Ein Cenhadaeth Ddinesig

Ein Ffocws

Fel sy’n cael ei amlinellu yng Ngweledigaeth 2030 Prifysgol Wrecsam, ein nod yw bod yn sefydliad dinesig modern a blaenllaw, sy'n ymgysylltu'n rhanbarthol ac yn fyd-eang, gan ddarparu sgiliau ac ymchwil ddylanwadol sy’n annog twf economaidd ac arloesedd er lles y genhedlaeth bresennol a chenedlaethau’r dyfodol.

Mae'r heriau yr ydym i gyd yn eu hwynebu yn newid yn gyson. Nid yw ein cenhadaeth ddinesig yn sefydlog a bydd ein sgyrsiau'n parhau i lywio ein hymagwedd a'n prosiectau. Fel prifysgol rydym am fod yn rym cadarnhaol dros newid.

Dros y saith mlynedd ddiwethaf mae ein Cenhadaeth Ddinesig wedi esblygu er mwyn bodloni’r angen gan bartneriaid a chymunedau I fynd i’r afael â newidiadau o fewn y gymdeithas. Rydym wedi canolbwyntio ar arwain cymunedau drwy gyd-greu ac arloesedd cymdeithasol er mwyn rhoi newid ar waith. Rydym yn flaengar o rangalluogi’r newid hwn, gan weithredu fel cynullydd systemau a galluogwr gweithredoedd ar draws tirwedd partneriaeth gymhleth.

Cenhadaeth ddinesig: Ymchwil sy'n Trawsnewid

Yn Prifysgol Wrecsam, mae gennym strategaeth ymchwil uchelgeisiol lle'r ydym yn ceisio ymgymryd ag ymchwil sy'n trawsnewid. I gefnogi ein partneriaeth cenhadaeth ddinesig; hoffem ddatblygu ymchwil cymhwysol a gwybodaeth drwy ymholiad beirniadol, ymchwil cymhwysol a gwerthuso effaith i gyd-greu fframwaith ymchwil sy'n cefnogi ein cenhadaeth gyfunol.

Mae cyflawni'r genhadaeth ddinesig mewn partneriaeth yn rhoi cyfle cyffrous i ni ymgymryd ag ymchwil sy'n trawsnewid, cysylltu ein timau academaidd â'n partneriaid i weithio gyda'n gilydd ar brosiectau sy'n berthnasol o ran polisi a phrosiectau ymchwil cymhwysol, gan roi myfyrwyr mewn sefyllfaoedd bywyd go iawn, yn cynorthwyo i fod yn sail i addysgu, a chefnogi ein timau academaidd i ymgysylltu ag ymchwil gweithredol sy'n gysylltiedig â'r genhadaeth ddinesig.