BA (Anrh) Darlunio

Beth fyddwch chin ei astudio

BLWYDDYN 1 (LEFEL 4) - Sgiliau Craidd

Mae Lefel 4 yn eich cyflwyno i egwyddorion sylfaenol darlunio, meddwl dylunio a chyfathrebu gweledol. Byddwch yn datblygu sgiliau darlunio craidd ochr yn ochr â dealltwriaeth o brosesau meddwl dylunio sylfaenol, cyfathrebu graffig, ac animeiddio rhagarweiniol, gan gefnogi sylfaen greadigol eang a hyblyg. Mae addysgu yn canolbwyntio ar offer, deunyddiau, a thechnegau creadigol, yn ogystal â chyd-destunau hanesyddol a chyfoes o ddarlunio, argraffu a chynhyrchu. Byddwch hefyd yn cael eich cyflwyno i'r diwydiant darlunio, gan eich helpu i ddeall sut mae ymarfer darluniadol yn gweithredu ar draws gwahanol leoliadau proffesiynol.

MODIWLAU

Semester 1

• Hanes a Chyd-destun
• Cyfathrebu Gweledol
• Dylunio rhyngweithiol

Semester 2

• Dylunio Cymdeithasol
• Adrodd Stori: Theori ac Ymarfer
• Cyfathrebu Digidol

BLYWDDYN 2 (LEFEL 5)

Mae Lefel 5 yn canolbwyntio ar ymestyn sgiliau, syniadau ac ymwybyddiaeth broffesiynol. Mae addysgu wedi'i strwythuro i herio confensiynau a gwthio ffiniau ymarfer darlunio, gan eich annog i ddod yn ddylunwyr mwy amlbwrpas ac addasadwy. Trwy enghreifftiau byd go iawn, cyd-destunau byw ac ystod o dechnegau meddwl dylunio a chynhyrchu, byddwch yn datblygu ymagwedd unigol fwy hyderus at rôl darlunio mewn cymdeithas.

MODIWLAU

Semester 1

• Dylunio Symudiad
• Argraffu a Chynhyrchu
• Meddwl yn feirniadol

Semester 2

• Dyfodol Creadigol: Gwneud bywoliaeth
• Prosiect Dylunio: Darlunio

BLWYDDYN 3 (LEFEL 6) 

Mae Lefel 6 yn canolbwyntio ar arbenigedd, ymchwil a dilyniant. Byddwch yn cymhwyso’r wybodaeth, y sgiliau a’r dulliau a ddatblygwyd ar draws blynyddoedd cynharach i faes darlunio sy’n adlewyrchu eich diddordebau a’ch uchelgeisiau. Gan weithio'n agos gyda staff, byddwch yn cynnig ac yn cyflwyno prosiectau hunan-gyfeiriedig sy'n dangos eich ymarfer darluniadol, eich gallu technegol a'ch dealltwriaeth o gyd-destunau proffesiynol. Mae Lefel 6 yn rhoi pwyslais cryf ar gyflogadwyedd a dilyniant, gan gefnogi llwybrau i gyflogaeth, ymarfer llawrydd ac astudiaeth ôl-raddedig, tra’n cyflwyno ymchwil fel elfen ganolog o ymarfer darlunio uwch.

MODIWLAU

Semester 1

• Prosiect Arbenigol: Darlunio

Semester 2

• Dyfodol Creadigol: Ymarfer Proffesiynol
• Briff Byw

Mae'r wybodaeth a restrir yn yr adran hon yn drosolwg o gynnwys academaidd y rhaglen a fydd ar ffurf modiwlau craidd neu fodiwlau dewisol. Mae modiwlau'n cael eu pennu'n rhai craidd neu rai dewisol yn unol ag anghenion corff proffesiynol ac adolygiad fframwaith academaidd mewnol, ac felly maent yn gallu newid.

