Cwestiynau Cyffredinol am Gofrestru

Rhaid i chi ddarparu prawf adnabod dilys fel y gall y Brifysgol gadarnhau pwy ydych chi cyn rhoi eich cerdyn myfyriwr i chi. Dewch â ffurf ddilys o brawf adnabod, fel trwydded yrru neu basbort.

Gellir casglu cardiau myfyrwyr o'r Llyfrgell a'r Ganolfan Gymorth i Fyfyrwyr rhwng 9am a 4.30pm.

Rhaid i fyfyrwyr rhyngwladol ddod â'u pasbort a'u fisa gyfredol i astudio yn y DU wrth gasglu eu cerdyn adnabod myfyriwr ac adrodd i'r Swyddfa Ryngwladol ar y campws.

Ewch i MyUni a dewiswch Cymorth Mewngofnodi i ailosod eich cyfrinair neu gael help i fewngofnodi. Gallwch hefyd ffonio desg wasanaeth INFORM ar 01978 293241 yn ystod oriau swyddfa'r DU.

Yn gyntaf, gwiriwch fod eich enw defnyddiwr a'ch cyfrinair yn gywir. Ewch i MyUni a dewiswch Cymorth Mewngofnodi, neu ffoniwch ddesg wasanaeth INFORM ar 01978 293241 yn ystod oriau swyddfa'r DU.

Bydd cymorth cofrestru a TG ar gael yn ystod Wythnos Groeso hefyd.

Defnyddiwch e:Vision a mewngofnodwch gyda'ch enw defnyddiwr a'ch cyfrinair Prifysgol.

Bydd myfyrwyr newydd yn derbyn Rhif Adnabod Myfyriwr, sydd hefyd yn Rhif Myfyriwr iddynt, a chyfarwyddiadau ar gyfer creu cyfrinair yn eu e-bost gwahoddiad cofrestru.

Cwblhewch y broses gofrestru ar-lein hyd yn oed os na allwch ddewis yr holl fodiwlau cywir. Mae'n well cwblhau'r broses gofrestru a chywiro'r wybodaeth am y modiwlau wedyn na pharhau heb gofrestru.

Anfonwch e-bost at studentadministration@wrexham.ac.uk i gael help gyda'ch dewisiadau modiwl.

Mewngofnodwch eto. Bydd y system yn ceisio ailddechrau o'r fan lle gwnaethoch adael.

Rhaid dilysu rhai newidiadau, fel newid enw, cyn y gellir eu cymhwyso i'ch cofnod. Gellir gwneud newidiadau eraill ar unwaith.

Mae angen i'r Brifysgol rannu peth gwybodaeth i ddarparu ei gwasanaethau addysgol. Eglurir y sefydliadau a'r dibenion yn yr Hysbysiad Preifatrwydd Myfyrwyr.

Rhaid i chi ddarllen a chytuno i'r Amodau Cofrestru Myfyrwyr a Hysbysiad Preifatrwydd Myfyrwyr y Brifysgol er mwyn cofrestru. Ni rannir gwybodaeth bersonol categori arbennig heb eich cydsyniad penodol.

Anfonir gwahoddiadau ailgofrestru i'ch prif gyfeiriad e-bost myfyriwr cyn dechrau'r flwyddyn academaidd newydd.

Os ydych yn aros am ailasesiad ar ôl yr haf, bydd eich gwahoddiad yn cael ei anfon ar ôl y bwrdd asesu.

Anfonir gwahoddiadau cofrestru ar-lein mewn sypiau o ddechrau mis Medi i'r cyfeiriad e-bost a roddwyd ar eich cais. Gwiriwch eich blwch derbyn a'ch ffolderi sothach neu sbam.

Os nad ydych wedi derbyn eich gwahoddiad o hyd, anfonwch e-bost at studentadministration@wrexham.ac.uk.

Nodir y pwyntiau rhwymedigaeth ffioedd dysgu yn y Rheoliadau Ffioedd Dysgu Myfyrwyr ar y tudalennau Ffioedd a chyllid.

