MBA Gweinyddu busnes

Beth fyddwch chin ei astudio

MODIWLAU

• Gweithredu Strategaethau (Craidd)
• Cyfathrebu Integredig (Craidd)
• Themâu Arweinyddiaeth Gyfoes (Craidd)
• Mewnwelediadau Ariannol, Deallusrwydd Busnes (Craidd)
• Newid Creadigol ac Arloesedd (Craidd)
• Pwysleisio'r Amglychedd (Craidd)
• Dulliau Ymchwil a Thraethawd Hir (Craidd)
• Adnoddau a Rheoli Talent (Dewisol)

Gofynion mynediad a gwneud cais

Mae gofyn bod gan ymgeiswyr o leiaf gradd israddedig dosbarth 2:2 class.

Mewn amgylchiadau eithriadol, gellir ystyried ymgeiswyr heb radd gyntaf a all ddangos tystiolaeth helaeth o fwy na dwy flynedd mewn rôl (nau) proffesiynol perthnasol. Gall ymgeiswyr o'r fath fod yn destun meini prawf dethol ychwanegol yn ôl disgresiwn y brifysgol.

Ar gyfer yr holl ymgeiswyr llwyddiannus, rhoddir pwyslais ar yr angen i weithio'n ddwys ac yn gyson drwy gydol y cwrs gydag ymrwymiad i  bresenoldeb uchel a chwrdd â'r holl derfynau amser.

Addysgu ac Asesu

Bydd y modiwlau a ddysgir yn cael eu hasesu yn bennaf trwy gyfrwng aseiniadau unigol neu grŵp. Fodd bynnag, mae gan sawl modiwl arholiad fel rhan o’r asesu. Mae'n rhaid i chi basio eich holl fodiwlau i ennill 120 o gredydau ac i symud ymlaen i'r cam traethawd hir.

I dderbyn yr MBA, mae’n rhaid i chi gwblhau’r traethawd estynedig yn llwyddiannus, a chael y 180 credyd. Bydd yn rhaid i chi gyflwyno eich traethawd estynedig yn yr hydref yn dilyn asesiad ym mis Mai. Wrth symud ymlaen i’r cam traethawd hir, bydd goruchwyliwr yn cael ei benodi i chi i’ch cynghori ar sut i lunio a datblygu eich traethawd estynedig.

Amserlen Asesiadau'r Modiwl

Darperir y rhaglen trwy gyfres o chwe modiwl pwnc-benodol sydd wedi’u dysgu dros ddau trimester. Amlinellir y testunau yn nhrosolwg yr adran rhaglen a’r isadran o’r enw Manyleb Rhaglen. Er bod elfen ddamcaniaethol o fewn pob modiwl, mae’r ffocws ar faterion busnes cyfoes a phroblemau’n darparu astudiaethau achos a’r cyfle am drafodaeth feirniadol i gryfhau gwybodaeth a chymhwysiad ymarferol.

Mae myfyrwyr hefyd yn astudio dulliau ymchwil a chyflwyno cyflwyniad ymchwil ar ddiwedd trimester dau. Anogir myfyrwyr i ddewis testun ymchwil cyfoes, sydd yn berthnasol i fusnes a rheolaeth, sydd â gwerth a pherthnasedd i obeithion gyrfaol yn y dyfodol. Yn ystod y trydydd semester mae myfyrwyr yn cwblhau traethawd hir sydd ag elfen ymchwil a mynychu cyfres o gyfarfodydd oruchwyliaeth sydd wedi’u trefnu’n unigol. Darperir y cwrs llawn amser dros ddau ddiwrnod yr wythnos sydd yn rhoi hyblygrwydd i fyfyrwyr sydd yn gweithio a gellir ei chwblhau dros 12 mis, ar yr amod fod cynnydd boddhaol yn ystod y modiwl.  

Mae myfyrwyr rhan amser yn astudio’r rhaglen dros ddwy flynedd ac mae’n rhaid mynychu’r brifysgol un diwrnod yr wythnos yn ystod wythnosau dysgu. Mi ddysgir myfyrwyr llawn a rhan amser hefo’i gilydd i gynyddu cyfoeth yr amgylchedd dysgu mewn sawl maes, yn cynnwys cyfleoedd am rwydweithio, cyfathrebu a gwaith grŵp.  

Fel arfer mae disgwyl i fyfyrwyr mynychu bloc tair awr yr wythnos wedi’u seilio ar bob modiwl. Bydd y rhain yn cynnwys darlith a thiwtorial i alluogi datblygiad sgiliau a chymhwysiad. Mae gan y rhan fwyaf o fodylau dau asesiad fydd yn rhaid i fyfyrwyr eu cwblhau er mwyn symud ymlaen trwy’r rhaglen. 

Rhagolygon gyrfaol

Mae'n gwasanaeth Gyrfaoedd a Chyflogadwyedd yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cyngor a'r arweiniad arbenigol sydd eu hangen arnoch.

Mae cyfeiriad gyrfaol myfyrwyr MBA yn amrywiol ac arbenigol, ond mae tystiolaeth gadarn o swyddi sydd angen cynllunio effeithiol ac ymgymryd â phrosiectau, ynghyd â chyfrifoldebau mwy datblygedig a rheoli tîm neu grŵp lle mae angen clir am sgiliau arwain a gwneud penderfyniadau. Gall rolau eraill ganolbwyntio ar arbenigedd megis adnoddau dynol, marchnata, a chyllid a chyfrifeg.

Mae myfyrwyr yn y gorffennol wedi dod yn:

• Rheolwyr Gweithrediadau
• Rheolwyr Darbodus
• Rheolwyr Prosiect mewn amrywiaeth o feysydd
• Rheolwyr Adnoddau Dynol a Rheolwyr Marchnata.

Nid yw'r rhestr hon yn un gyflawn.

Ffioedd a chyllid

Nid oes rhaid i chi dalu eich ffioedd dysgu ymlaen llaw.

Bydd y ffioedd rydych yn eu talu a'r cymorth sydd ar gael yn dibynnu ar nifer o ffactorau gwahanol. Gellir dod o hyd i wybodaeth lawn ar ein tudalennau ffioedd a chyllid. Byddwch hefyd yn dod o hyd i wybodaeth am yr hyn y mae eich ffioedd yn ei gynnwys yn y Cwestiynau Cyffredin ffioedd. 

Mae'r holl ffioedd yn ddarostyngedig i unrhyw newidiadau ym mholisi'r llywodraeth, edrychwch ar ein ffioedd ôl-raddedig.

Gwneud Cais

• Llawn-Amser: Agored Fyfyrwyr Cartref a Rhyngwladol - Gwnewch Gais Nawr
• Rhan-amser: Argored i fyfyrwyr cartref yn unig - Gwnewch Gais Nawr
• Gweinyddu busnes gydag Ymarfer Uwch: Agored Fyfyrwyr Cartref a Rhyngwladol - Gwnewch Gais Nawr