Gofynion mynediad a gwneud cais

Y gofynion academaidd ar gyfer y cwrs hwn yw 96-112 pwynt tariff UCAS yn TAG lefel A neu gyfwerth. Caiff cymwysterau lefel UG a Sgiliau Allweddol Lefel 3 priodol eu hystyried hefyd.

Mae tîm y rhaglen yn croesawu ceisiadau gan unrhywun a all ddangos ymroddiad i'r pwnc a'r potensial i gwblhau eu rhaglen yn llwyddiannus. Gall hyn gael ei gadarnhau drwy ddangos cyflawniadau academaidd priodol neu drwy ddangos bod yr unigolyn yn meddu ar yr wybodaeth a'r gallu sy'n gyfateb i'r cymwysterau academaidd.

Caiff pob ymgeisydd naill ai ei gyfweld yn unigol neu ei wahodd i ddiwrnod ymgeiswyr lle cânt y cyfle i ddangos portffolio o'u gwaith. Mae'n bosibl y caiff profiad ei ystyried hefyd, yn enwedig yn achos yr ymgeiswyr nad ydynt yn bodloni'r gofynion academaidd uchod, yn dibynnu ar faint a dyfnder eu gwybodaeth pwnc. Gofynnir i fyfyrwyr dramor, nad ydynt yn medru mynychu cyfweliad, anfon eu portffoio o waith yn ddigidol er mwyn iddo gael ei ystyried.

Mae tiwtor derbyn yn ystyried pob cais yn unigol. Caiff gwahanol gymwysterau eu hystyried, gan gynnwys Cymwysterau Uwch yr Alban, Tystysgrif Ymadael Iwerddon, Bagloriaeth Cymru, y Fagloriaeth Ryngwladol, cyrsiau Mynediad, BTEC, VCE, GNVQ, lefelau A ac AS yn ogystal â chymwysterau tramor eraill. 

Addysgu ac Asesu

Nid oes arholiadau gosodedig. Mae asesu yn barhaus ac yn ymwneud â phob agwedd ar y rhaglen, gan roi pwyslais a ddiffinnir yn fwy gofalus ar asesu ffurfiannol ac adborth ar eich gwaith cwrs trwy gydol y flwyddyn academaidd. Byddwn yn eich cynghori ar lefel eich cyrhaeddiad ac yn eich cyfeirio tuag at strategaeth ar gyfer dilyniant pellach wrth i aseiniadau a modiwlau gael eu cwblhau.

Mae fformatau amrywiol o asesu i annog eich dysgu trwy seminarau grŵp, ymdriniaethau a thiwtorialau. Gall hyn fod trwy ryngweithio grŵp gyda dadansoddiad beirniadol lle byddwch yn cyflwyno ystod o waith gan gynnwys llyfrau braslunio, taflenni dylunio, gwaith celf gorffenedig, gwaith ar sail sgrin, ffeiliau technegol / cynhyrchu, cyfnodolion, traethodau, a chyflwyniadau clyweledol. Mae adolygiadau o waith ar adegau allweddol cyn y Nadolig a chyn y Pasg ac mae hyn yn rhoi amser i chi fyfyrio ar eich cynnydd cyn asesiad diwedd blwyddyn terfynol neu grynodol.

DYSGU AC ADDYSGU

Mae Prifysgol Glyndŵr Wrecsam wedi ymrwymo i gefnogi ein myfyrwyr i wneud y gorau o’u potensial academaidd.

Rydym yn cynnig gweithdai a sesiynau cymorth mewn meysydd megis ysgrifennu academaidd, gwneud nodiadau effeithiol, a pharatoi ar gyfer aseiniadau. Gall myfyrwyr drefnu apwyntiadau gyda thiwtoriaid sgiliau academaidd sydd yno i gynorthwyo gydag agweddau ymarferol o waith prifysgol. Mae gan ein hadran cymorth myfyrwyr fwy o wybodaeth am y cymorth sydd ar gael.