Rhaid i'ch cais am gyllid fod wedi'i gwblhau'n llawn a'i gymeradwyo, rhaid i unrhyw Ffurflen Ddatganiad a roddwyd i chi fod wedi'i dychwelyd, a rhaid i'ch cofrestriad ym Mhrifysgol Wrecsam fod wedi'i gwblhau.

Gall y Brifysgol gadarnhau eich presenoldeb ar ôl i'r cofrestriad gael ei gwblhau ac o ddiwrnod cyntaf y tymor. Dylai myfyrwyr rhan-amser sicrhau bod y nifer cywir o gredydau wedi'i gofnodi ar eu cais.

Rhaid i'ch cais Cyllid Myfyrwyr ar gyfer y flwyddyn academaidd fod wedi'i gwblhau a'i brosesu, rhaid i unrhyw Ffurflen Ddatganiad a roddwyd i chi fod wedi'i dychwelyd, a rhaid i'ch ailgofrestru ar-lein fod wedi'i gwblhau.

Mae'r Brifysgol yn rhoi gwybod i Gyllid Myfyrwyr yn awtomatig ar ôl ailgofrestru'n llwyddiannus. Rhaid i'ch taliadau ffioedd fod yn gyfredol; ni chaniateir i fyfyriwr sydd â dyled ariannol o'r flwyddyn academaidd flaenorol ailgofrestru.

Ar gyfer myfyriwr israddedig newydd, gall taliad gymryd hyd at bum diwrnod gwaith os ydych chi'n astudio'n llawn amser neu 14 diwrnod os ydych chi'n astudio'n rhan-amser ar ôl i'r cofrestriad gael ei gwblhau.

Ar gyfer myfyriwr sy'n dychwelyd, gall taliad gymryd rhwng tri a phum diwrnod gwaith os ydych chi'n astudio'n llawn amser neu hyd at 14 diwrnod os ydych chi'n astudio'n rhan-amser ar ôl ailgofrestru'n llwyddiannus.

Ni wneir taliadau cyn diwrnod cyntaf y tymor, a rhaid i'ch cais Cyllid Myfyrwyr ac unrhyw ddatganiad gofynnol fod wedi'u cwblhau.

Cysylltwch â Chyllid Myfyrwyr Cymru neu Student Finance England, fel y bo'n briodol, cyn gynted â phosibl fel bod eich cais yn gyflawn ac yn gywir cyn dechrau'r tymor.

Dylai myfyrwyr rhan-amser sicrhau bod y nifer cywir o gredydau wedi'i gofnodi ar eu cais, gan y gallai gwybodaeth goll neu anghywir oedi taliad.

Mae'r dyddiad a ddangosir yn ddyddiad dechrau tymor safonol ac nid yw'n ddyddiad talu gwarantedig. Mae taliad yn dibynnu ar fod eich cais Cyllid Myfyrwyr wedi'i gwblhau, bod unrhyw ddatganiad gofynnol wedi'i ddychwelyd a bod eich cofrestriad yn y Brifysgol wedi'i gwblhau.

Nac oes. Mae'r Brifysgol yn derbyn eich gwybodaeth am gyllid yn uniongyrchol gan y Student Loans Company. Dim ond os bydd y Brifysgol yn gofyn amdani y mae angen gweld neu sganio eich amserlen daliadau.

Yn gyntaf, gwiriwch eich bod wedi cofrestru'n llawn a dychwelyd unrhyw ddatganiad llofnodedig gofynnol.

Os ydych chi wedi cwblhau'r ddau, e-bostiwch srs_slc_queries@wrexham.ac.uk. Dylech gynnwys eich Rhif Cymorth i Fyfyrwyr, sy'n dechrau gyda SFWU neu SFDU, a'ch rhif myfyriwr Prifysgol Wrecsam.

Oes. Sicrhewch fod datganiad y myfyriwr wedi'i lofnodi a'i ddyddio ar ffurflen llofnod y myfyriwr. Ni all Cyllid Myfyrwyr brosesu'r cais nes iddo dderbyn hyn.

Bydd eich bwrsari yn dangos fel “Yn aros i'r Brifysgol ei dderbyn” ar borth y GIG tan ar ôl i'ch cwrs ddechrau a bod y Brifysgol wedi gwirio eich cofrestriad.

