sgiliau Cynhyrchu Mewn Gŵyl Gerddoriaeth Fawr
Dyddiad: Dydd Mawrth, Mai 12fed, 2026
Cafodd myfyrwyr Prifysgol Wrecsam flas ar weithio i sioe gerddoriaeth fyd-eang wrth iddynt ffilmio a recordio grwpiau ar gyfer FOCUS Wales eleni.
Croesawodd Adeilad y Diwydiannau Creadigol (CIB) ar gampws Plas Coch yn Wrecsam artistiaid o bob rhan o’r byd fel rhan o’r digwyddiad arddangos rhyngwladol blynyddol, sy’n dathlu cerddoriaeth o Gymru a thu hwnt.
Cafodd myfyrwyr o gwrs Cynhyrchu Cyfryngau’r brifysgol y dasg o amrywiol gyfrifoldebau fel rhan o’r digwyddiad, gan gynnwys gwaith camera, recordio sain, sain byw ymhlith cyfrifoldebau eraill.
Bydd fideos o’r perfformiadau yn cael ei rannu ar Glyndwr TV – sianel Youtube y brifysgol.
Roedd traciau o'r digwyddiad i fod i gael eu chwarae ar raglen BBC Introducing ar Radio Wales, gydag Adam Walton.
Roedd Harry Mawdsley, sy’n astudio ar gyfer gradd Meistr mewn Cynhyrchu Cyfryngau Creadigol (Llwybr Sain), yn recordydd sain ar gyfer y cyntaf ac yn rheoli’r goleuo’r diwrnod canlynol.
“Aeth y sesiynau yn arbennig o dda, a mwynheais weithio arnynt yn fawr. Rwy’n gobeithio y byddaf yn cael y cyfle i ddod yn ôl a gweithio arnynt y flwyddyn nesaf, hyd yn oed os nad wyf bellach yn fyfyriwr erbyn hynny gan fy mod wedi mwynhau gweithio arnynt drwy gydol fy amser ym Mhrifysgol Wrecsam,” meddai.
“Mae digwyddiadau fel y rhain yn hynod werthfawr i fyfyrwyr oherwydd eu bod yn helpu i ddatblygu sgiliau diwydiant ymarferol mewn amgylchedd cefnogol ochr yn ochr â staff profiadol a chyd-fyfyrwyr. Maent hefyd yn darparu cyfleoedd i rwydweithio â phobl sy'n gweithio yn y diwydiannau creadigol ac yn helpu myfyrwyr i adeiladu eu portffolios proffesiynol.”
Bellach yn ei 16eg flwyddyn, mae FOCUS Wales FOCUS Wales yn ŵyl yn Wrecsam sy’n rhoi’r sylw cadarn i dalent gerddorol gynyddol o bob rhan o Gymru, ochr yn ochr ag amrywiaeth o berfformwyr newydd o bob rhan o’r byd.
Cymerodd mwy na 250 o actau ran ar 20 llwyfan ledled yr ardal rhwng Mai 7-9, ochr yn ochr ag amserlen lawn o baneli diwydiant rhyngweithiol, digwyddiadau rhwydwaith, a dangosiadau ffilm.
Daeth llu o berfformwyr o bob rhan o’r byd i Adeilad y Diwydiannau Creadigol (CIB) ar gampws Plas Coch yn Wrecsam i berfformio dros ddau ddiwrnod.
Roedd perfformwyr dydd Iau yn cynnwys yr artistiaid o Ganada sef Sunglaciers, Dill the Giant, Alanna Matty a Dream Creeps; XANDEGA o Indonesia, KyoYoko o Tsieina a Half/Time o Seland Newydd.
Ymhlith yr actau a berfformiodd ddydd Gwener roedd Two Man Giant Squid o UDA, His His, Bitterfly, Boutique Feelings a Kimmortal; yn ogystal â Logic Lost a Su San o Indonesia.
Dywedodd Steffan Owens, arweinydd rhaglen technoleg sain ym Mhrifysgol Wrecsam: "Mae ein myfyrwyr wrth wraidd ein gwaith gyda FOCUS Wales. Mae’r ŵyl yn rhoi profiad gwirioneddol, byd go iawn iddynt yn gweithio’n uniongyrchol gydag artistiaid rhyngwladol mewn amgylchedd cyffrous, cyflym sy’n adlewyrchu realiti’r diwydiant ffilm a theledu.
“Mae'r cyfleoedd hyn yn cyflymu eu datblygiad mewn ffyrdd na all unrhyw ystafell ddosbarth; mae bod yn rhan o'r criw ar gyfer digwyddiad byw mawr yn rhoi hyder a sgiliau ymarferol iddynt sy'n eu paratoi'n wirioneddol ar gyfer eu gyrfaoedd yn y dyfodol."