Swydd Gwag  Llywodraethwr

Rhagoriaeth, Cynhwysiad, Cydweithio, Trawsnewidiad a Chynaliadwyedd 

Mae Prifysgol Wrecsam yn gwahodd ceisiadau gan unigolion brwdfrydig ac ymroddedig a all wneud cyfraniad cadarnhaol at waith Bwrdd y Llywodraethwyr, ar adeg gyffrous i’r sefydliad wrth i ni sefydlu ein Strategaeth a Gweledigaeth 2030 newydd. 

Ydych chi’n chwilio am gyfle newydd a chyffrous i arwain Prifysgol ddinesig fodern, uchelgeisiol sy’n arwain y byd, sy’n ymgysylltu’n rhanbarthol ac yn fyd-eang, yn darparu sgiliau ac ymchwil sy’n cael traweffaith ac sy’n gyrru twf economaidd ac arloesi ar gyfer lles cenedlaethau presennol a chenedlaethau’r dyfodol?

Mae’r Brifysgol yn awyddus i benodi dau aelod cyfetholedig i ymuno gyda Phwyllgor Archwilio a Risg Bwrdd Llywodraethwyr y Brifysgol a’i Phwyllgor Pobl a Diwylliant er mwyn ein helpu i gyflawni ein cynlluniau. Rydym yn chwilio am bobl sy’n cael eu cymell gan ein huchelgeisiau ac sy’n gallu bod yn arloesol wrth feddwl a herio.

Bwrdd y Brifysgol yw’r corff llywodraethu sy’n goruchwylio ein gweledigaeth a’n strategaeth. Gallwch ein helpu ni i gyflawni ein Gweledigaeth a’n Gwerthoedd drwy osod y rhain wrth galon popeth a wnawn. Ein gwerthoedd craidd yw Rhagoriaeth, Cynhwysiant, Cydweithrediad, Trawsnewidiad, a Chynaliadwyedd.

Mae hwn yn gyfle unigryw i ddod yn gyfaill beirniadol, darparu arweiniad arbenigol a chynorthwyo i symud y Brifysgol yn ei blaen. Yn ddelfrydol bydd ymgeiswyr yn arddangos amrywiaeth o sgiliau a bod â phrofiad arweinyddiaeth strategol sylweddol a enillwyd o fewn sefydliadau cymhleth. Byddem yn gwerthfawrogi’n arbennig geisiadau gan unigolion gyda’r sgiliau a phrofiad canlynol:

Y Pwyllgor Archwilio a Risg

Unigolyn gyda phrofiad mewn archwilio, risg, rheoliadau neu archwilio ariannol sy’n gallu cefnogi’r Pwyllgorau i oruchwylio rheoliadau mewnol, rheoli risg a sicrwydd sefydliadol.

Pwyllgor Pobl a Diwylliant

Unigolyn gydag arbenigedd iechyd a diogelwch a hygrededd i gyfrannu at oruchwylio iechyd a diogelwch a lles a gwneud penderfyniadau strategol.

Os ydych chi’n rhannu ein gwerthoedd ac yn gallu helpu’r brifysgol i gyflawni ei nodau uchelgeisiol a darparu newid positif, byddem wrth ein bodd yn clywed gennych chi.

Prif bwrpas rôl yr aelod Cyfetholedig yw cynorthwyo Bwrdd y Llywodraethwyr a’i is-bwyllgorau i gyflawni ei ffwythiannau statudol.

Nid yw aelodau Cyfetholedig y Bwrdd yn dod o blith gweithwyr na myfyrwyr y Brifysgol ac maent yn cael eu penodi gan y Bwrdd. Wedi iddynt gae eu hapwyntio, mae’r holl aelodau’n ymddiriedolwyr gan fod y Brifysgol yn gorff elusennol addysgiadol cofrestredig.

Nod Prifysgol Wrecsam ar gyfer 2030 yw cael ei chydnabod am brofiad rhagorol sy’n canolbwyntio ar y myfyriwr, gan greu cyfleoedd sy’n ysbrydoli a galluogi’r holl fyfyrwyr i ddod yn raddedigion hyderus, cyflogadwy sy’n cael effaith gadarnhaol mewn cymdeithas. Bod yn brifysgol angor arweiniol i Gymru sydd wedi’i gwreiddio’n lleol ac yn ymgysylltu’n fyd-eang gyda rhagoriaeth o ran ansawdd a’i pherthnasoedd sy’n cael traweffaith ar ein hymchwil rhyng-ddisgyblaethol a menter, sy’n darparu arloesi a thrawsnewid llwyddiannus.

Bydd yr ymgeiswyr llwyddiannus yn cyfrannu at lywodraethiant y Brifysgol a’i Gweledigaeth a Strategaeth ar adeg gyffrous, ac mae’r Brifysgol yn parhau i ddatblygu a thyfu ei champysau a’i lle o fewn diwydiant.

Rydym yn croesawu diddordeb gan unigolion sydd â barn gadarn a safbwynt ar lefel bwrdd. Gall profiad perthnasol ddod o sectorau masnachol cyhoeddus, wedi’u rheoleiddio neu sectorau addysgu uwch. Bydd y gallu i fynychu cyfarfodydd wyneb yn wyneb yn bwysig.

Mae Prifysgol Wrecsam wedi ymrwymo i ehangu amrywiaeth ei Bwrdd a’i His-bwyllgorau ac yn annog diddordeb yn arbennig gan fenywod ac ymgeiswyr o gefndiroedd ethnig sydd wedi’u tangynrychioli.

Am ragor o fanylion, ewch draw i: Pecyn Gwybodaeth i Ymgeiswyr 2025

Am drafodaeth gyfrinachol ynghylch y cyfleoedd hyn, cysylltwch os gwelwch yn dda gyda Joy Morton, Ysgrifennydd y Brifysgol, Plas Coch, Ffordd yr Wyddgrug Wrecsam Ll11 2AW joy.morton@wrexham.ac.uk

Dylech anfon ceisiadau at clerktotheboard@wrexham.ac.uk os gwelwch yn dda gan roi pa is-bwyllgor y mae gennych ddiddordeb ynddo y llinell pwnc.

Dylai ceisiadau gynnwys C.V. a phapur esboniadol.

Bydd ymgeiswyr sy’n cyrraedd y rhestr fer yn cael eu cyfweld.

Dyddiad Cau: Dydd Gwener 8fed May 2026 am 5pm