O ran anghenion penodol, gall Gwasanaethau Cynhwysiant y Brifysgol ddarparu arweiniad a chymorth priodol os bydd angen addasiadau rhesymol ar unrhyw fyfyriwr oherwydd anabledd cyfredol a gydnabyddir, cyflwr meddygol neu wahaniaeth dysgu penodol.

Rhagolygon gyrfaol

Rhoddir pwyslais ar ddatblygiad personol a phroffesiynol, cyfathrebu a sgiliau entrepreneuraidd, gan arfogi graddedigion i weithio o fewn sector creadigol amrywiol ac esblygol. Mae graddedigion darlunio yn datblygu sgiliau addasadwy sy'n cefnogi ystod eang o lwybrau gyrfa ar draws diwydiannau creadigol a meysydd cysylltiedig. 

Mae graddedigion wedi symud ymlaen i rolau gan gynnwys: 

• Darlunydd llawrydd
• Dylunydd llyfrau a chynorthwyydd cyhoeddi
• Artist naratif comig a graffig
• Artist bwrdd stori ar gyfer ffilm, teledu ac animeiddio
• Dylunydd cymeriad
• Dylunydd gweledol o fewn stiwdios animeiddio a gemau
• Dylunydd graffeg a chyfathrebwr gweledol
• Creawdwr cynnwys a storïwr gweledol
• Ymarferydd creadigol o fewn addysg a lleoliadau cymunedol
• Cynorthwyydd stiwdio neu iau creadigol o fewn asiantaethau dylunio
• Rolau sy'n cefnogi timau marchnata, brandio a chyfryngau digidol 

Mae'r radd hefyd yn datblygu sgiliau trosglwyddadwy megis ymchwil, cyfathrebu gweledol, rheoli prosiectau a meddwl yn feirniadol, sy'n cefnogi cyflogaeth y tu hwnt i rolau darlunio traddodiadol. Gall graddedigion hefyd symud ymlaen i astudio ymhellach, gan gynnwys rhaglenni MA, llwybrau hyfforddi athrawon fel y TAR, neu lwybrau creadigol ôl-raddedig eraill. 

Ffioedd a chyllid

Nid oes rhaid i chi dalu eich ffioedd dysgu ymlaen llaw.

Bydd y ffioedd rydych yn eu talu a'r cymorth sydd ar gael yn dibynnu ar nifer o ffactorau gwahanol. Gellir dod o hyd i wybodaeth lawn ar ein tudalennau ffioedd a chyllid. Byddwch hefyd yn dod o hyd i wybodaeth am yr hyn y mae eich ffioedd yn ei gynnwys yn y Cwestiynau Cyffredin ffioedd. 

Mae'r holl ffioedd yn ddarostyngedig i unrhyw newidiadau ym mholisi'r llywodraeth, edrychwch ar ein ffioedd israddedig.

Llety

Ym Mhrifysgol Wrecsam, rydym yn cynnig ystafelloedd en-suite ar y campws yn ein Pentref Myfyrwyr Wrecsam. Mae'r mannau preifat, wedi'u dodrefnu'n llawn hyn mewn lleoliad cyfleus, gan ddarparu mynediad hawdd i gyfleusterau campws, ardaloedd astudio, a mannau cymdeithasol. Hefyd, dim ond 10 munud ar droed ydych chi o ganol y ddinas! 

Gyda'r holl filiau wedi'u cynnwys, Wi-Fi am ddim, diogelwch 24/7, a meysydd cymdeithasol mawr, fe welwch bopeth sydd ei angen arnoch ar gyfer profiad myfyriwr gwych. 

Archwiliwch ein hopsiynau llety i ddod o hyd i'ch cartref perffaith oddi cartref. 

Rhyngwladol

I gael gwybodaeth am ofynion mynediad y brifysgol ar gyfer myfyrwyr UE/rhyngwladol, os gwelwch yn dda ewch i'r adran ryngwladol.