.jpg)
Arolwg Profiad Ymchwil Ôl-raddedig
Mae Ymchwil Prifysgol Wrec sam wedi ymrwymo i sicrhau bod ein holl ymchwilwyr ôl-raddedig yn cael y profiad gorau posibl wrth gwblhau eu gradd ymchwil yn Wrecsam.
Mae Arolwg Profiad Ymchwil Ôl-raddedig yn arolwg cenedlaethol dan oruchwyliaeth Advance HE, sy’n casglu adborth dienw gan ymchwilwyr ôl-raddedig ar ystod o faterion gan gynnwys goruchwyliaeth, adnoddau, asesiad, sgiliau a datblygiad proffesiynol. Mae’n ein helpu i werthuso pa mor dda yr ydym ni’n cefnogi ein myfyrwyr ôl-raddedig, ac i wella mewn meysydd lle’r ydym ni’n derbyn adborth adeiladol.
Cwblhewch yr arolwg eleni, sydd ar agor o 09 Ebrill tan 16 Mai, 2025. Bydd angen treulio tua 15 munud i gwblhau'r arolwg. Cysylltwch â researchoffice@wrexham.ac.uk i ofyn am ddolen i'r arolwg.
Cymerwch olwg i weld beth mae ein hymchwilwyr ôl-raddedig wedi’i ddweud dros y blynyddoedd diwethaf a sut yr ydym wedi defnyddio’r adborth i wella’r profiad ymchwil.
Hysbysiad Preifatrwydd
Content Accordions
- Cwestiynau Cyffredin
Ydw i’n gymwys i gwblhau’r arolwg?
Mae pob ymchwilydd ôl-raddedig sydd wedi cofrestru ar gwrs gradd ymchwil yn Wrecsam (drwy Brifysgol Caer) yn gymwys i gwblhau’r arolwg.
Sut all ai ddod o hyd i ragor o wybodaeth?
Ewch i AdvanceHE neu cysylltwch gyda’r Tiwtor Datblygu Ymchwilwyr, mandy.robbins@wrexham.ac.uk.
A yw’r arolwg yn ddienw?
Mae eich atebion i’r arolwg yn gyfrinachol ac ni fydd modd adnabod unrhyw unigolyn. Dylech osgoi cynnwys unrhyw enwau neu gwrs er mwyn sicrhau cyfrinachedd.
Mae gen i gwestiynau ynglŷn â’r arolwg - gyda phwy y dylwn i gysylltu?
Cysylltwch â’r Tiwtor Datblygu Ymchwilwyr, mandy.robbins@wrexham.ac.uk gydag unrhyw gwestiynau.
Beth mae’r arolwg yn ei gwmpasu?
Mae’r arolwg yn canolbwyntio ar eich profiadau chi fel myfyriwr o safbwynt goruchwyliaeth, datblygiad personol, llesiant ac adnoddau.
Pam y dylwn i gymryd rhan?
Mae’r arolwg yn rhoi cyfle i chi roi adborth ar eich profiadau. Mae hyn yn gadael i ni wybod beth sy’n gweithio’n effeithiol, fel ein bod yn gallu parhau i wneud hynny, a beth sy’n llai effeithiol, fel y gallwn dyfu a datblygu yn y meysydd hyn.
