Swydd Gwag  Llywodraethwr

Rhagoriaeth, Cynhwysiad, Cydweithio, Trawsnewidiad a Chynaliadwyedd 

Mae Prifysgol Wrecsam yn gwahodd ceisiadau gan unigolion brwdfrydig ac ymroddedig a all wneud cyfraniad cadarnhaol at waith Bwrdd y Llywodraethwyr, ar adeg gyffrous i’r sefydliad wrth i ni sefydlu ein Strategaeth a Gweledigaeth 2030 newydd. 

Ar hyn o bryd, rydym yn awyddus i benodi aelodau cyfetholedig a llywodraethwyr annibynnol i ymuno â’n corff llywodraethu cyfeillgar sy’n rhannu ein gwerthoedd, a ddaw o gefndiroedd amrywiol ac sy’n darparu ystod eang o wybodaeth, sgiliau, a phrofiadau. Byddai’r rhain yn cynnwys ond ddim yn gyfyngedig i’r canlynol: 

• Cyllid (Archwilydd, Cyfrifydd)
• Addysg Bellach (AB)
• Ystadau
• Digideiddio a Seiber 
• Prosiectau Cyfalaf
• Diwydiant 

Mae pob Llywodraethwr, boed yn aelod cyfetholedig neu’n llywodraethwr annibynnol llawn, yn gwasanaethu am dymor o bedair blynedd gydag uchafswm o ddau dymor. Bydd Llywodraethwyr yn gweithredu fel ‘cyfaill beirniadol’, gan weithio’n wirfoddol gyda threuliau llawn yn cael eu talu. 

Mae angen i Lywodraethwyr ddod ag ymddygiadau penodol i’r Bwrdd a chwarae rhan briodol o ran sicrhau y cynhelir y busnes angenrheidiol yn effeithlon, effeithiol ac mewn ffordd sy’n briodol ar gyfer cynnal busnes cyhoeddus a statws elusennol. Prif gyfrifoldebau Llywodraethwr yw: 

• Gosod cyfeiriad strategol y Brifysgol
• Dal y tîm arwain yn gyfrifol am berfformiad y Brifysgol
• Sicrhau y defnyddir adnoddau yn briodol ac yn effeithiol. 

Mae bod yn llywodraethwr hefyd yn agor cyfleoedd i ennill profiad arwain ar lefel Bwrdd, ynghyd â sgiliau trosglwyddadwy sy’n gwella perfformiad a chyflogadwyedd. Yn bwysicaf oll, cewch foddhad o wneud gwahaniaeth go iawn i fywydau myfyrwyr wrth wireddu eu gallu o ran dyheadau gyrfa.  

Gweler y Pecyn Gwybodaeth i Ymgeiswyr 2025 am ragor o wybodaeth 

Os nad yw rôl lawn llywodraethwr yn addas ichi ar hyn o bryd, ond mae gennych ddiddordeb mewn datblygu eich gwybodaeth, eich sgiliau a’ch profiad o fewn Addysg Uwch mewn ffordd anweithredol, mae hefyd cyfleoedd i gyfethol ar rai o bwyllgorau'r Bwrdd fel aelod allanol. Mae rolau cyfetholedig yn canolbwyntio ar gylch gwaith y pwyllgor ac yn cynnwys presenoldeb mewn tri i bum cyfarfod pwyllgor y flwyddyn, yn dibynnu ar amserlen y pwyllgor. 

Sut i Wneud Cais 

Os hoffech ymuno â’r Bwrdd Llywodraethwyr, neu os oes gennych chi ddiddordeb mewn rôl pwyllgor cyfetholedig, cyflwynwch eich CV ynghyd â llythyr eglurhaol yn nodi’r rhesymau dros eich diddordeb mewn ymuno â phwyllgor neu Fwrdd y Brifysgol a’u hanfon at Ysgrifennydd y Brifysgol/Clerc y Bwrdd Llywodraethwyr joy.morton@wrexham.ac.uk. 

Y dyddiad cau ar gyfer ceisiadau yw 5.00 pm ddydd Llun 15fed Medi 2025  

Goruchwylir y broses ddethol gan Bwyllgor Enwebu a Llywodraethu’r Bwrdd a bydd yn cynnwys cyfweliad gyda hyd at bedwar llywodraethwr. 

Amserlen Recriwtio 

Cyfweliadau: i’w cynnal ym mis Tachwedd 2025 

Bydd y Treuliau Teithio sy’n gysylltiedig â’r broses gyfweld yn cael eu had-dalu. 

Os hoffech sgwrs anffurfiol ynghylch rôl llywodraethwr, cysylltwch ar unwaith gyda’r Clerc gan ddefnyddio e-bost yn y lle cyntaf er mwyn trefnu amser am sgwrs.  

Joy Morton, Ysgrifennydd y Brifysgol/Clerc Bwrdd y Llywodraethwyr, Prifysgol Glyndŵr Wrecsam, Plas Coch, Ffordd yr Wyddgrug, Wrecsam. LL11 2AW. 

E-bost: joy.morton@wrexham.ac.uk