Gwneir taliadau mewn rhandaliadau misol, gan ddechrau yn y mis ar ôl i chi gofrestru. Os oes gennych unrhyw gwestiynau, e-bostiwch healthbursaries@wrexham.ac.uk.

Mae Amgylchedd Dysgu Rhithwir, neu VLE, yn blatfform ar-lein a ddefnyddir gan y Brifysgol i ddarparu adnoddau dysgu a chynnwys cyrsiau. Moodle yw VLE Prifysgol Wrecsam.

Moodle yw Amgylchedd Dysgu Rhithwir y Brifysgol. Mae'n rhoi mynediad i chi at ddeunyddiau cwrs ac adnoddau dysgu, a dyma lle rydych yn cyflwyno asesiadau.

Ar ôl i chi gofrestru, mewngofnodwch i MyUni gan ddefnyddio eich enw defnyddiwr a chyfrinair y Brifysgol, yna dewiswch Moodle.

Mae angen i chi fod wedi cofrestru a bod gennych eich ID Prifysgol a'ch cyfrinair cyn y gallwch gael mynediad at systemau'r Brifysgol.

Gallwch gael mynediad at Moodle ar ôl i chi gofrestru a derbyn eich ID Prifysgol a'ch cyfrinair. Mewngofnodwch cyn gynted ag y gallwch i wirio bod eich mynediad yn gweithio cyn i'ch cwrs ddechrau.

Dylai modiwlau rhaglen a chwrs ymddangos ar eich dangosfwrdd Moodle o fewn 24 awr i'ch mewngofnod cyntaf.

Dylai modiwlau rhaglen a chwrs ymddangos ar eich dangosfwrdd Moodle o fewn 24 awr i'ch mewngofnod cyntaf. Os ydych newydd fewngofnodi, rhowch amser i'r systemau ddiweddaru.

Anfonwch e-bost at studentadministration@wrexham.ac.uk i gael help i ddiweddaru eich cofnod myfyriwr gyda'r modiwlau cywir.

Ewch i MyUni a dewiswch Cymorth Mewngofnodi, neu ffoniwch ddesg gwasanaeth INFORM ar 01978 293241 yn ystod oriau swyddfa'r DU.

Bydd eich llythyr cynnig yn dweud wrthych os oes angen cliriad boddhaol DBS neu Iechyd Galwedigaethol. Ar ôl derbyn eich cynnig yn gadarn, defnyddiwch y dolenni a anfonwyd gan dbs@wrexham.ac.uk a Heales Medical.

Os nad yw'r negeseuon wedi cyrraedd, gwiriwch eich ffolder sothach neu sbam yn gyntaf ac yna anfonwch e-bost at admissions@wrexham.ac.uk.

Mae'n rhaid i chi fod wedi cwblhau cofrestru'n llawn a derbyn y rheoliadau cyn y gallwch gael mynediad at lythyrau hunanwasanaeth.

Mewngofnodwch i MyUni, dewiswch Cofnod myfyriwr, agorwch eich cofnod drwy e:Vision, dewiswch eich cwrs a dewiswch Llythyrau hunanwasanaeth cofrestru. Gellir defnyddio eich llythyr cadarnhau astudiaethau i agor cyfrif banc, ymuno â champfa'r Brifysgol neu ddarparu tystiolaeth arall o'ch astudiaethau.

Mae'n rhaid i chi fod wedi cwblhau cofrestru'n llawn a derbyn y rheoliadau cyn y gallwch gael mynediad at lythyrau hunanwasanaeth.

Os ydych yn byw yn ardal Bwrdeistref Sirol Wrecsam, gall y Brifysgol gadarnhau eich presenoldeb os ydych yn cydsynio i'r wybodaeth gael ei rhannu. Gallwch roi caniatâd pan fyddwch yn cofrestru neu'n ailgofrestru, neu ddiweddaru eich dewisiadau cydsynio drwy eich cofnod myfyriwr ar-lein.

Os ydych yn byw y tu allan i ardal Bwrdeistref Sirol Wrecsam, mewngofnodwch i MyUni ac argraffwch eich llythyr eithriad treth gyngor o'ch cofnod myfyriwr.